صباح الخير
شوف حبيبنا هذة الفكرة لو طبقت باذن الله تستفيد ماليا و تدعي لي.
حاول تزيد راس المال الى 6000 ريال
واشتري 10 فرشة مترين في مترين.
ولكل فرشة اشتري تكايات ( جلسات )
ولكل فرشة اشتري له تلفزيون
وماطور لو تأجر بالبدايه تأجير وليس شراء.
واهم شي يكون عندك سيارة للتحميل و التنزيل.

الان اتجه كل يوم بعد صلاة المغرب الى اي مساحة كبيرة يجلسون فيها الناس ( ابعد عن الحدائق ) ركز على الاماكن البرية داخل المدينه
واذا انت من الرياض شوف استاذ الملك فهد او الثمامه.

وايجار لكل جلسه 10 ريال بالساعه.
وقهوة و شاهي جيب من اهلك خليهم يرسلون لك مع مرسول كل ساعتين يرسلون لك 4 ثلاجة.
ويكون عندك دلال عشان تعبي الدله و تقدم لأي جلسه.
اي جلسه اعرض عليه .. قهوة عربي شاهي ؟ ماء ؟
عشان تستفيد اكثر
قهوة عربي اذا طلب حط فناجيل حسب عدد الاشخاص اللي جالسين لكن الدله لاتعبيها الا ربع + 10 تمرات + طحينيه سائله.
كذا بيكون بدل الايجار 10 ريال بيكون السعر وصل 60 ريال.

ومن الساعه 6 المغرب الى 2 صباحا = 8 ساعات
لو افترضنا بالمتوسط لكل ساعه 25 ريال
25 في 10 جلسات = 250 ريال في 8 ساعات = 2000 ريال باليوم ، يعني رجع لك 25% من راس المال في يوم باذن الله.

لاتردد و ابدا وباذن الله تستفيد.