اموله ايه كلامك صحيح اللي اختبرت بدري تتحمل كل شي انا قريت اسئلة الوظيفة صح بس الأسئلة اللي جاتني كلها جديده يمكن سؤال واحد مكرر يعني يا اخت وحيدة زماني لا تحطين بذمتك تقولين احنا غاشين ولا احد اجبرك تختبرين اول الايام ولا تخافين على رزقك اذا مكتوبه لك الوظيفة راح تجيك سواء اختبرتي اول الايام او اخرها ...الله يرزق الجميع

ماكنا نعرف ان الاسئلة ماراح تتغير
ولا كنا نعرف ان الاسئلة بتتسرب
ولا كنا نعرف ان بعض المراقبات حسب ماوصلني من زميلاتي انهم تاركين البنات يغشون من قوقل وبعضهم تغشش بنفسها
وين العدالة والخوف من الله؟
كيف اصلا تسمح لنفسها تاخذ وظيفة هي غاشة باختبارها !
الوظيفة يترتب عليها راتب ومصدر رزق كيف تاكل رزق ماهو حلال صافي!
عموما هي مثل ماقلت قبل انها غلطة الجامعة موب البنات

انا يا اخوان كان اختباري يوم الخميس قبل اليوم الاخير على الفتره الاخيره علما انه كل يوم 3 فترات بحسبة تقديرية اللي شفتهم معاي لايقل عددهم عن 100 شخص هذي فترة وحده بس يعني باليوم عدد المختبرين لايقل عن 300 ضربوها ب6 ايام اختبار لايقل العدد عن 2500 متقدم والاسئلة كانت سهله وعامه بحكم تجربتي بخظور اختبار المسابقات الوظيفية الحكومية دايما تكون الاسئلة سهله بنسبو وتناسب راح يكون المرشحين للمقابله عدد كبير ايضا لكن اللغز المحير واللي ماصرحو فيه اللي اهو عدد الاحتياج الحقيقي كم ؟؟ مقابل العدد الكبير من المتقدمين اذا كانت الشواغر بعدد متواضع لايذكر ف بتصوري راح تروح الوظايف لاصحاب فتامين الواو والبهرجه هذي كلها مسرحية وتنفيس للعاطلين انا ماني جاي احبطم واتمنى اللي له حق ياخذه وخاصه اللي شربو من كاس معاناه القطاع الخاص اللي يهضم حقك ويحلبك ويمتص عافيتك مقابل راتب مايغطي نص مصاريفك اتمنى التوفيق للجميع وانا يكون رزق الله لنا ولكم فيها تعبنا واحنا نحضر هل المسابقات الوظيفيه ونتكبد عناء الوصول ونخسر مصاريف النقل والموصلات على الفاضي

انا مستعده اني احط ايدي بايد اي شخص جد واجتهد وصبر بس راح تعبه للي غش وخدع وتلاعب
المشكله ان اهم شرط بهالوظايف الامانه لكن حاميها حراميها
وفعلن شفت العجب بالقاعه والغش والسذاجه ...
وكلكم فاقدين الامل لانكم عارفين الواسطات بهالمكان بالذات كيف هي الحكم وقلة الكفاءة لحالها تثبت

افااا ليش تتهاوشون صدقوني اللي الله كاتبه بيصير
انا من الناس اللي اختبروا بأول الايام ودخلت على عماي والاسئلة صعبة بالنسبة لي وماحليت زين صدق حزنت كثير لكن مؤمنة بإرادة ربي
ومؤمنة بمقولة والله لو هربت من رزقك كما تهرب من الموت لأدركك رزقك كما سيدركك الموت<< يارب تصير صح علي
تمنوا الخير لغيركم تجدوه
واذا على قولتكم فيه غش والله سبحانه مايرضى بالغش فبإذن الله بيستبعدهم ربي من المفاضلة لأنهم اقدمو على عمل مايرضيه فكيف يرجون التوفيق

اللهم بشرنا بمايسرنا وكف عنا مايضرنا

أنا لما كنت أختبر شفت معي وحده تقول مقدمه على القطاع الصحي وجت أسألتها مثلي كاتبة
أتوقع والعلم عند الله مو كل البنات اللي حضروا وظيفتهم كاتبه ,,,

يارب تكتب لنا الخير

لاحول ولاقوة إلا بالله