المشاركة الأصلية كتبت بواسطة Civil Eng

نصيحة يا شباب لا أحد يتستر على الاجانب صدقوني تاكلوا هوا وخصوصا التستر اللي يكون بشراكه اللي عليك راس المال وعليه الشغل لأن ارباح محلك من الشغل مو من راس المال فقط لذلك انتبه ترى الاجانب العرب بالذات ما يبون لكم الخير وفيه عنصريه مقيته يبون السعودي برى القطاعات التجاريه لأنهم يعرفون السعودي اذا فهم الشغل وصار شغيل ما فيه احد بيوقف قدامه وبيكون منافس قوي جدا لذلك هم يسعون لإفشال وتجهيل السعودي بكل القطاعات انتبهوا انتبهوا اتركوا التستر ارجوكم واشتغلوا انتوا بنفسكم وكونوا انتم اصحاب الصنعه ويكون المحل تحت ادارتكم مباشره، مثلا لو مشروع مطعم تكون انت صاحب الصنعه والمعلم والشيف
اما اللي تحتك هم من يعتمدون عليك بالعمل وليس العكس عندما تتستر وتزيد العبىء على وطنك وشباب وطنك
اذا مفكر انك بترتاح وتجيك الفلوس لان المحل بإسمك تراك غلطان
لانك اللي بتاخذه ما يجي 1% من ارباح المحل والباقي قدمته على طبق من ذهب للأجنبي اللي يسعى لتجهيلك ويجعلك تعتمد عليه فقط لأنه صاحب صنعه من السهل جدا ان تمتلك وتتعلم هذه الصنعه وغير كذا الاجنبي اول ما يوصل لمبلغ محترم من ارباح محلك يتركك ويدور متستر غيرك بلإسم فقط لأنه الآن لا يحتاج مالك بعد ما جمع ارباح محلك

الحمدلله ظاهرة التستر خفت كثير وبدأت الاحظ هذا الشيء من سنه تقريبا وتطورت العقليه واصبح هناك قابليه للعمل الحر من قبل الشباب السعودي فهناك شباب سعوديين يملكون مطعم بروسدت وايضا آخرين يملكون مطعم يقدم وجبات مكسيكيه وايضا هناك معلم شاورما سعودي وهو صاحب المحل واللي تحته يعملون بالتقديم فقط
صدقوني يا شباب الارباح في العمل الحر بتجعلك تعشق العمل الحر وتحب الشغل
لكن ارجوكم لا تسلمون الاجانب مفتاح ثمين في استثمارات أوليه السعودي هو أولى بها

اتمنى من كل قلبي ان يتم توطين بعض المجالات في المطاعم قريبا وخصوصا الوجبات السريعه واعطاء دورات وتدريب مثل توطين الإتصالات وجعل العمل الحر لشبابنا هو مصدر دخل وفير لهم