أشكرك اختي دبلوماسيه على جهودك الله يكتب أجرك على مساعدتنا

عندي كم سوْال محتاج اجابه
هل يسمح بدراسه الدكتوراه بالجامعات المحلية او لا بد تكون خارجيه ؟
بالنسبه للنقل . سمعت انه بعد سنتين التجربه لازم اكمل سنتين ثانيه يعني المجموع 4 سنوات والتقييم يكون جيد جدا هل هذا صحيح ؟

البدلات رجعت كلها ؟ بالنسبه للتخصصّات النظريه 40 بالمئه ولا 45 بالمئه البدلات ؟

بالنسبه للتدريب هل انا ملزوم بالحقائب التدريبيه ؟ اقدر اسوى مثلا ملخص فيه سلايدات بوربوينت واشرح للطلاب ولا وش الطريقه اللى لازم التزم بها ؟
أشكرك من اعماق قلبي وأتمنى الاجابه على اسالتي ليستفيدالجميع. وسامحيني على اسالتي الكثيره

مشكوره يا اخت دبلوماسية على تجاوبك مع الاعضاء

و ابي اسئلك عن الاستاذن عن البصمه سمعت ان للمدرب 10 استاذانات بالشهر ياليت توضحين لنا كيف طريقة الاستذان ، وايضا اذا المدرب غاب وش بيصير له

بعض الاخوان طلبوا مني نصائح وتجربتي بالمؤسسة ماقدرت احطها كاقتباس بحطها ك رد مستقل ...
ممكن تحكين لنا ايامك الاولى ... ايش تدرسين وكيف تعاملتي مع اول اسابيع ! كيف التحضير ! هل فقط القراءة والتحصير في البيت من المناهج حقت المؤسسة وتقومين بشرحها للطلاب ام هناك مصادرخاصة اخرى بالنسبة لك !

1- كيف كان دخولك للقاعة !
جميل ولذيذ زي ايام التطبيق اذا مرت عليكم .. مشكلة المؤسسة فقط انها تقبل متدربين ومتدربات ذوو نسب متدنية فبالتالي في مرحلة ما راح تشعر بالاحباط وانو كل شي تسويه مايبين لانهم ببساطة داخلين عشان مكافات وينضفون شوي .. ماودي اكون شخص سلبي ومحبط لكن هذا واقع اهيئكم له .. من وجهة نظري اجعل الله بين عينيك وادي امانتك وماعليك من الباقي
2- كيف التحضير للدرس !
بالعادة يكون هناك حقيبة جاهزة وكتب تسلم للمتدربين انت ماراح تطلع عنها الا طبعا لو حبيت اضافة مراجع او شي للفائدة ف جميع اجتهاداتك يجب ان تطلع عليها رئيس القسم والوكيل لترى اثرها باذن الله في تقييم الاداء الوظيفي
3- ايش تنصحين انسوي في ذي الفترة في شيء نحضره او نقوم به يساعد بعدين لتلافي ضيق الوقت ! مراجعات في التخصص مثلا .. تحضير اي شي !
التحضير زي ماقلت لك راح يكون هناك حقيبة لكل مقرر بمجرد تدرسه راح تبان لك كل الاشياء المهمة وبعد كذا يصير زي شربة الموية بالنسبة لك لانك راح تدرسه اكثر من مره فلا تشيل هم هالنقطة واكيد ماراح تصل لمرحلة التعيين الا وانت كفو من هالناحيةً..

حاول تقرا اكثر عن اساليب التدريب كيفية التعامل مع المتدربين وكيف تطور مقررك الجميل انو المؤسسة فيها مجال للتطوير ويمكنك ان تتواصل مع ادارة المناهج في حال رأيت اي تعديل او اهمية لتطوير المقرر

4 - تكلمي عن اي شيء من خبرتك تفيدي فيه المستجدين اذا الله كتب لهم نصيب !!
امممم التعامل مع الزملاء والرؤساء جدا مهم .. لاتكن لينا فتعصر ولا صلبا فتكسر .. اعرف حقوقك واعمل على فرض احترامك واحترام الاخرين لتعمل في بيئة مريحة ومساعدة لك

حط ببالك مسألة التطوير الذاتي والمؤسسة تهتم بهالناحية كثير احرص على حضور الدورات المقدمة من المؤسسة وتطوير الذات

ارسم خطة للابتعاث اذا كنت مدرب وفكر وش التخصص اللي بتكمل وتلاقي نفسك فيه .. ابحث عن جامعة تفيدك في سيرتك الذاتية

واخيرا الحمد لله على رزقه والحمد لله على كل نعمه والله يوفقناوياكم يارب

الله يجزاك خير اخت دبلوماسيه سعوديه،،،،،
والله يكتبها لنا يارب :/

اختي دبلوماسيه. هل يوجد اوفر تايم للى يدرس المساءمثلا
وماذا عن الفصل الصيفي هل يكون دبل راتب

جزاك الله خير اخت دبلوماسية سعودية
ولكن انا قرات في هذا الموضوع احد الردود
يقول ان الابتعاث من المؤسسة صعب جدا ولازم بعد السنتين يكون التقييم ممتاز كل ترم
ويقول نادرا احد ياخذ تقييم عالي
والابتعاث يطلع 1 من 20 شخص
هل هذا الكلام صحيح