توكل على الله ربنا يقول مثل مايقولو المصريين (( أسعي ياعبدي وانا أسعي معاك ))
دام الوضع هو هو من الناحية المادية برأي أناا من حقك تدور لنفسك الأفضل وخبرة ال 4 سنوات ماراح تروح عليك هتاخذ أثبات عليها + بتتعلم خبرات ومهارات جديده بالشركه الجديده تفيدك بحياتك لقدام لانه أكيد عملك الحالي صار روتيني بالنسبه لك والتامين الصحي بمأنك مقبل على زواج أكيد راح يوفر عليك مصاريف كثيرة انشالله لك ولزوجتك انشالله وأبناءكم بالمستقبل ومأدري أذا كنت مسؤل عن والديك بعد . فأنت أذا عزمت تترك روح للمسؤل المباشر لك وصارحه أنه ايش أنتا محتاج ....... تعرف تسرد عليهم الموضوع أذا كانو مقدرين ال 4سنوات بيعطوك طلبك الى هو من حقك أصلا أذا مو مقدرين جهودك لا والله رزقك ماراح يوقف عندهم . مدري برأي أنا تتوكل على الله والحياة تجارب لازم تخوض تجارب متنوعه الواحد لازم يسعي ويتحرك من مكان لأخر مو الواحد يضل بوظيفته الحاليه ويحلم تجية زيادات على راتبه والترقيات بالمؤسسات الخاصه الكبيره ماتجي على الأقدم بل على الأجدر بالترقيه توكل على الله والله يفتحها بوجهك ... تقبل رأي أختك وتقبل مروري |
لا تنسا يا خوي انك مقبل على زواج والتامين الطبي مهم جدا للك وزوجتك وعيالك انشالله بالمستقبل انا اقوووول روح للشركه الثانيه افضل للك
|
الشركة الثانيه تتميز بوجود التامين الطبي عكس وظيفتك الحاليـه .. إستخير وربي يكتب لك اللي فيه الخير :)
|
لا إلاة الا اللة محمد رسول اللة
|
اذا بتتزوج زي ماقلت و من واقع تجربة روح للشركة الثانية افضل لك لان الحرمه و العيال كل يوم مرض يعني شهريا يبغالك من 500 لـ 1000 ريال علاج بالمستشفيات الخاصة او تتمرمط بالحكومي على غير فايدة لكن ما في ازين من التامين الطبي فشوف مصلحتك اولا و قدم على الثانية و ربك يسهل انا لما كنت عزابي ماعمري دورة للمستشفيات و لله الحمد لكن من بعد ماتزوجت صارت روحة المستشفى شي شهري و لازم للعيال و للحرمة .
|
عليك بالاستخارة مره ثنتين ثلاث والله ان شالله يوجهك للي فيه خير لك...
|
ياخي انصحك اقعد بالشركة حقتك ازين لك
اول شي انت فيها بديت من الصفر والحين مشالله راتبك راتب موظف حكومي غير انك فاهم الناس الي فيها وعارف الطبخة وغير كذا الشركة الجديدة منت عارف الناس الي فيها ونظامها ومديرها خلك على قردك لا يجيك اقرد منه بعدين هذا كله عشان تامين طبي ياخي الحمدلله انشاللله ماتجيكم الا العافية والانسان مابيمرض في السنة باذن الله اكثر من مرة اوثلاث بالكثير |
اخي امير انني افضل ان تبقى على وظيفتك بنفس الشركه خصوصا انك مقبل على زواج وبعدها تتحرى عن الشركه الجديده وعندها يتضح لك ان كان الافضل العمل بها من عدمه ونسأل الله لك ولنا والتوفيق ومبروك الزواج مقدما
|
انا من وجهة نظري انك تضمن الوظيفه الثانية لانها تتميز عن وظيفتك الحالية
بتأمين طبي لك ولعائلتك وعيالك والله يكتب لك اللي فيها خيررررررررررررررر |
أسأل عن التأميل الطبي كيف يغطي العلاج
لأن التأميل تختلف تدرجاتها وممكن هذا التأميل صغير أو في أدنا المستشفيلت الخاصه , يعني (المستشفيات التعبانه) أو ممكن يكون هناك نسبه تدفعها وتكون النسبه عاليه أو هناك شروط في العلاج أو ممكن هناك شروط في علاج الأهل , حيث بعض الشركات تشرط علاج الزوجه وأثنين من الأولاد فقط ولا تنس صلاة الأستخاره بتوفيق |
الساعة الآن 11:43 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين