السلام عليكم
انا فتحت لي متجر الكتروني واجيب بضايع من الصين ..المهم انا مبتدئه بهذا المجال
ابي مساعدتكم
كيف اكسب الزباين
وكيف اسوي عروض وخصومات ...ياليت تساعدوني بمقترحاتكم وافكاركم

السلام عليكم
انصحكم بنشر حساب المتجر
في حراج او اسواق ستي
جذب الزبون عن طريق منتج جديد في السوق
بالنسبه للخصومات والعروض
كل ماكان السعر رخيص كل من جذب الزبون للمتجر
توثيق حساب المتجر في معروف في وزاره التجاره راح يريح الزبون لان المتجر بالبديه
عجائب الصين او الماركه الصينه في مجتمعنا غير مربغوب به بشده
لاكن كل ماكان في منتج يجذب الزبون ورخيص راح يكون فيه مكسب كبير للمتجر
الشحن اهم شي انصحكم بتعامل مع ارمكس او dhl يثق الزبون في المتجر اكثر
تطبيق فكره كود خصم للمسجلين لاول مره مثل 10% حتى للزبائين الذين تعاملو مع المتجر اكثر من مره
اتمنى لكم كل التوفيق

انصحك بتغيير اسمك اولا إلى سوف أصمد
لان له تاثير نفسي كالسحر
وعليك بالمواقع المشهورة
الاعلان ثم الاعلان ثم الاعلان
وتكون عندك ميزه
يعني تجاوبين على سؤال :
وش السبب الي يخلي الزبون يشتري من عندي ؟ وما يشتري من غيري ؟

انا فتحت متجر انستقرام وبسوي عروض وخصومات بس ابغى افكار
شكرا لكل من رد

الافكار فتحتي بالانستغرام
سوي اعلانات بتويتروالفيس بوك وسوي خصومات
اهم شي البضاعه الجيده والتعامل في اوقت المحدد وايضا ممكن تركزي علي موقع حراج واسواق سيتي وتقدرتسويبالمواقع اعلانات

تميزي عن غيرك

شكرا لكم جميعا ماقصرتوا والله

السلام عليكم ..
تعليقي هنا يخص من يفكر في تطوير تجارته وإستمراريتها ولديه أهداف مستقبليه وطموح
أما المُتاجر للتسليه وسد أوقات الفراغ وكسب القليل والتجربه لا يعنيه التعليق ..

في مايخص المتاجر الناشئه المحدوده في بضايعها والقليله في مبيعاتها .. يكون وضع التاجر في بداياته شبه ممل ومتعب من تدني المبيعات وقلة المكاسب.
الطريق ليس طويلا ولكن يحتاج إلى صبر وجهد ..

نأخذ عمليه حسابيه بسيطه لبعض التجار الناشئين:
مبلغ 6000 ريال استورد فيه تقريبا 100 قطعه بمتوسط سعر 60 ريال للقطعه تقريبا
نفترض إن المكسب الربح سيكون 30% يعني 18 ريال للقطعه !!
((هل سيرضى هذا التاجر الناشئ بربح 18 ريال للقطعه بإجمالي 1800 ريال لل 100 قطعه كامله ))!!!!
يعني العائد من راس المال اللي هو 6000 يكون 1800 ريال

الجواب لن يرضى التاجر الناشئ بهذا الربح ابدا ولو صرّف ال100 قطعه في شهر ما يرضى لان المكسب 1800 شهريا يعتبر قليل !
أقل شي يخارج معه بيقولك مكسب 80% يعني تقريبا 48 ريال للقطعه
بإجمالي 4800 ريال مكسب بالنسبه لرأس المال 6000 ريال هذا اذا ما قال ربح 100% او 150% وبعضهم 200%

هذا يعني إن التكلفه على المستهلك أصبحت أعلى وصار فيه ضعف في المبيعات ومن أكبر اسبابه الاسعار دون الاسباب الاخرى كالجوده والشكل واللون وغيرها
..
زبدة الموضوع من الحسابات اللي فوق هو أن التاجر ينتبه لموضوع "المبيعات" لا تنظر للمكاسب ركّز في مبيعاتك طوّرها كثّف مبيعاتك بأي شكل كان ..

حتى تصل إلى أرقام مرضيه تساعدك في الربح القليل ..

إذا كانت مبيعاتك عاليه "تبيع كثير" لو تربح 30% انت المستفيد
لكن لو كانت مبيعاتك ضعيفه لو تحط ربح 100% ما راح تفيدك كثير في تجارتك مثل ما حطينا فوق ربح 80% وصار سبب في قل المبيعات وضعفها ..

ومن اسباب زيادة المبيعات الأسعار متى ما كانت أسعارك مناسبه ومعقوله ومربحك قليل زادت مبيعاتك ..

أهتم في موضوع المبيعات وكيف تحقق أرقام عاليه في المبيعات لو تحط الربح 10% المهم تبني تجارتك وتأسسها .. الحمدلله التكاليف الماديه في التجاره الالكترونيه شبه معدومه .. مايضرك لو تبيع برأس المال ماعندك تكاليف
ماعندك الا وقتك وجهدك تضحي فيهم لأجل تبني تجارتك
إذا وصلت لأرقام مرضيه في المبيعات .. وقتها بتكون الرابح الحقيقي والمستفيد
..
..
هذي وجهة نظري في البيع والشراء وفي ما يتعلق بالمبيعات على وجه الخصوص

وعليكم السلام

والله يبارلك بالرزق الحلال الدايم ي رب

وثاني حاجه قيسي سؤالك هذا علئ انك زبونه رايحه تتسوقين وتشترين اغراض

مثلا عندك كذا محل بنفس المنتجات لاكن بينهم محل وعنده عروض مثلا خصم نص المبلغ او كرت للحصول علئ خصم في المره الثانيه وهكذا

وثالث حاجه لازم يكون عندك حاجتين مهمه لك كونك باديه بالتجارة

جذب الزبون - كيف تجذبين الزبائن؟؟
عروضات وخصومات حتئ لو كان وراكي خساره انتي محتاجه بالبدايه سمعه كونك جديده وعشان كذا لو تقدرين تبيعين براس المال عشان تمسكين زباين ويكون لك سمعه من بين الاسواق.. ولازم تشوفين شي جديد ومرغوب بالسوق برضو عشان تكسبين زباين


اقناع الزبون - كيف تقدرين تقنعين الزبون؟

لازم يكون معك اسلوب شيق وتكون لديك معلومات كافيه للمنتج الي تبيعينه عشان يشتري الزبون وهو راضي رضا تام عن المنتج

لاكن معليش ابيك تسألين نفسك او اي شخص ثاني ( لو انت/ي زبون/ه وش الشي الي يشد انتباهك وتروح لمحل معين مع ان المحلات الي جنبه نفس المنتجات؟

الي راح يجاوب علئ السؤال راح يعرف كيف يجذب الزبائن