اخواني السلام عليكم ورحمة الله وبركاته
أسعد الله جميع أوقاتكم بكل خير
أولاً ألف مبروك لك الأخوان اللي جاهم قبول مبدئي وربي ييسر أمورهم ويسهل عليهم ويوفقهم .. ويرزق أخواننا اللي ما انقبلو ويوفقهم ويعوضهم بالأفضل يارب

ثانياً الله يحفظكم انا أحتاج مساعدتكم وابي مشورتكم وربي يجعل ماتقدموه في ميزان حسناتكم ويرزقكم أضعاف ماتتمنو
انا جاتني رساله هذه مفادها :

تم قبولك مبدئيا عليك مراجعة مدينة تدريب مكة البوابة الجنوبية الساعة 6:30ص الثلاثاء 13 / 8 مصطحباً ملف علاقي أخضر ، 6صور شمسية كاشف الراس ،أصل الشهادة وصورة ، القدرات ، أصل الهوية وصورة ، رخصة القيادة ، الحضور بالزي الرياضي وحلاقة الشعر

السؤال الله يجزاكم خير
انا خريج عام ١٤٢٨ وقدمت وغيرت سنة التخرج لأن شهادتي تجاوزت الخمس سنين، فهل بتمشي الأمور او انهم مدققين جداً في سنة التخرج أرجوكم أفيدوني ولكم جزيل الشكر والعرفان علماً بأن عمري لم يتجاوز الثلاثين واسف على الإطاله.

أخوي حسن ماودي احطمك بس على ماشفته بالرياض اقولك لا تتعب نفسك لاني رحت للامن العام بالرياض بعد الطول والوزن يكون فيه تدقيق من ضابط وعريف لو فيه تعارض مثلاً بالدرجة انت حاط نسبة والنسبة اللي بالورق غير او انت متخرج بتاريخ واللي حاطه بالتسجيل تاريخ ثاني .. هنا يقولون لك الله يستر عليك واذا سالته ليه ، قال النظام مايقبل ، اتمنى لك التوفيق وان شاء الله تكون خيره لك باقي فيه قطاعات بتفتح قدم عليها والله يكتب لك اللي فيه خير