السلام عليكم الحمدلله انا استلمت المقطوعه بس أبغى اسال عن الوالده مقدمه من11_1436ولغايةالحين مانزلها شي وهيا مسجله بنك الانماء وست كبيره ولا قادره اعرف رقم الطلب عشان اتابع الحاله ساعدوني انا ايش اعمل وانا كمان صعب اروح الضمان لاني عامله عمليه بظهري ممنوعه من الحركه جزاكم الله خير في مساعدة الام الكبيره

طبعا تتابع الاستعلام من موقع الوزارة خانة خدمة الاستعلام عن طلب ويكون بالسجل المدني ورقم الطلب اذا كانت تحت الدراسة فالحل هو الانتظار لحين تتحول الحالة الى قائم وعلامة ذلك عند الاستعلام تكون خيارات البحث غير مطابقة وفي حالة رغبت تقديم شكوى لعل وعسى يكون من خلال صوتك مسموع وذلك من موقع الوزارة الله يسهل امركم وشكرا

اسف ماانتبهت ظننتك تعرفين رقم الطلب طبعا رقم الطلب هذا تحصلين عليه من مكتب الضمان او اتصلي على الرقم الموحد الخاص بخدمة العملاء بالوزارة لعل ان تجدين من يساعدك اشرحي لهم انك غير قادرة على المراجعة بالمكتب بسبب وضعك الصحي

الله يكون بعونك بس عادة الرقم 19911يكون هناك رد اذا كان الاتصال خلال وقت الدوام اعتقد من 8صباحا الى 3عصرا لكن اذا لم يكن هناك تجاوب نهائيا شوفي احد الاقارب يراجع نيابة عنك ولو انهم يعقدون الواحد يقولون لازم وكالة من المستفيد واذا لم تجدي احد فاطمئني لانها راح تنزل باذن الله صدقيني مسئلة وقت فقط انا مثلا انتظرت المقطوعة سنتين وشهرين ونزلت طبعا قبل رمضان والحين قد نسيتها وخلاص ابغى غيرها 😅فلاتقلقي رح تنزل يعني رح تنزل باذن الله يمكن تتأخر شوية لكن بتنزل باذن الله وتصرفيها وانت بخير ان شاء الله واسئل الله العظيم ان ييسر امرك

مرحبا
الرقم هذا مامنه فائده اي بني ادم عندك بالبيت يراجعهم فيه مكتب يداوم فيه موظف امام المكتب النسائي وملاصق لمكتب الضمان النسائي هذي العاده يقدر الموظف يعطيكم رقم الطلب وربك يحلها

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

اختي دقت على 19911الساعه 5العصر وردو عليها
بس قالو لها لازم تحضر الضمان عشان يعطونها الرقم

يعني ماستفادت منهم ولاشئ ( بس راجعي الضمان) هذا شئ طيب منهم ويشكرون على خدماتهم الجليله