خلاص انتظروا الرسائل الاسبوع القادم والله يبلغنا القبول جميعا

ان شاء الله كلنا مقبولين
نسأل الله التوفيق والسداد

يالربع احد عنده علم عن القبول النهائي اي تاريخ احد يفيدنا الله يجزاكم خير .

يعني الاسبوع الجائ كلام صحيح ولا ما احد عنده خلفيه عن القبول النهائي ؟

اهلين شباب احد جاته رساله ؟؟
دخلت عالموقع مافيه شي
واليوم تاريخ 25 ؟؟؟؟؟

والله اني مترقب وكل يجيني هوس ان رسلو رسايل ومارسلو لي بس المفروض يرسلو الى متى يعني

المشاركة الأصلية كتبت بواسطة صہعہبُ آلہشمآل:
السلام عليكم ورحمة الله وبركاته

انا بدورة الدفاع المدني بالرياض حاليا
دخلنا من 12-10 1432 هـ
الـ45 تعب تعب بس من صبر ضفر وطقطقنا 47 يوم
اول يوم التحضير الساعه 7.30 الصبح وشنطه فوق راس
اجلس انهض اجلس انهض لما يتشدشدن رجليك
وطبعا المدربين باكستانيه وفتشونا وبعد كذا
وزعونا ع الفصايل سريتين وكل سريه بها ثلا فصايل
كل فصيل به 45 طالب يعني ست فصايل
وبعدين دخلونا ع السكن كل واحد يروح حضيرته
يعني الغرفه والعرفه بها 16 سرير تتكون من دورين ودولاب كل سرير يعني درج تحط فيه اغراضك انت وواللي معك بالسرير
نوبة النوم اول يوم ملخبطه بس يزبطون جدول يصير الصحيان قبل صلاة الفجر بساعه توضون وتنزلون ع المسجد وبعد المسجد للميدان حصة رياضه ايطالات ربع ساعه وبعدين هروله 4 لفات ولا 5 على مايصفر الباكستاني مدة الحصه 45 دقيقه بعدين للميز فطور 15 دقيقه ولا 10 وبعدين تنزل للميدان حصة مشاه ولا ثبوت 45 دقيقه وبعدين راحه للبوفيه 15 دقيقه و10 وبعدين حصه قبل صلاة الظهر بربع ساعه وتنزل لسكن تتوضى
وتنزل للمسجد صلاة الظهر وبعده للميز وجبة غداء وبعده حسب رقيب الدوره على المعلومات اللي تجيه ياتدخلون السكن ولا بالمسجد ولا قدام المسجد ام القرف وصلاة العصر وبعده تجيك حصه 45 دقيقه ولا ساعه حولها الوكاد وبعدين صلاة المغرب وبعده راحه على حسب نظامكم اذا كنتو منتظمين وبعده صلا العشاءتشكيل ياخذون العدد وبعده وجبة العشاء وبعده يطلعون الخفارات من اخويانا على السكن كل شخص ساعه خفارته وبعده لسكن وبعد تلبس بجامة النوم ونوبة ثبوت وتجيك صافره نوبة نوم لا عادت من نومه 5 ساعات ولا اربع ساعات هههههه بس الحمد لله ع كل حال بعد الـ45 ترتاااح
ويجونكم البنك بنص ال45 وترتفع المعنويات شوي
والرجال صبرت والحريم هربت من الدوره دخلنا 280 طالب وصفو ع 260 والحمد لله بمركز تدريب الدفاع المدني بالرياض بالناصريه باقي اسبوع ونتخرج من الفرد الاساس يوم لاربعاء نتخرج من الفرد الاساس الحين فترة اختبارات 1-3 الاربعاء نخلص الفرد الاساس واتجاز عشر ايام وان شاء الله وبعد الاجازه يبقى التخصص وان شاء الله انها خارجيه حسب المعلومات اللي وصلتنا نخش 6-الصبح ونطلع 11 الظهر وعلى مانتخرج ان شاء الله والدوره كلها 7 شهور ولا 8 شهور ع كلام الظباط لان فيه دوره يقولون بتخش بأول شهر 3 ووالراتب بالدوره 5890 ريال وبعد الدوره يزود حسب التخصص اقل راتب 7500 ريال
وان شاء الله اني افدت الجميــع وعطيتكم المعلومات انا بيوم رواتب يازين تاريخ 25 هههههههههه وبالتوفيق للجميــــــع يارب

وتقـــبلو تحياااااتي محبـكم من الفصيل الاول السريه الاولى وافضل مدرب طيب وحبوب أيجاز بكرى التحظير الجمعه العصــــر بــــــرؤؤؤب (لاتنسون التقييــــــــــم هع )

ها ياشباب مافي شيئ او اخبار جديدة