السلام عليكم ورحمة الله وبركاته

كيفكم عساكم بخير <<< لزوم الادب

بجد بجد يعني اليوم من حظي طحت على ها الموقع ويني عنه من زمان
وبجد ابي مساعدتكم
ترى بدت تطق روحي من جلسة البيت ماغير اكل ومرعى وقلة صنعى
وربي ماغير اكل ونوم والانترنت ليل ونهار مليت من هالروتين
دورت وظيفة ورحت بس لاحياة لمن تنادي

عندي دورة التصوير الفوتغرافي
ودورة تصميم فوتوشوب
ودورة حاسب
ودورة التأهيل الوظيفي
وعلى كل هذا مالقيت مكان ارز روحي فيها
ولا مكان قبلوني
فياليت ياليت تساعدوني
داخلة على الله ثم عليكم يا اهل الخير

سيرة جيدة ماشاء الله...

في اي مدينه اختي ...

قرأت اعلان امس مطلوب مصوره لمشغل نسااائي ...

على كل حااااال تاابعي ركن الوظااائف على حسب منطقتك

وربي يوفقك ويرزقك من فضله

إذا كنتِ بالغربية هنآك إعلآن بقسم الغربية ..
في التصوير ..

طيب انتي باي منطقه عشان نقدر نساعدج

مرحبا
اشكر لكم مروركم
وانا من المنطقة الشرقية
واتمنى منك المساعدة
والله يوفق الجميع يارب

بالتوفيق ان شاء الله......

بالتوفيق ان شاء الله المشاغل النسائية تحتاج مصورات للاعراس حطي رقمك عندهم

مرحبا من جديد
عدنا والعود احمد ومحمد وعبدالله <<<< اسماء عيالنا
اشكر كل من مر هنا
وعساكم ع القوة
ويارب كل واحد ووحدة محتاجين الوظفين يلقونها بأسرع وقت
واللي متوظفين يارب يلقون خيرها ويكفيهم شرها

واللي يقدر يساعدنا في البحث عن وظايف لايقصر ويارب في ميزان اعمالكم

تحياتي

الله يوفقج يارب ويسهل على الجميع ..