السلام عليكم ورحمه الله وبركاته

اسعد الله مساكم واطال االله باعماركم


عندي استفسار يخص منطقه الرياض برامج التوصيل هل فعلا الطلبات كثيره في احد مجرب يشتغل فيها
مثل مرسول ووصل وهنقرستيشن .

حاليا طالب جامعي والظروف مجبرتني اني اترك الجامعه واوقف مع ابوي والاهل وعسى ربي يعوضني خير هالشهاده
وانا في منطقه حفر الباطن وتجربتي بهالبرامج ميتة للاسف وهذا السبب الي خلاني افكر اطلع لبرى لرياض تحديدا
لاني تواصلت مع كثير وكان كلامهم الشغل فيها بالرياض مربح ومطلوب دايما

يابعد راسي
شاكر لك ردك والله يعين المتضررين فعلا ماحدك الا الحاجه وياكلون حق الرجال باي حق ...
حسبي الله ونعم الوكيل


يعين الله والله يكتب الي فيه الخير

انا بحكم اني بالرياض الاغلب هنا يطلب هنقرستيشن وانا فعلا من مستخدمينها كثير اطلب فيه

لاكن البرامج الثانيه مكنسلتها من راسي احسها كلام فاضي


تبي نصيحتي مهما كانت ظروفك الصعبه ومسؤلياتك اتجاه اسرتك توكل عل الله واكثر استغفار ثم امسك دراستك ارجوك دراستك ثم دراستك ثم دراستك للمليون لاتتركها والله بتضيع

الشهاده عز لك ولاهلك بعد الرزاق ربي بامكانك فتره العصر تشوف لك شغله مثل كل الشباب روح ويكند للرياض وخم لك بصل اوبطاطس شي مايخرب وللحفر ووزعه حاول تصير موزع جرب وقبل اسال المحلات اني بوفر لكم

حاول واسعى الرزق مع السعي اما الدراسه حذاريك تتركها

هذا رايي والله يوفقك وييسر لك ابوابه

أنت الان مع أهلك عايش وتبي تروح للرياض عشان تدور الرزق وراك أيجار وراك مصاريف وراك بنزين عد وأغلط ويمكن تلاقي جماعتك وتسولف معهم وتترك الشغل

الحفر محافظة كبيرة اقرب محل قل بشتغل عندكم راح تلقى او اشتغل طلبات وانشر رقمك بتحصل زباين وترتاح لكن الدراسة لاتتركها هي بعد الله ع حصولك ع وظيفة أستخير ربك وانا اشوف لو تجلس وتلاقي شغله او توصيل أفضل من روحتك للرياض
الله يوفقك

الفائدة للشركات وانا تتعب بمبلغ قليل