السلام عليكم
انا خريجة بكالريوس ادارة اعمال
ومطلقه واعول ابنائي
واحدى مستفيدات الضمان
قدمت على طاقات وجتني وظيفة تمهير
اللي هي (( تدريب على راس العمل )) مدتها 6 شهور
وراتبها 3000
الوظيفه بس علشان اخذ خبره واستفيد منها اذا قدمت على وظايف رسميه

طبعاً فيها تأمينات ومؤكد بيسقطوني من الضمان


سؤالي
هل بعد ال6 شهور اقدر ارجع للضمان؟
2_ هل اقدر اضيف عيالي معي بموجب صك الاعاله القديم اللي اضفتهم فيه المره الاولى منذ 5 او 6 سنوات ؟

اقبل بالفرصه ذي لأجل شهادة الخبره
او اتركها وانتظر وظيفه بدون خبره

عطوني رايكم

وعليكم السلام
انتي الان بتاخذي من الضمان مبلغ وقدره ؟؟؟؟

انتي طبعا سيتم اسقاطك واولادك معك .. بعد ال 6 اشهر بامكانك التقديم مره اخرى وشهرين والثالث يجيك المعاش لكن ابناءك ممكن انهم يعودا معك وممكن لا بعض المستفيدين رفض الضمان تسجيلهم مره اخرى وأفادوهم ان على الام تقديم شكوى على المحكمه لاجبار ابوهم بالصرف عليهم
انا شايف وارى انك لاتقبلي بهذي الوظيفه المؤقته تحت التدريب لعدة اسباب
1| من الممكن عدم رجوع ابنائك
2|شهاده الخبره التي ستحصلين عليها ستصبح مثل شهادتك مركونه والدليل هناك الالاف ممن لديهم شهادات الخبره ولم يستفيدوا منها شئ
3| بعد ال6 اشهر ولو تم قبولك بالضمان حتاخذي وقت بدون مصاريف
اما اذا وجدت الماده لديك ولديك الاستعداد انك تصبرين بعد ال 6 اشهر حتى ينزل معاشك ومايخص ابناءك بالضمان من الممكن ضياعه فاقبلي بهذه الوظيفه

مجرد رأي قد اكون مخطئا

__________________
لااله الا انت سبحانك اني كنت من الظالمين .. استغفر الله العظيم
اللهم احفظ بلادنا وولاة امرنا وأمدهم بالصحه والعافيه
ان غبت يوما فتذكروني بدعوة صادقه وان اسأت او اخطأت بحقكم فكونوا كرماء
دخول للمنتدى قليل والمعذره

أؤيد كل ماجاء في رد اخي محمد البلادي وفي كل حرف ذكره -- بالفعل رد شافي وكافي لأن هناك شهادات خبره مع الكثير من الخريجين للأسف لاتسمن ولاتغني من جوع ..، وبالتوفيق ان شاء الله

شكراً لكم جميعاً شوركم وهداية الله

الله يرزقك بالوظيفة الرسمية اللي تغنيكي من الضمان
اما برنامج تمهير بنتي جاها ورفضت وقالت انه استنزاف للطاقات ورد الاخ محمد كامل ووافي

بصراحة اولا انالااستطيع ان اقول احسن مماقاله الاخ محمد فرده كافي وشافي وبصراحة رأي الشخصي خليك ع الضمان طالما لايوجد وظيفة رسمية ثابتة انصحك وبشدة لاتقبلي هذة الوظيفة المؤقتة حتى ييسرالله امرك وتجدي الوظيفة التي تغنيك عن الضمان الله يوفقك وييسر امرك

والله ياختي شهاده الخبره ماتنفع نصيحه مني اذا كان عشان الخبره لا تاخذينها اخوي شغال في ثلاث شغالات وعنده 3 خبرات

وكل مايقدم يرفضونه عشان بحجه ( انه اندعم قبل كذا من الصندوق )

وللان شغال بحث عن عمل

ماانصحك وانا اخوك

والراي الاول والاخير لك الله يحفظك

ما بعد رد الأخ محمد البلادي رد
أطفالك لا تفرطين بمصروفهم اذا أبوهم رخمة
الله ييسر لك وللمسلمين كافة أمورهم

السلام عليكم رد الاخ محمد شافي ووافي

الله يوفقك يا اختي وييسر لك كل امورك

عندي سؤال : هل برنامج تمهير يوثر على دعم الضمان ؟

قريبتي مطلقة وتاخذ من الضمان ، وتريد التقديم على برنامج تمهير هل اذا تم قبولها بالبرنامج يتم اسقاطها من الضمان ؟
ولا يتم اسقاطها بعد انتهاء فترة التدريب ؟

تحياتي