حسب ما يُشاع زواج الام مايسقط حضانتها لأبنائها
لكن للأب زياره وممكن يكون فيها مبيت
حسب عمر الطفل
هذا كلام المصلح لي
انا توظفت وابوهم سمع اني توظفت وباشرت
رفع عليا دعوى حضانه
قال عيالي ماتربيهم شغاله
تحولت اول شيء الدعوى لتراضي
من كلام المصلح
حسيت انه ممكن الامور تأخذ مسار مايعجبني
ما اتحمل صراحه يباتوا عيالي بعيد عني
وتركت الوظيفه
رحمتهم خاصةً الصغير كان عمره ثلاث شهور
جداً متعلق فيني ويخاااف
ابداً الشيوخ ما تضمنيهم بقضايا الاسره
كل واحد له نظرته
بالنسبه للضمان
اذ ابنائها راح يعيشوا معها هي وزوجها
فخلاص يعتبروا تابعين لهم
يقدم زوجها او تقدم هي مع الابناء
وحسب ظروفهم ودخلهم
اما يشملهم جميع او لا يشملهم
والله ييسر امرها

نظام الحضانه الآن يخير الاولاد والبنات معاد زي قبل الحمد لله الآن صار لصالح الأبناء مب زي قبل الأب مايصرف ولا يدري عن عياله واذا تزوجت الأم يهدد بالحضانه هذا أحسن شي صار وأن الأب مايقدر يأخذ حساب المواطن والضمان لعياله اللي مايدري عنهم ولا هم ساكنين عنده صراحه اللي فكر بهالنظام عبقري لكن خربها علينا من جهه ثانيه يوم خلى المطلقات يتبعون أهاليهم 😂

والله مو صحيح
اذ كان فيه نزاع على الحضانه مو شرط تكون للأم دائماً
حسب الشيخ
واذ اخذت الام الحضانه
تتحدد للأب زياره على طلبه
وفيها مبيت
صراحه مو حلو التشتت لهم اطفال
بحاجة استقرار
لذلك انا انصح دائم بالتفاهم >>> خوااافه 😂
ولدي الصغير مثلي اول كلمه نطقها بعد ماما
انا اخاف 😂😂

شوفي أنا طليقي مريض نفسي بسبب الإدمان وذا مذكور بصك ويوم جاء وقت الحضانه القاضي ولا سوى شي كان ضدي قلت له عندي اثبات وشوف صك الطلاق مذكور فيه كل شي ورفعت شكوى على القاضي ثم تعدل القاضي وخير الابناء والآن مسموح لي الزواج والأبناء عندي لأن الأب غير كفو لكني شلت فكرت الزواج من راسي بالمره
يعني اذا عندك اثبات على الأب أنه غير كفو قدميه والآن كثير والله يتزوجون وأطفالهم عندهم يخيرون تغير النظام

كيف يعنى انا مستفيده من الضمان ليه عشره سنوات
دحين بقدم في المطور لازم صك حضانه
ابوهم ما يدري عنهم