السلام عليكم ورحمة الله وبركاته

اختي كانت مستفيده بمعاش الضمان واسقطت بسبب ان راتبها ٢٠١٤ ريال وقالت الموظفه اذا جاء وقت التقديم ع المقطوعه بامكاتك التقديم عليها بحكم ان راتبك اقل من ٣٠٠٠ جاء وقت المقطوعه وقدمنا عليها بعد اسبوع بالضبط دخلنا برقم الطلب ووجدنا ان المقطوعه مرفوضه والسبب زيادة الدخل استشرت اخوي محمد وقالي راجعي الضمان راجعناهم وانصدموا الموظفات قالوا مافي اي سبب للرفض لان اختي ماهي موظفه واسمها غير موجود بالتامينات ولاعندها باسمها اي عامل والان ماحنا عارفين وش نسوي والموظفه تقول اكيد فيه شي بس ماهو مذكور السبب قالت برسل ايميل للوزاره وجيبي برنت من التامينات والتامينات يقولون اسمها مو موجود والله المستعان
الان اخوي محمد وش نسوي بعد كذا نسكت ولا وش السوات

وعليكم السلام

طيب اسقطت ليه طالما هي ماهي موجوده بالتأمينات فيه خطأ بالموضوع يااميره الان انا رأيي حتى نكون نظاميين
ادخلي هنا على رابط التأمينات
http://www.gosi.gov.sa/portal/web/guest/245

اذا لقيتي معلوماتها اطبعي لهم المطلوب واذا مالقيتيه تراجع القطاع الذي تعمل به وهم يخاطبون التأمينات عن سبب اختفاء معلوماتها لاسيما وان هناك حسميات تبعث شهريا للتأمينات ويعيدونها للنظام

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

الامر والادهى ياخوي انها غير موظفه الراتب اللي تستلمه راتب تقاعد حق الوالد الله يرحمه وراتب من التامينات بس مو باسمها راتب اختي المتوفيه ومجموع التقاعد مع راتب التامينات حق اختي المتوفيه ٢٠١٤ ريال