زوجي اليوم فاجئني باتصاله علي من الدوره انه تعين في نجران ..
طبعا بكيت لين قلت بس من الصدمة لاني ماكنت متوقعه انه راح يتعين هناك توقعت كل شي الا نجران ماجت في بالي ..
انا من اهل الشرقيه وسكنت فترة في جيزان والحين اهو تعين في نجران ..
الله يوفقكم ساعدوني خايفه ولا اعرف احد او اي شي عنها تقفون حطو نفسكم مكاني ..
الي اعرفه انو هناك الوضع يخوف من ناحية الصواريخ والقذائف والحوثيين ..
ارجوكم الله يوفقكم اعطوني معلومات عن كيف الوضع هناك من ناحية الامان؟! وكيف العيشه فيها ؟!
وبلييييز افضل وارقى الاحياء السكنيه الي يكون فيها نت والمويه والكهرب ماينقطع وتكون الشقق نظيفه وغير مفروشه ؟! واسعارها كيف ..!
وارجوكم الاحياء الي راح تحطون اسمها لي قولولي هل الصواريخ الي طاحت قريبه منها ولا لا ؟!

ارجوكم طالبتكم تفزعون لي وربي ماتعرفون الازمه الي انا فيها ما ابي اروح بس مو بيدي صعبه ابعد اطفالي عن ابوهم لهذا السبب وربي بدعيلكم واعذروني على كثر الاسئله ..

اختي بخصوص التعيين يقدر ينقل يأي وقت لكن حاليا وقت حرب وطبيعي يكون قراره بنجران والامور طيبه بنجران هادئه اخوي كان فيها سنه كامله على خط النار الاول .. والحمد لله رجع لمنطقته وانتهت مهمته زوجك ما راح يطول هناك من 6 الى سنه بعدها يقدر ينقل بسهوله
اتكلم عن اخوي اللي على خط النار الاول سنه كامله كان هناك ورجع الحمد لله نجران بالذات نسبه الحرب قليله مره واهل نجران ما يعرفو شي عن الحرب بخصوص بعض القذائف الله يحفظهم منها انصحك روحي هناك واختاري بيتكم واستقري مع زوجك مده سنه وبعدها باذن الله راح ينقل والله يوفقكم ويجي من يفيدك بخصوص نجران نفسها

المفروض تكوني معى زوجك واللي كاتبة الله مامنه مرد سواءً في جيزان او نجران او الشرقية
اعرف شخص فصل من العسكرية ايام ازمة الخليج كله عشان لايروح الخفجي خايف من الموت
تصدقين اليوم فصل واليوم الثاني صار علية حادث وتوفى الله يرحمة لازم يكون ايمانك قوي وتوكلي على الله
اسئل الله العظيم رب العرش العظيم ان يبعد عنكم كل مكروة وعن المسلمين اجمعين ويأمنا في ديارنا

لاتشيلي هم ياخيتي .. توكلي على الله وربي ييسر امركم ..
واما افضل الاحياء والشقق ادخلي على دليل نجران بالانستقرام قد يفيدك ..

تطمني ما راح يصير إلا كل خير بإذن الرحمن

من وجهة نظري ان زوجكـ المفروض هو يخاف عليكـ وماياخذكـ معاهـ صراحه الوضع هناكـ مو امن ومضطرب انا اخوي كان كذا وهو في منطقة عاديه بس لانه متعين في قرية مارضى ياخذ زوجته بس كان ينزل كل نهاية اسبوع ومع بداية الدوامات ينزلها عند اهلها ومشي حالهم كذا سنييييين هي والله كانت صعبة وهجولة وطول مسكييين وهوهناك لين لما نقل لمنطقة اقرب وخدماتها افضل واخذها معاه. انتي ناقشيه واطرحيه عليه الفكرة بالهداوة وربي ييسراموركم ويحميكم من كل سوء

سلامتكـ وسلامة اطفالكـ اولى من كل شىء ~

توكلي على الله والله يحفظك اختي والموت ترى مامنه مفر لا بنجران ولا غيره
الحين الجنوده بخط المواجهه ناس تسلم وناس تنصاب عيشي حياتك لاتكدرين نفسك بالتفكير .

__________________
"لله دُر أمي إذا ابتسمت
تهادت جروح قلبي والتئمت"

اللهم صل وسلم على نبينا محمد

توكلي على الله ..
قل لن يصيبنا الا ماكتب الله لنا
وعسى ان تكرهوا شيئا وهو خير لكم