تجمع المتقدمين والمتقدمات على وظائف جامعة الامام عبدالرحمن بن فيصل بالدمام

امي هي جنتي · #**1061** (**permalink**) 27-11-2017, 07:20 PM

اقتباس:

المشاركة الأصلية كتبت بواسطة HR-Specialist

الا لو الاسماء انرسلت وتحدد موعد المقابلات بدون ما يتم الاعلان عنها !

لا ابدا مااظن هالتصرف منهم
اكيد احسبوا حساب العاطلين والعاطلات اللي في طابور الانتظار

امي هي جنتي · #**1062** (**permalink**) 27-11-2017, 07:23 PM

7 شهور من بداية التقديم وبين كل اجراء واجراء ثاني فتره لاتقل عن شهر وشوي
الله يوفقنا ويعيناااااااا

عاطله بتتوظف · #**1063** (**permalink**) 27-11-2017, 11:17 PM

يااارب مابعد الصبر الا الفرج 🌹

المتقدم H · #**1064** (**permalink**) 28-11-2017, 02:01 AM

اقتباس:

المشاركة الأصلية كتبت بواسطة عزف المحبه

غير واحد كان يقول شهر 3 متوظف وخالص وينه

السلام عليكم
ولو اني عدو للمعازف الا عزف المحبه لقب غايه في الجمال ويدل على طيبة قلبك وصفاء نيتك ودماثة أخلاقك ... موجود وتسلم على السؤال ..

تأكد اخي الكريم اني هنا مثلك تماما نبحث عن اخبار إيجابية تدخل الفرح والسرور لنا وللجميع .. لكسب دعوة طيبة لعلها مستجابة ..

صحيح قلت شهر 3 كل شي خالص حسب ما قال لي احد الموظفين وصحيح قلت فيه شي حاصل بالتنسيق والاجراءات بين الديوان ( الخدمه المدنية) والجامعة .. وكل هذا نقل .. حتى وافقت رأيك انها احتمال بعد الميزانية ..
والله العظيم اني واجهت الاسبوع الماضي احد موظفي الجامعة صدفة عند محل فلافل 😓 وهو من سألني خلصتو قلت العلم عندكم قال انا بعيد جدا عنهم .. وقال اسمع فيه شكاوي جات على تأخير كثير من الجامعة وكان عذرهم ان العدد كبير وكانوا مقررين مع الميزانية والآن يحاولون يخلصون بدري .. وكلا اخذ ساندوتشاته ومشى😋

ما نويت اكتب لأني سألت قبله ثقات بالجامعة وأكدوا بتواريخ وخالفهم الواقع ..
الزبدة عدد المرشحين كبير ولن يقل عن 10 مرشحين لكل وظيفة والمنطق يقول اكثر .. توقعوا الإعلان اذا طول يوم الثلاثاء القادم واذا يبكر بكرا بإذن الله .. تفاءلوا الرسول صل الله عليه وسلم يحب الفأل والكلام الطيب اللي يدخل السرور والبِشر على وجوه الناس الطيبه امثالكم 🌹

آسف على الاطاله وبالتوفيق للجميع بإذن الله

عزف المحبه · #**1065** (**permalink**) 28-11-2017, 08:38 AM

يعطيك العافيه يالغالي
وانا عارف نظام الجامعات اساسا هي مالها دخل بالميزانية لانها قررت قبل فهم يعتذرون فيها شكلا فقط
وكثير كنت اقدم واسمع مواعيد عشان كذا انا مااصدق مواعيدهم
لكن اقول لك ماقصرت انت اجتهدت والله يعطيك ع قد نيتك

تشرين الثاني · #**1066** (**permalink**) 28-11-2017, 10:13 PM

التقديم الماضي كان , مابين اعلان الوظائف والمباشرة سنه بالضبط ..
وما بين اعلان الوظائف , وموعد المقابله كان تسعة اشهر تقريباً ..
الاعلان بنهاية موسم 2015 والمباشرة بنهاية 2016 ..
تقديم هالسنه كان بشهر مايو 5, والآن احنا تقريباً بنهاية السنه من نوفمبر 11 ..
اتمنى مثل الجميع اننا نخلص , لكن حتى من ينتهي من المقابله بيتعب من الانتظار ..
علشان كذا الواحد يوسع صدره , ويوكل امره لله وينتظر لبعد الميزانيه مثل ماهو متوقع ..
المشكله على كل هالانتظار , المقابله بالغالب مثل السابق " سولف عن نفسك " ..!!
بالتوفيق للجميع ..

إجتماعي عاطل · #**1067** (**permalink**) 28-11-2017, 10:18 PM

اللي قال انهم تواصلوا مع المقبوليين ممكن اذا العدد قليل والمقابلات تحصيل حاصل , لانها صارت اول كنت مقدم علي جامعه و تم تبليغ المقبولين نهائي بعد المقابله عن طريق الهاتف من دون اي اعلان.

شهيد الكلمة · #**1068** (**permalink**) 29-11-2017, 02:34 AM

جاري الانتظار, سبحان الله وبحمده سبحان الله العظيم

امي هي جنتي · #**1069** (**permalink**) 30-11-2017, 06:20 AM

اقتباس:

المشاركة الأصلية كتبت بواسطة تشرين الثاني

التقديم الماضي كان , مابين اعلان الوظائف والمباشرة سنه بالضبط ..
وما بين اعلان الوظائف , وموعد المقابله كان تسعة اشهر تقريباً ..
الاعلان بنهاية موسم 2015 والمباشرة بنهاية 2016 ..
تقديم هالسنه كان بشهر مايو 5, والآن احنا تقريباً بنهاية السنه من نوفمبر 11 ..
اتمنى مثل الجميع اننا نخلص , لكن حتى من ينتهي من المقابله بيتعب من الانتظار ..
علشان كذا الواحد يوسع صدره , ويوكل امره لله وينتظر لبعد الميزانيه مثل ماهو متوقع ..
المشكله على كل هالانتظار , المقابله بالغالب مثل السابق " سولف عن نفسك " ..!!
بالتوفيق للجميع ..

على كذا نقدر نقول الموضوع مطوووول والله المستعان