السلام عليكم ورحمة الله وبركاته

كما موضح ب العنوان

الوضع الآن سيئ جدا للمهندسين في القطاع الخاص والتوظيف أكثر من سنة مغلق ! وأغلب المهندسين بدأو بالتفكير بالقطاع العسكري

ف نبي فزعتكم بالنسبة ل مميزات وزارة الدفاع ومميزات وزارة الداخلية من البدلات والابتعاث والعلاقات وافضل القطاعات والخ ...

والله يجزاكم خير ويوفقكم

صدقني وانا اخوك انت تنتظر ردود تطمن نفسك فيها، توكل على الله وقدم على كل شي واسعى خلف رزقك ومابيجيك الا نصيبك من هالدنيا (لن تموت نفس حتى تستكمل رزقها). بالنسبة للوزارتين اللي اعرفه الدفاع تقدس المهندسين والأمنية تقدس البدنية. كراتب مالك اي ميزه كمهندس في الحكومة بشكل عام سواء اكان مدني او عسكري مجرد بدلات التخصص العلمي زيك زي اي صاحب تخصص علمي. بالعربي اذا تبغى عسكرية شيل من راسك انه انا مهندس وحط فبالك انك صاحب تخصص علمي. معلومة بسيطة قريتها في اكثر من موضوع الا وهي انك احتمال 75% تشتغل في تخصصك في وزارة الدفاع. في الأخير نصيبك سيصيبك اهم شي اسعى ولا تنتظره يدق بابك. شوفني استلمت وثيقتي شهر واحد 2016 وسويت مقابلات مع ارامكو وسابك ومعادن والشركة الوطنية للانظمة الميكانيكية وانسحب علي من سراكو قبل المقابلة بيوم بحجة اكتفاء ارامكو من المهندسين الميكانيكيين ولم ايأس ورحت اشتغل في شغلات ابو كلب ادبر عمري والحين قدمت ع الدفاع ونسأل الله القبول ان كانت خير وان يصرفها ان كانت شر. وكل امرك لله يا باش مهندس ولن يصيبك الا ماكتب الله لك. بالتوفيق

زيادة على كلام الأخ اللي رد فوق

انت الان غير ضامن قبول بالدفاع او الداخلية [ وفي منافسه والاحق بياخذ قبول نهائي ]
نصيحه في حال تم قبولك بالاثنين نهائي ، يكون الوقت لموضوعك وايهم افضل ..
اما الوقت الحالي مانقولك الا قدم والله يوفقك ، مع العلم الدفاع الان بدت مقابلات
والأمنية بتفتح تسجيلها يوم الاثنين [ بعد بكرا ]