11-07-2017, 01:34 AM
|
عضو مهم
|
|
تاريخ التسجيل: Apr 2017
المشاركات: 311
معدل تقييم المستوى: 15
|
|
|
رد: اخر مستجدات المتقدمين على المظلات في القوات البرية الملكية 1438
السلام عليكم اما بعد (اليوم كان يوم شاق) جيت مستشفى الامير منصور الساعه 5/30 طبعا دخلني عسكري الله يجزاه خير انا ومعي اخوي وهوا ممنوع المرافق لكن الحمد لله عديت معه وقفت عند المسجد ونزلت مكتب التجنيد طبعآ جاي متمحس واول واحد ومافي احد جا قبلي من الموظفين او الي جاين يكشفون او حتى مراجعين من المرضى المهم جلست عند باب التجنيد انتضر اي موظف يجي واساله عن الوضع جلست لين الساعه 6 وفجئه جت مجموعه من الناس تبي تكشف المهم كنت افكرهم مع بعض طلعو ماحد يعرف احد ودورتهم غير عني الصاعقه الي متفجرات والي سلاح أشارة والخ.... المهم شوي وجا الممرض سعودي وسالته قالي انتظر شوي جلست شوي وطلع الاوراق وحطها على مكتب وقالي الي كشفه يوم 1438/10/11 يجي يشيل ورقه والي كشفه 1438/10/16 يجي يسار يستلم ورقه اخذت ورقتي وشفتها لقيت فيها خطا في رقم البطاقه وقلت له واخذها مني وطبع وحده جديده لي ثم قالي اجلس وجلست وشوي يجي الممرض حق سحب الدم ويقول صفو طابور وكان زحمه مره طبعآ صفيت ودخلت واخذ مني 4 براويز دم ثم اعطاني علبه للبول الله يكرمكم ثم رحت غرفه للوزن والطول جنب غرفة سحب الدم وقاسني وحط الوزن طبعا يحطون من كيفهم في طول الي طوله 162 يحطونه 176والي 164 يحطونه 170 وهكذا خلصت ثم دخلوني عليى دكتور الاذن والانف والحنجره ووقع لي ع طول يبي يمشي مستعجل والله ورحت سويت البول الله يكرمكم ثم قالي روح سوي اشاعه نفس الممرض ورحت دخلت الغرفه وسويت ثم طلعت الا دكتور النظر جا وصفيت طابور ودخلت حطني قدام مرآه وقالي وش هذا c فوق او تحت طبعا ماجوبت عليها كلها لنها مو واضحه او انا مانمت زين المهم قالي انتضرني عند العياده انا و٦ معي رحت للعياده معه وسوا لي الممرض كشف بالجهاز وبعدها دخلت على الدكتور وشاف الورقه الي سويت كشف بالجهاز عند اللمرض وطلع لي شنطه ولبسني نظاره واختبرني في c جبتها كلها صح وقالي تمام عليك بس لازم تسوي نظاره قلت له مو لازم وكذا قالي الا لازم (هنا غلط مني المفروض قلت له اني اشوف واقدر اعيد الاختبار بدون نظاره بس ماقلت له تاهت عن بالي الشباب الي معي قالو له كذا ونجحو في الاختبار رغم انهم عندهم عمليات وقصر نظر لكن انا سليم وماقلت له نسيت وكذا) المهم كتب لي 6/6 6/6 21/21 وحط لي ارقام عند تصحيح وقالي لازم تقص نظارة طبعا طنشته لنو لو شافوك بنظارة في قطاع المضلات فيها فصل على طول لنو المضلات ممنوع النظاره تعتبر راسب وكذا المهم مالكم في الطويله وقعلي انو لائق وختم لي ورحت العياده حقت الاسنان وختم لي ورجعت مكتب التجنيد ولقيت دكتور الجراحه ووقع لي ثم دقتور العظام رجع ثاني وجيته الغرفه قالي فسخ كل شي الا السروال السنه وفسخت وكشفني ووقع لي وكذا اكون خلصت كل شي (التحاليل والاشعه والجراحه والعظام والنظر والاسنان والباطنيه وانف واذن وحنجره) الي عقدني النظر المهم خلصتها وعطيتها الممرض الي عطاني ورقتي اول ماجيته وقلت له عن قصة النظر والتصحيح وانو قالي روح قص نظارة قالي ماعليك اهم شي انو وقع لك لائق واكدت عليه انو مافيها شي وتمام باذن الله قالي تمام وباذن الله وعطيته الورقه ورحت لقيت برا رقيب وسالته نفس السوال حق البصر وحكاية النظارة وأكد لي انو اهم شي وقع لك وختم لك هذا اهم شي واكدت عليه قالي لا ماعليك ناجح وعديت باذن الله الكشف وبس هذا قصة الكشف الطبي بتاريخ اليوم الاثنين 1438/10/16 الموافق 2017/7/10 وسلامتكم ياشباب وموفقين باذن الله الموضوع والله بسيط الكشف وسهالات حمد لله بس النظر دكتوره معقد خصوصا تخصصنا مشددين عليه بالكشف نظر اهم شي اذا وداك العياده لاتقوله الا ابي اختبر بدون نظاره انا اشوف طبيعي وباذن الله تشوف وتمشي تمام زي العسل تحياتي لكم اخوكم abuzaki
التعديل الأخير تم بواسطة abuzky35g ; 11-07-2017 الساعة 01:37 AM
|
العرض العادي
