السلام عليكم

ابي اسأل عن الاسكان التنموي
هل اذا عطوني سكن يكون بإسمي والا بإسم الجمعيه والا باسم الاسكان
والا كيف وليييش التنموي غامض كذا

ليش هالقسم مهمل ومحد يرد قلييييل القى ردود على المواضيع
هل مافيه مشرف والا الأسئله مالها اجابات

المهم بقول لكم قصتي مع الاسكان بعد ماراجعتهم وحولوني على الاسكان التنموي
وكلموني التنموي وقالوا ابشري اسبوع ويطلع اسمك واستبشرت خير
وبديت اتخيل وانتظر الاسبوع ذا يمر وكان الاسبوع كنه شهر عيا يمشي
بعد اسبوع محد كلمني
اتصلت قال لي ايه ابشرك مستحقه انتي (( طيب انا عارفه وبعدين))
المهم قلت وبعدين
قال انتظري ندور لك بيت بالاحياء ونعطيك خبر
طيب والاسكان الجاهز
قال لا ذا يتأخر يبي له سنه اقل شي
والحل
انتظري ندور لك بيت والا دوري انتي واذا حصلتي البيت المناسب قولي لنا
بشرط مايتعدى 350 الف قيمته
قلت اوك
قلت خلني ادور بيت اسرع
دورت لقيت بيت طبعاً مو بالسعر ذا لأن السعر حتى شقه مااايجيب
بس قال عادي نكتب بالعقد 350 والباقي بيننا دين قلت زين
كلمت الاسكان قلت لهم كلمتكم قبل وقلتوا لي كيت وكيت وانا لقيت البيت
قال منهو شسم الموظف اللي قال لك هالكلام

هالكلام غير صحيح مافيه سالفة دور بيت ونشريه لك
قلت مدري شسم الموظف المهم
بحاول اختصر لكم
قال اتصلي الظهر بتلقين الموظف اللي كلمتيه
اتصلت وحصلته قال ايه بس النظام تغير طلع هذا النظام القديم
طيب وليش تقول لي شي من راسك تخليني ادور بيوت وحالتي حاله
قال خلاص بكلم لك المدير ارسلي صك البيت ورقم راعيه وصورة بطاقته
قلت مو مشكله وارسلت كل شي
بعد كم يوم كلمني
قال كلمي جمعية الاسكان
وارسلي لهم نفس اللي ارسلتي علي
وهم يشترون البيت
بسم من راح يكون؟؟
قال بسم الجمعيه وانتي تدفعين 200 بالشهر 😂


قلت في بالي يخسون
البيت طبعاً ب600 الف وبدفع انا الباقي وبسم الجمعيه
اقعد بالبيت اللي انا فيه ابرك لي


حبيت بس اكتب لكم قصتي مع الاسكان

واكشف لكم كذبه تسمى الاسكان التنموي
وهي بالحقيقه مجرد شقق تابعه للجمعيات الخيريه وبلشانين فيها لأنها مرفوضه
محد يستأجرها ويأجرونها على الحكومه ويوزعونها على المحتاجين
تسكيته
ومتى مابغوا يطلعونهم طلعوهم
مالهم شي

مااافيه شي اسمه اسكان لاهل الضمان حتى لو بندفع قصد شهري
1000 ريال يقولون ماااايشملكم
حسبنا الله ونعم الوكيل