انا كمان ناوية افتح محل كمبيوتر
بس حابة اعرف قد ايش تكلفة المحل مع العلم انا ابغاه صيانة ومبيعات ..

اعتذر من صاحب المشروع داخلة كذا عرض بس قلت بد ما افتح موضوع ثاني..

للرفع

عزيزي
انا عندي لك اقتراح اعمل فواتير للصيانه مايتصين اي كمبيوتر إلا بالفاتورة
وضع في الفاتورة حقل يكتب فيه السيريال نبر تبع الجهاز التي تمت صيانته
وكل بين وكل اسبوع او اسبوعين ارسل احد اصدقائك للمحل وقله رح ركب برنامج
او اعمل فورمات او نزل برنامج حمايه او اي شيء آخر ولاحظ العامل هل يدون فواتير ام لا وهل بنفس السعر الي قالك عليه صاحبك

تمنياتي لك بالتوفيق

تقدر تحط لوحة تنبيه للزبائن بانه يجب عليهم استلام فاتورة موضح فيها كل معلوماتهم بغرض معاودة الاتصال بهم للتاكد من جودة الخدمة يعني كانك بتقدم لهم خدمات مابعد البيع واذا ماتم استلام الفاتورة المحل غير مسؤول عن اي عطل صدر عن الخدمة وخلي روحاتك للمحل مو منتظمة بوقت معين يعني كل ما جا براسك روح وشوف دفتر الفواتير لانه فيه رقم تسلسلي يعني حتى لو راحت ورقه او تلفت قول للعامل يخليها لايرميها شوفها انت بالاول حتى لو كانت خطا او ممزقه والله يوفقكم جميع<<عشان تعصب

عزيزي إذا ما عندك علم بمبادئ الحسابات فهذي أنصحك إنك تعالجها لأنه حتى مكسب الربح عندك ما راح يكون دقيق.

وأما من ناحية الحسابات الإدارية لعملك بعطيك فكرة عنها مبدئية وإنشاءالله انها تفيدك:

اولاً/ احسب تكاليفك الإنشائية واعتبرها إهلاكات مثل الديكور والملحقات الخاصة به، لوح العرض، التكييف، المعدات المستخدمة بالصيانة ونحوه يعني كل شيء راح يكلفك لإنطلاقك بعملك واجمعها كلها بإكسل شيت وطلع مجموعها وحطلك مدة زمنية إنك تسترجع المال اللي انفقته عليه يعني كمثال لو كلفت 100,000 وحطيتلك انك راح تسترجعها في خمس سنوات فسنوياً 20,000 ريال راح تكون مقتصة لحساب الإهلاكات.

ثانياً/ احسب تكاليف التشغيل وهي تتضمن الإيجار وفواتير الخدمات ونحوه وحاول إنك تاخذ مجموعها بسنة ومن ثم قم بقسمتها على عدد الأيام لاجل تعرف تكاليف تشغيلك اليومية بشكل دقيق وهذه كذلك بإكسل شيت تنعمل.

ثالثاً/ أنشئ ورقة عمل على الإكسل وقم بإدارج كل البضاعة التي وردتها مع تكاليفها كاملة سواء كشراء ونقل ونحوه وحط بعدها سعر البيع بحسب السوق لاجل تحسب المربح وطبعا راح يكون الربح متوسط بحكم الخصم اللي ممكن يحصل العميل عليه، لكن تبي تركز على البضاعة اللي تندفع آجلة لاجل تعمل حسابك مع الموردين.

رابعاً/ الصيانة ياخوي شف مستحيلة تضبطها مية بالمية كان شركات كبار قدروا عنها خصوصا بانك من البداية متخوف، لكن بإمكانك التفكير بمركز الصيانة نفسه بحيث يكون غير ظاهر للزبائن للتعامل المباشر وتضع لوحه تبين بأن لديك صيانة بحيث الزبون من يجي راح يمر على الإستقبال وبالتالي يكون تعامله كامل مع الإستقبال وليس له اتصال مباشر مع الصيانة سوى الإستلام وشرح المشكلة وماليا بالطبع مع الإستقبال وبالتالي ريحت حالك.

خامساً/ لأجل تضبط شغلك صح فخلك مشتغل على النماذج كإيرادات ومسترجعات ونحوه وذلك بكل بساطة لاجل تعمل كنترول كامل وسلس وتعرف اين خسارتك واين مربحك فمو كل بضاعة راح تربحك مثل غيرها ودخل الصيانة غير دخل المبيعات فالصيانة تكاليفها بالتأكيد اقل بكثير من المبيعات فلا بد بان تفصل حساباتهم كليا واعتبرهم متجرين داخل متجر لاجل كل واحد بهم يشيل الثاني.


وخذ نصيحتي ياخوي والزم محلك اقلها لو اول 6 اشهر واقلها انك تعرف السوق صح واذا كانت عقليتك متفتحه راح تبدع وتعرف كيف يلعب اللي حولك.



ونصايح لاجل تاخذها باعتبارك في المعرض:

1- اعرض بضاعتك بأجمل ترتيب ممكن وبكثرة اي اعتمد على الظاهر ودع قسم يكون كمستودع مصغر للطلبات السريعة.

2- ضع تسعيرات على منتجاتك كاملة وذلك اولا لتقليل عدد العمالة وصدقني اريحلك ثانيا مو كل زبون داخل راح يكون شراي فالزبون لديه ميزانية واضعها باعتباره وانت كذا سهلت عليه القرار طبعا مع مراعاة الخصم وهذي عاد انت وطريقتك بحساباتك.

3- حافظ على نظافة معرضك فللأسف النظافة من الإيمان وأغلب المعارض تعتبر مردع قمامات.

4- إستحدث عروض على فترات وحتى إن لم يكن لديك خصم لكن لأجل ينطبع لدى الكل صورة ذهنية عن معرضك.

5- إستحدث فريق مبيعات متعاون وتعامل معهم بنظام العمولة وبدون رواتب.


وأتمنى لك التوفيق والسلام عليكم

اخوي انا خبير في المجال هاذا واستطيع اساعدك مجانا واذا تبي تتواصل معي ارسلي رقمك على ايميلي سوف ارسلك ايميلي على عنوانك الخاص رسايل خاصة واذا وصلك ايميلي ارسلي رقمك الجوال وادقع عليك اذا كنت بالرياض فقط

الله يعطيكم العافيه جميعا

صراحه اسفتدت من البعض.. ومازلت انتظر نصاائح اكثر

رائع جدا
ولو بدك انا مستعده اساعدك في اي شي
واذا كان على ان بدك واحد يشتغل معاك ويكون أمن انا بعرف واحد أمن كثير وملتزم جدا وعندو شهاده جامعيه متخرج من جامعة الحاسب
وملتزم جدا وعارف ربه وحافظ القران يعني حيكون محافظ على مالك في غيابك لو بدك معلومات عنه اكثر راسلني على الخاص
وممكن اساعدك في اي طلب تطلبه او اي معلومه انا مستعده

طيب قولنا انت من أي منطقة عشان نساعدك