ابغى رايكم ضروووووووووري جداً جداً جداً
اول شي انا موظف بشركة كبيرة في جدة ولي الحين 4 سنوات بس مشكلة الشركة انو احنا يالسعوديين مالنا تأمين طبي والي يبغى الله لايهينه يدفع من جيبه طبعاً عكس الاجنبي الي مأمن عليه من راسه لاخمص قدميه ******** حلوة لاخمص قدميه , المهم انا جتني وظيفه ثانية بشركة في مستوى شركتي الي شغال فيها بنفس الراتب وبنفس المزايا بس مضاف له التأمين الطبي طبعاً انا مقبل على زواج بشهر خمسه , وانا محتار بصراحه اضحي بالاربع سنوات الي قضيتها بالشركة واروح الوظيفة الثانية ولا لا , الله يحرم وجه الي يرد علي بنصيحه عن الناااااااااااار , نسيت اقولكم انا بديت بالشركة براتب 2000 ريال والحين راتبي 4200 ريال.
|
الله يعينك أخوي أمير الورد صراحه حيره ...
بس مميزات الشركه الجديده أفضل ... من رايي إذ يعطونك شهادة خبره الشركه الأولى خذها من عندهم وتوكل على الله وروح للشركه الجديده .... لا تنسى عليك بصلاة الإستخاره ... صدقني راح تدلك على الأفضل .... |
صبحك الله بالخير
شوف وأنا خوك العمل في القطاع الخاص متعب جداً وصعب الواحد يستمر فيه وغالباً مايتركه المواطن السعودي بسبب عدم وجود مزايا جيدة أو بسبب قلة الراتب وبمعنى أصح عدم وجود تقدير من قبل الشركة . وأنت الحين لك أربع سنين في هذي الوظيفة وعارف كل شيء عنها وفاهم الشغلة كلها ومستقر نوعاً ما وماتخاف من فصلهم لك أما الشركة الجديدة ففيها بتبدأ من جديد تتعلم الشغل من جديد تتعرف على الناس من جديد وماتدري يمكن يكونون أخس من الشركة الي أنت فيها فنصيحتي لك إستمر في شركتك ومصير الشركة تأمن عليك غصباً عنهم لأن في قرار جديد راح يبدأون فيه بداية العام القادم للتأمين على السعوديين يعني راح يكون إجباري فخلك في قردك لايجيك أقرد منه والسلام . |
بسم الله افضلك انك تبقى في شركتك لانك عارف العاملين والشركة وكل شي داخلها وانتظر واصبر لعل ان هناك تنزل مزايا والشركة الجديدة والله ماتضمنهم هل ستستمر معهم ام انهم يفصلونك بعد مدة لاتعلمها ..................
فانت صاحب القرار فالاضمن لك انك تبقى ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘ قال تعالى ( وعسى ان تكرهوا شيئا وهو خير لكم ) صدق الله العظيم |
انا من رأيي تجلس بوظيفتك...لانك مثل ماقالوا الاخوان عارف كل شي فيها..والتامين الطبي الله لايعوزك عليه..مصيرهم معطينك..اخوي له فتره وهو يداوم وتوه امس عطوه تامين! يعني اصبر..
اما انك تبدا من الصفر ومن جديد ..ابداً انا ضد هالشي.. هذا رأيي!! والله يوفقك..ولاتنسى تستخير اولاًواخيراً |
اخوي امير الوعد انا بصراحة انصحك تتوجه لمشرفك وتصارحة تقول جالي عرض من شركة برى ومميزاتهم افضل وانا بصراحة ابغى استمر معكم بس ابي تأمين طبي لاني مقبل على زواج.
صدقني اخوي التامين الطبي للمتزوج ضروووري جدا . اتمنالك التوفيق. |
الله يعطيكم العافية ومشكورين على الردوووووووود والله يكتب الي فيه الخير
|
انا مع الاخواااان .. خليك بوظيفتك الحااااليه دامك معهم اربع سنوااااات ... وربي يوفقك ويرزقك من فضله |
انا من رأيي انك اذا كانت المميزات نفسها من حيث الراتب والشركه الثانيه تتفوق بالتأمين نصيحه تطلب اجازة شهر وتجرب الشركه الثانية اذا ارتحت استمر واذا ما ارتحت ارجع واهي تجربه تمر بها .......
|
ملاحظه راح تعرف اهمية التأمين لا سمح الله بعيد عنك الشر لما تزوج انشاء الله مبروك مقدما وعقبالنا .......
|
الساعة الآن 04:30 AM |
Powered by vBulletin Version 3.8.9
Copyright ©2000 - 2024, Jelsoft Enterprises Ltd
جميع الحقوق محفوظة لحلول البطالة
استضافة، تصميم مواقع، برمجة تطبيقات، من توب لاين