الكلام لكل الأخوان ,,
المؤسسة العامة للتدريب المهني و التقني من أفضل الأماكن اللي ممكن تتوظف فيها .. و خذ العلم مني ..
الرواتب ممتازة .. الدوام مريح .. اهتمام المؤسسة بتطوير الموظف ..
المؤسسة بشكل عام كل سنة تتطور عن قبل و مخرجاتها ممتازة ..

التوظيف مايدخل فيه واسطة وهذا أهم شيء .. و خذوها مني لو بيتوظف أحد بالواسطة كان توظفت أنا هههه ..

و التوظيف واضح وصريح .. مجموع نقاطك و أكبر مجموع نقاط بيتوظفون ..

أما عدم توظيفك فما يعني إنك غير مناسب .. معناه فيه شخص أنسب .. و الخير بكل مكان ..

للعلومية أنا طلعت من وظيفتين الأولة راتبها ممتاز جدا جدا جدا .. علشان أكمل تعليمي .. كملت تعليمي بتفوق وهذاني أتبطح معكم ببطالة .. إذا أحد بيعزي نفسه يعني هههه ..

التوفيق من الله .. و الخير جاي و الوظايف جاية بإذن الله

فعلا اخت دبلوماسيه. شهادتنا فيك مجروحه. الله ييسر امرك وشكرا على كل المعلومات ازعجناك كثير

معليش إذا خطمت و جاوبت بعض الأسئلة

منها /



3) كيف وضع الطلاب هل هم كطلاب الجامعة يحترمون المدرب عشان ينجح بالمقرر او تعتبر المؤسسة كمدرسة ثانوية ؟
- الطلاب بالتقنية نفس الجامعة, فيهم الممتاز و اللي يبهرك بمستواه و جديّته, وفيهم الدايخ اللي ماودك تجلس معه.
لكن المدربين بالتقنية الناس يحترمونهم أكثر من الجامعة, ناس سمحة و عندهم مساحة أكثر للإبداع.

4) هل لو تعينت جديد اعتبر موظف حكومي رسمي او بعقود سنوية ؟
- التعيين رسمي.

5) وهل بالبداية راح تكون فيه فترة تجربة ؟ كم مدتها ؟ لو المدرب ماجتاز التجربة ايش مصيره ؟
- مامر في تاريخ التعليم واحد جربوه و انطرد. مهب بس المؤسسة, إلا إذا كان مهبول رسمي.

6) كيف طريقة التقييم للمدرب هل يوميا يكون رئيس القسم معاك في القاعة ؟ وهل في احد من المدربين اخذ تقييم ممتاز من قبل ؟ وايش يفيد التقييم باستثاء الابتعاث ؟
- الابتعاث ما أحد يبيه, فيه مدربين رواتبهم بالعشرين ولا عنده نية يطلع, و المؤسسة لو تكح ابتعثوك عادي.

7) كيف بيئة العمل في المؤسسة ؟ ( ياليت ولا عليك امر توضحين بالضبط كيف بيئة العمل هناك لان تهمني كثيييرر )
- بيئة العمل من أفضل الأماكن. وإذا مارتحت بالمؤسسة رح لشيخ يقرأ عليك لأن أكيد جايتك عين

8) بالنسبة هم كاتبين بالشروط مطلوب تقدير جيد للبكالوريوس ادارة الاعمال تسويق هل ممكن يقبلوني على تقدير جيد مرتفع ؟
- القبول على النقاط, المعدل له نقاط ( أكثر نقاط) , الدورات لهن نقاط, الخبرات لهن نقاط, المقابلة له نقاط, الاختبار له نقاط.
يجمعون نقاطك ثم تبدأ المفاضلة بالأفضل ثم اللي بعده لين يكتفون.


10) بالنسبة لراتب مؤهل البكالوريوس ادارة الاعمال كم الي ينزل بالصرافة بالضبط ؟
- اللي أعرفه الموظف الإداري بكالوريوس ينزل له تسعة و عليها. ( تخصص هندسة حاسب )
أما المدرب فهو أعلى. لكن بكم الله أعلم, يمكن بألفين.

11) كيف سكن المؤسسة هل يستاهل ان الواحد يضحى بالبدل عشانه او يدور سكن قريب افضل ؟
- أفضل تدور سكن.

13) الدوام من الساعة كم الى كم ؟
- سبع ونص إلى 3 ونص. حسب ما أعرف.

15) كم عدد الطلاب التقريبي بالكلاس هل كثير او قليل ؟
- يعتمد على المكان والمنطقة و التخصص, ممكن ثلاثين طالب, وممكن 12 إلى 9.


19 ) كيف وضع التأمين هل يوجد تأمين طبي للمدرب ولعائلته ؟
- لايوجد تأمين.


هذا اللي أعرف, و إن شاء الله يجي مدرب يسيّر على الموضوع و يجاوب.

لكن إذا عينوك لا تخاف من إنهم ينهون تعاقدك, وإذا ودك بالابتعاث بعد سنتين اطلب وسهالات لأني أذكر لازم سنتين تدرب بعدين تطالب بالابتعاث.

الله يعطيك العافية اخوي you sef

والله زدتنا حماس وتفائل يارب نكون من المقبولين والمتعينين يارب

والله يعوضك خير بس بسألك هل بتنظر المافضلة الجاية ولابتتوظف الين وقتها ؟