10-12-2008, 02:42 AM
|
|
|
|
تاريخ التسجيل: Oct 2007
المشاركات: 3,402
معدل تقييم المستوى: 222
|
|
أستفدت مـن الذيابـه ومـن نبـح الكـلاب
ياعـلاوي نجـد علـك مراديـم السحـاب
ديـرةٍ فيهـا تربيـت يـوم إنـي صغيـر
ياطبيـب النفـس وشـو عـلاج الأكتئـاب
أعطني وصفة علاجه ترى وضعي خطيـر
عشت في غربة حقايق وفي وضع اغتـراب
والتجارب عرفتنـي علـى الشـيء الكثيـر
شفت ناسٍ ترسم الورده على صدر الغـراب
والغراب أليا بغيت ألمـس الـورده يطيـر
أستفدت مـن الذيابـه ومـن نبـح الكـلاب
وأستفدت من الرغا وأستفـدت مـن الهديـر
ولا كسبت الآ معرفـة عزيزيـن الجنـاب
ولا خسرت الآ معرفـة عديميـن الظميـر
أقترب لا مقترب شيـن بعـض الأقتـراب
أبتعد لا مبتعـد شـيء فـي حقـي كبيـر
ياسؤالي كل ماطرحك مـا ألقالـك جـواب
مالي الا الصبر وأهل الصبر توعـد بخيـر
وصف خبلان الرخا مثل ضحضاح السراب
يفرح العطشان شوفه يحسـب انـه غديـر
للردي لوهو ولد عم لا تحسب لـه حسـاب
كم عزيـزٍ ذلـه الوقـت بضيافـة حقيـر
الـدروس أنـواع تطبيـق والآ أنتـسـاب
بس أنا اللي أطبق الـدرس قـدام المديـر
يا(غريب أن مت شيلني اليا هاك الهضاب
حط قبري بين عنتـر وأبـن عمـه زهيـر
حطني في مقبرة (عبس ) مرويـن الحـراب
حطني باعلى علم (عبس) مرويـن الشطيـر
وان عسرك والوقت نطلع ونرجـع للتـراب
ويـارث الارواح الإله الاول والاخـيـر
أول الدنيا طـرب و أوسـط الدنيـا عـذاب
وأخرتها الموت والقبـر وحسـابٍ عسيـر
ياجزيـل الملـك ياكافـل رزق النـيـاب
يا الاهي مـن عذابـك برحمتـك أستجيـر
( الشاعر الكبير / عيد بن مربح الرشيدي )
|