تجمع المتقدمين على وزاره الدفاع دوره 45 (1438هـ)

MO7N · #**1801** (**permalink**) 06-09-2017, 01:01 AM

اقتباس:

المشاركة الأصلية كتبت بواسطة RAHISH

الي متأكد منه انه بعد الاستجداد تقدر تجيب سيارتك وفيه مواقف مخصصه لها لكن هل مسموح قبل الاستجداد او لا مو متأكد ، عموما ما انصحك تجيب سيارتك الا بعد الاستجداد

وبالنسبة للدورة ما تحددت الى الان مكانها لان فيه طلاب دورتهم بتكون ب خميس مشيط وفيه طلاب في الرياض

وبالنسبة للبسطار يعطونك واحد في الاستجداد لكن نوعيته مب كويسه وغير مريح الافضل تشتري من الحين نوعية ممتازة ومريحة واهم شي اللون صحراوي لان غير هاللون ما يسمحون لك تلبسه

ع كلام واحد من الضباط في الكلية يقول قبل اللزياره انت ملزم بلبس بسطار العهده اللي يعطونك اياه ووقت الزياره مسموح انك تكلم اهلك قبلها وتخليهم يجيبون لك بسطار وبعده يكون مسموح لك تلبسه لكن انا مادري عن الوضع محتار هل اجيب ولا امشي ع كلامه ي ليت اذا فيه احد من الدفعه 44 يعطينا علم

طلال 12 · #**1802** (**permalink**) 06-09-2017, 02:04 AM

اقتباس:

المشاركة الأصلية كتبت بواسطة مالكيسكو

انا لغة انجليزية وترجمة وانقبلت الحمد لله
وفيه غيري كثير

يعني التخصص مرغوب ؟

moohamed32 · #**1803** (**permalink**) 06-09-2017, 05:03 PM

اقتباس:

المشاركة الأصلية كتبت بواسطة The Aussie

موفقين ياشباب

ونصيحة اخ مجرب دورة 44 .. اللي معه واسطه ياخذ دورته بخميس مشيط والله يالكليه الحربيه انها استقعااااااااد والنهائي يشغلونك ويمتحنونك وضباطها الله المستعان

ال45 احرص انك تكثر ملابس داخليه لان المغسله ماتفتح الا يوم بالاسبوع ومعك خمسمية رججال ويمكن يكون فيه جزا بعد الظهرر مايمديك عليها .. ترا عادي تفتح خمس دقايق يجي ضابط خفر يقول سكروها يسكرونها ويرووحون العمال .. خذ احتياااااطاتك اقل شي درزن داخلي

البسطار وجزمة الرياضه بيصرفون لكم اول يوم استجداد ولكن جودتها تعبانه وبتتعبك وبتجرح رجولك .. خذ لك بسطار زين وجزمه زينه عشان ماتمر عليك ال45 جحيم

اللي يدخن حاول تزبط وضعك ترا قطعه ولا تقول فيه فلان بيضبطني والا اعرف فرد .. زبط امورك فيه طرق يمديك تخيطها بالشنطه وبالجزم الله يعزكم تزبن خمس ست بكتات وامورك طيبه

ولحد يلعب عليكم ترا مافي اي نشاط كلها تمغيط وجزوات واذا مره فله عطوكم داخليه .. الكليه الحربيه اللي اتكلم عنها اما اللي تعسكرروا في الخميس كانوا فالينها كورة وطايره وعلوم زينه .. حنا مالعبنا كورة الا مره واخر الدوره بعد وبحب الخشوم ومده عشر دققايق خخخخخ

لازم تعرف ياجامعي في الكلية الحربيه ان حقك مهضوم ف وسع صدرك وانبسط ولاتخاف من الجزا ترا البزوطه زينه والزين والشين بيتجازا والله لو انك ماغلطت ولاغلطه بتنمغط .. خل المغطه على شي يسوى

اللي يبي تفاصيل او عنده استفسارات عن دورة الكليه الحربيه يكلمني خاص

موفقين وتحياتي

طيب يا غالي الله يسعدك حصة الرياضه ساعة ونص وش يحون فيها
كلها جري ولا كيف وضعها ؟

تغيير 2827 · #**1804** (**permalink**) 07-09-2017, 12:49 PM

الله يوفقنا جميعا خلوها سهالات ي عيال والدورة بتكون باذن الله افضل دورة :$

Abu3ayedh · #**1805** (**permalink**) 08-09-2017, 08:33 PM

سلام عليكم

يا شباب وش العلم بخصوص السياره نقدر ندخلها ولا ممنوع
اللي من دورة العام سواءً في الرياض او في الخميس يفيدنا

D A N i E L · #**1806** (**permalink**) 08-09-2017, 10:57 PM

اقتباس:

المشاركة الأصلية كتبت بواسطة Abu3ayedh

سلام عليكم

يا شباب وش العلم بخصوص السياره نقدر ندخلها ولا ممنوع
اللي من دورة العام سواءً في الرياض او في الخميس يفيدنا

+1

خصوصاً في فترة الاستجداد ، نقدر نجيب السيارة ولا لا

The Aussie · #**1807** (**permalink**) 09-09-2017, 04:54 AM

تقدرون تجيبون سياراتكم بالاستجداد فيه مواقف غير مظلله وعليها شرطه عسكريه خارج اسوار الكليه

تقدرون تجيبون شنط كفرات او عاديه بكيفك اهم شي ججيبوا اقفل معها اذا مافيها من الاساس

من الاخير .. محد بيقولكم شي في الاستجداد انت طالب مستجد جب اللي تبي واذا ممنوع بيصادرونه لا تشيلون هم ماعليكم اي شي

بساطير جب قبل الدوره والبسها منتب مضطر تلبس عهده ولكن اهم شي بسطار لونه صحراوي مايكون بني غامق

موفقين

D A N i E L · #**1808** (**permalink**) 09-09-2017, 07:15 AM

اقتباس:

المشاركة الأصلية كتبت بواسطة The Aussie

تقدرون تجيبون سياراتكم بالاستجداد فيه مواقف غير مظلله وعليها شرطه عسكريه خارج اسوار الكليه

تقدرون تجيبون شنط كفرات او عاديه بكيفك اهم شي ججيبوا اقفل معها اذا مافيها من الاساس

من الاخير .. محد بيقولكم شي في الاستجداد انت طالب مستجد جب اللي تبي واذا ممنوع بيصادرونه لا تشيلون هم ماعليكم اي شي

بساطير جب قبل الدوره والبسها منتب مضطر تلبس عهده ولكن اهم شي بسطار لونه صحراوي مايكون بني غامق

موفقين

السلام عليكم ،

عندي سؤال: تخصصات الحاسب الآلي [علوم حاسب] يتخرجون ملازم ولا ملازم اول ؟
أنا دراستي 5 سنوات بس في السجل الاكاديمي اللي سلمته 4 سنوات بدون التحضيري

لكن في دفتر الإلتحاق المبدئي > الورقة اللي ختمتها من الجامعة كاتبين المجموع خمسة سنوات !

RAHISH · #**1809** (**permalink**) 09-09-2017, 10:53 AM

اقتباس:

المشاركة الأصلية كتبت بواسطة D A N i E L

السلام عليكم ،

عندي سؤال: تخصصات الحاسب الآلي [علوم حاسب] يتخرجون ملازم ولا ملازم اول ؟
أنا دراستي 5 سنوات بس في السجل الاكاديمي اللي سلمته 4 سنوات بدون التحضيري

لكن في دفتر الإلتحاق المبدئي > الورقة اللي ختمتها من الجامعة كاتبين المجموع خمسة سنوات !

ملازم اول