السلام عليكم

شباب اللي عنده خبرة يفيدني الأوراق اخرمها واضعها في الملف ولا ما اخرمها ؟؟

الكشف الطبي 8 عيادات ماذكرها زين لكن بقول اللي اعرفه

اول شي كشف نظر حروف E وسهالات وبعده اختبار عمى الالوان ومايفحص عيونك بس تقوله الحرف اي جهه وعمى الالوان
بعدين اختبار الجراحة ينادونك وتخش يقولك قد سويت عمليات من قبل ثم يقوله نزل السروال للركبة
بعدين انف واذن وحنجرة ظني يحط شي باذنك وخشمك والله ماذكرها زين بس سوو تنظيف اذن قبل الكشف بأي مستشفى
وبعدين فيه عيادة ناسيها ترفع بنطلونك للركبة عشان يشوف سيقانك فيها شي ولا سليمه
والطول والوزن وبعدين اسنان عشان التسوسات وشكل اسنونك لازم تكون زينه ماهي متكسره وغيره والتقويم ما يأثر انا كنت مركب تقويم والحمدلله مشيت لانه في ناس قالوا ماتمشي بالتقويم بس طلع كذب
وفيه عيادة يحط سماعه على صدرك ويقولك تنفس وكح ومدري شنو
واخر شي النفسية يلخمك يعني اول ماتجي يمكن يصايح عليك ليش تأخرت لي ساعه اناديك ماتفهم الزبده اهم شي تكون ثقيل وطبيعي وانظر فالكرسي وش لونه لان ممكن يسألك واذا سألك لاتطالع بالكرسي اصرفله اي لون ولا تلفت لو قال من اللي عند الباب اهم شب تكون ثقيل وراكد
عقبه ينادونك ويعطونك ارواقك وعليها ختم اذا المسرح الله يعوضك اذا المقابلة الشخصية الف مبروك يعني اجتزت الكشف بلائق طبياً وعقبه المقابلة

الكشف اللي قلته حق الحربية والبحرية والدفاع الجوي الجوية لهم كشف لحاله

واللي عنده استفسار يرسلي خاص او يكتبه هنا
ومابي منكم إلا الدعاء والله ييسر لكم أموركم ويوفقكم

والصور ندبسها ولا هم يدبسونها كذلك الاوراق نخرمها ولاهم يخرمونها

الوكاد ترا اختبار اللياقة مهم ركزوا عليه