31-07-2017, 12:12 PM
|
عضو جديد
|
|
تاريخ التسجيل: Mar 2014
المشاركات: 6
معدل تقييم المستوى: 0
|
|
|
رد: احتاج مشورتكم :)
وعليكم السلام ورحمة الله وبركاته
بحكم خبرتي وكصاحب محلات جوالات راح افيدك واساعدك باللي اقدر عليه
اولا اكسسوارات الجوالات تشمل
( الكفرات , الشواحن , السماعات , استيكرات حماية الشاشة ) لذلك لازم تعرف وش راح تشتغل فيه بالضبط
من ناحية الشواحن والسماعات والاستيكرات صار اغلب اللي بالسوق مغشوش ومقلد والناس ماتثق فيه ولا تشتريه بكثرة
اما الكفرات صار ممشاها قليل هالايام والسوق تعبان جدا
والسبب وعلى بلاطه قبل السعوده كانوا الاجانب مسيطرين على السوق ومحتفظين بالسعر الحقيقي للشراء بسعر الجمله ولا يعلمون احد فيه ويبيعون بسعر غالي ومتكاتفين علينا يالسعوديين ومسيطرين على السوق وماكانوا يتكلمون او يفضحون انفسهم
لكن الان بعد سعوده عيالنا الله يعطيهم العافيه انكشفت وانفضحت اسعار الجمله والاغلب صار يعرفها وبالتالي ماتقدارين تبيعين بفائده كبيره
ومن ناحية موضوعك ومن تجارب شخص كان يسافر للامارات والصين عشان البضاعه فانا انصحك نصيحة اخ لا تشتري من النت بكميات تجاريه لانها راح توقف في الجمارك وماراح تدخل بسبب عدم وجود سجل تجاري + شهادة منشا + فاتورة الشراء + المواصفات والمقاييس .. الخ من الامور المعقده
وعموما سوق الجوالات صار جدا سيئ ولا فيه فايده تذكر واذا كنت حاب تجرب فنصيحتي لك اشتر بضاعتك من محلات الجمله بالسعوديه
جمله الجوالات بالرياض في المرسلات وفي عمارة البطحاء
جمله الجوالات في جده شارع فلسطين
جملة الجوالات في الدمام اسواق المعجل
واسعار الكفرات للجمله من 3 ريال الى 6 ريال ةترتفع او تنقص على حسب الموديلات الحديثه ونوع الجهاز مثلا كفرات ايفون 5 ارخص من كفرات ايفون 7
الاستيكرات او حامي الشاشه تبدأ اسعار جملتها من ريالين وانت طالع على حسب نوع الاستيكر ونوع الخامة ممتازه او سيئه
السماعات اسعار جملتها من ريالين الى 8 ريال هذي للعاديه او جودتها عاديه الى متوسطه وفيه اغلى للسماعات الاصليه
الشواحن تبدا جملتها من ريالين للمقلد التجاري وترتفع اسعارها الى 40 او 50 ريال للاصلي لكن لا تاخذ الاصلي الى من الوكيل لان صار فيه تقليد ونصب يبيعون المقلد على انه اصلي
والان اذا حاب تجرب انصحك تجرب بمبلغ 200 ريال تشتري كفرات جوالات وتعرضها على قرايبك او في الانستقرام وتجرب حضك
اما حكايه انك بتشتري من برى وتبي تصرفها هنا صدقني ماراح تمشي معك لان غيرك اشطر يجيبون كميات كبيره جدا بسعر منافس جدا ولذلك ماحد راح يشتري منك وهالكلام من تجربه
عموما سوق الجوالات صار سيئ وفي انحدار والسبب الاجانب بدوا يرجعون للسوق ووزارة العمل نايمه
واللي افضل منها ومازال ماشي لحد الان هو الصيانة ( تغيير الشاشات ) والبرمجه
عذرا على الاطاله واتمنى اني ساعدتك باللي اقدر عليه
وأي استفسار او مساعده انا حاضر
بالتوفيق يارب
|
احتاج مشورتكم :)
العرض العادي
