انا حاليا امر بهذه المشكلة

جاني ترشيح للمقابلة مع وزارة الطاقة ، ورحت وخلصت المقابلة وكل شي تمام .. واعلنوا عن اسماء المرشحين والمقبولين وكنت منهم وفرحت ..

ارسلوا بعدها رسالة عشان اخلص الفحص الطبي ولما رحت اسوي الفحص قالي للحين ماجاتنا الاسماء ، انتظرت يومين واتفاجئ برسالة تأجيل موعد الفحص ... قلنا يلا ماعليه كل تأخيرة وفيها خيرة ..

وبعد ٣ اسابيع كلمت الوزارة ، اول ماقلت له اسمي قالي كويس انك دقيت ، قلت خير ان شاءالله ..

قالي اسمك طلع بالخطأ مع المقبولين .. كيف وشلون !!

ماعطاني اي رد بس قالي اني مااجتزت المقابلة وانه كان خطأ من قسم الit ..

جانب احباط كبير .. بعد هالسنوات من الانتظار .. ولما طلع اسمي صار بالخطأ

بالله وش اسوي الحين ؟!

حسبي الله ونعم الوكيل على كل من يوظف احد بالواسطه
راحت أعمارنا بسبة الواسطة في كل مكان الا من رحم ربي
والله يرزقنا ويرزق كل محتاج وعاطل يارب.

لي سنتين اقدم على جدارة ،لكن للأسف ان جدارة لم احصل منها على شيئ ، فأنا مستبعد رغم أنني غير تربوي وتنطبق علي الشروط فمن المحزن جدا عند التقديم ان تكون نتيجة التقديم الاستبعاد وهناك من تم قبوله مبدئي وتحمل عناء السفر والتذاكر ولسكن كما قرأت في هذا المنتدى من بعض كتابات االاعضاء هنا.
رسالتي هي ان يكون هناك انصافا وان يكون التقديم بالاولوية على اساس تسلسل رقمي وظيفي بحجز دور على سبيل المثال ان يكون هناك وظائف لخريجي السنوات بالاقدمية والمعدلات مثال عام 2015 يتم وضع الخريجين على تسلسل رقمي حتى توضيف جميع الخريجين ثم الانتقال للعام الذي بعده وهكذا فبهذه الطريقة تضمن حقك ورقمك على التسلسل الوظيفي بحجز دورك بالرقم
سأل الله العلي القدير للجميع التوفيق