السلام عليكم....ممكن سؤال عن الغرفة التجارية
انا ماعندي اي سجل تجاري...ابي معلومات عن اسماء محلات معينه وارقامها كيف احصلها هل بيعقدوني؟
هل في دليل تجاري مجانا يعوطني اياه به كل اسماء المحلات حتى اطلع اللي ابي منه ياليت تفيدوني وشكرا

فية دليل تجاري يصدر عن الغرفة كل سنتين او ثلاث وعندك دليل الصفحات الصفراء فية تقريبا كل الانشطة التجارية . وفية قسم السيدات بالغرفة عندهم مركز معلومات مليان ادلة تجارية تقدرين تروحين لهم وتتصفحين اللي تبين .

سؤالك عام واذا ودك حددي سؤالك وبتلاقين رد ان شاء الله .

انا ابي ارقام واسماء محلات ابي اشوف شغلهم لانهم بيعتبرون منافسيني بالعمل فلازم اشوف شغلهم بالمكان اللي انا به واتميز عنهم بس كيف اوصلهم الا من الغرفه التجارية المنطقة الشرقيه كبيرة فالدليل يسهل لي الفرفرة وتسال والحزمه لصار في دليل تجاري عندهم بس مجانايعطا لي ؟؟

أختي المشكلة عندك به شيء مبهم فانتي تتكلمين عن محلات يعني ريتيل او تجزئة خدمتهم راح تكون وبالتالي الغرفة التجارية ما لها ضرورة من الاساس لانك يهمك نوع البضاعة اللي يقدمونها فهذي يا إنك مثلا تبحثين عن الموردين سواء محليين او عالميين او ممكن الدليل الازرق من الغرفة التجارية يفيدك لانه تجاري بحت، لكن إن كانك تبين تعرفين شغل بضاعتهم وحجم إستيرادهم وتبينها بقوائم إحصائية فهذي صعبة اصلا من الغرفة التجارية مالك إلا وزارة الاقتصاد والتخطيط او مصلحة الجمارك وهذولا بعد ما يوفرونها بشكل مفصل اساسا.

وأما إن بغيتي بس توصلين للمحلات هذه كمكان فادخلي على رابط دليل الصفحات الصفراء الخاص بالاتصالات وحددي بحقل البحث عن النشاط الشامل لهالمحلات والمنطقة طبعا وراح يظهر لك