السلام عليكم ورحمه الله وبركاته
يسعد اوقاتكم بكل خير

انا مطلقه وعندي بنتين وولد
وحاليا صعب اتوظف لظروف خاصه
وبقدم علي ضمان وحساب مواطن تو مستلمه صك

وضروري استقل بسكن ماعندي احد اسكن معه ومو عارفة وش يقبلني وش مايقبلني بالنظام
بالله وجهوني وساندوني
وين اروح وين اجي وش اقدم عليه
ترا والله مو عارفه شي

وعليكم السلام
طيب اختي
اول شئ روحي الاحوال المدنيه واعطيهم صك الطلاق ويحولون حالتك الى مطلقه وخذي برنت منهم
خذي الصك والبرنت والهويه ومشهد من البنك برقم حساب ايبانك وقدمي على الضمان وقدمي لعيالك معك .. اذا عندك صك عليهم واذا ماعندك صك اعاله جيبي شهودانهم مهجورين ويضموهم معك بالضمان
ادخلي على حساب المواطن وقدمي وارفقي المستندات لهم
اذا ماتعرفين تدخلين المستندات شوفي اي حكومه اكترونيه او مكتبه ويكمل لك الاوراق
الله يوفقك

ادخلي على موقع الاسكان سكني وقدمي الكترونيا وارفقي المستندات