في كذا واحد انرفضوا وجتهم رسائل , يا رجال توكل على الله ورح ماتدري وش يصير معك

انا ماجتني رسالة وش الوضع , هل يرسلون دفعات ولا تسيف ؟

الا دفعات اقصى حد للرسايل 8/11

لاكن كم نسبتك والرتبه اللي مقدم عليها

الاخ Bader/ هل دخلت على موقعهم ولقيت لك موعد مراجعه؟؟

لإن في شباب كثيرين جاتهم رسايل بس في الموقع مكتوب نعتذر عن عدم قبولك!

وموفق بإذن الله...

والله يالغالي ما ابي اكذب عليك واقولك روح بيقبلونك
وتروح مشوار على الفاضي
فيه شيء اسمه تناسق الطول مع الوزن يعني على طولك هذا
يقبلونك اذا وزنك من 90 الى 95 تقريبا
دورتهم كرف لكنها تهون مدتها 9 شهور تقريبا
اغلب التعيينات تكون في الرياض رواتبهم حلوه
7 الالف وكسور ، واسأل الله لك التوفيق
من رأيي انك تروح لان الوزن يمشون فيه عادي
اما الطول لا ، عادي بيقولون لك نزل وزنك وكذا
وان شاء الله تشوف اللي فيه خير .
بالنسبة للي جاتهم رسايل قبول وفي الموقع نعتذر لعدم طلبك
انت منت في الاحتياط ولا شيء ومستحيل تروح لهم ويقولون لك لا
ما قبلناك اصلا ، دام وصلك موعد المقابلة فأنت مقبول باذن الله
يعني روح لموعدك لحد يضحك عليك ويقولك احتياط

كلام عاطل محترف عين الصواب

وفي ناس هنا الله يصلحهم يحبون السلبيات ويحبون كلام فلان وعلان وسمعت من واحد وواحد ثقة ,

دام الرسالة وصلتك توكل على الله ورح , ويقول المثل دامك جمّال واعد عشرة يعني قدم هنا وهنا لا تترك شي
وان شاءالله تفتح الاستخبارات ونرتاح من ذي التساجيل بس متى يفتحون الله واعلم .

اما من ناحية الرواتب تراها طيبة , الظاهر جندي اول يستلم حدود 8000 وكسور

انتظر رسالتهم مقدم على وكيل رقيب


الله يكتب الخير لنا ولكم جميع

وفي ناس هنا الله يصلحهم يحبون السلبيات ويحبون كلام فلان وعلان وسمعت من واحد وواحد ثقة 0000,

أنا ياحبيب جيت أستفسر بس محد فهم كلامي أنا ماجاتني رساله خير شر ومتوهق وأبغى واحد يبشرني باقي في قبول ولا لا؟! وبالنسبه للاخ الي جاته رساله انا قاعد أستفسر هل جاله موعد لأن في بعض الشباب جاتهم رساله بدون موعد ماقلت لاتروح افهموا الكلام زين بغيت اعرف هو نفس وضع الاخوه او لا؟

بس على طول تدخلون في النيات وتكذبون الواحد..

وماراح أستفسر عن موضوعي مره ثانيه ورزقي على السميع البصير.....