السلام عليكم ورحمة الله وبركاته

كيف اقدر احصل على بطاقة العثيم ؟

و هل فيه جمعيات خيرية في الرياض تساعد المطلقات والمحتاجين بمواد غذائية وغيره ؟

السلام عليكم


والله ياختي ولاجمعية خليتها بالرياض الا رحت لها موراضين يقبلونا اعذار مالها داعي

وبطاقة العثيم ذقنا المر وما شفناها احنا ايتام لا ام ولا اب ولا عم ولا خال ما لنا الا الله سبحانه وتعالى
وحسبي الله ونعم الوكيل

والله العظيم وربي يشهد على كلامي ان ملابسنا من الحراج وحالنا يعلمه رب العالمين

والحمدلله على كل حال

جمعية البر تساعد تروحين لهم ويعطونك اوراق تكمليها برنت من الاحوال والجوازات وزارة التجارة وعقد الايجار وتزكية من الامام حق المسجد مع انهم مايركزون على هالنقطة
وبعدها بشهر يقبلون اوراقك وتنزل لك كل شهر مساعدة مالية وسلة غذاء من بلشرف
بس اهم شي معاك اطفال

امين جزاك الله خير ويرزقنا وياكم من حيث لا نحتسب


اي والله العظيم ماقبلونا يقلون لازم ارملة اومطلقة وعندها اطفال

ويقلون انتم مستفدين من الضمان يكفي


وغيرة من الاعذار الغريبة


حسبي الله ونعم الوكيل ولاحول ولاقوة الا بالله

جمعية البر الخيرية ماتقبل لا أرامل ولا ايتام يحولنك للجمعيات غير لكن ربي كريم

جمعية النهضة النسائيه اذا كنتي من سكان الرياض
تدفع اجار سنه = سنويا
اجهزه كهربائيه
بطاقة عثيم تشحن شهريا= رمضان تشحن دبل
بطاقة هرم تشحن سنويا للعيد وكسوة الشتاء= كسوة الشتاء تشحن دبل والعيد = تشحن البطاقة دبل
برامج وتوعية وتوظيف وتثقيف ودورات تدريب معتمدة بشهادة موثوقة
وفي حالات يجون فاعلين خير ويشترون لهم بيوت حسب الحالة
واذا حالة الاهل بعد تعبانه يسجلونهم معك
اتمنى لك التوفيق

السلام عليكم

اختي ام المى جزاك الله خير جمعية النهضة تقبل ايتام

لان دخنا من سنين محد قبلنا مواعيد وهمية انتظرنا شهور على الفاضي وكل شهر يقولون الشهر الجاي

الله يرزقكم ويغنيكم ويسهل السبل لرزقكم اكثري من الاستغفار ولاتملي والله ان الرزق بيد الرحمن ويارب يسوق لكم الرزق ويصبه لكم صبااا قال الله تعالى : ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا . يُرْسِلِ السَّمَاءَ عَلَيْكُمْ مِدْرَارًا . وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا ) نوح/10 - 12 .