السلام عليكم ورحمة الله

يوم الاربعاء الموافق 4/2/1428 هـ

في نهاية الدوام طلبتني المديرة واول مادخلت قالت لي ممكن تسكرين الباب
لما جلست قالت لي هذي افادة انك توظفتي عندنا وحنا اذا احتجناك راح نكلمك
لما حست من نظرات انه فيه استفهام قالت: انتي وزميلتك في الفصل مو منسجمين ولا اقدر انقلك فصل ثاني اسمحي لي ...قلت لها شكرا وطلعت
من جد عصبت ولا قريت الورقه اللي عطتني ايها لما وصلت البيت لقيت مكتوب فيها اخلاء طرف مو إفادة
مع انه راح يكون عندهم نقص اذا طلعت
===========================

راح احكي لكم السالفة من توظفت

انا لي تقريبا 4 شهور عندهم ... مدرسة اهلية =رياض اطفال

اول يوم جيت فيه رحبت فيني المديرة(هذي وحده ثانيه لحقت عليها شهر بس)

وقالت لي تعالي اوريك الفصل حقك واعرفك على زميلتك في الفصل.. اول مادخلت الفصل عرفتنا على بعض وسلمنا ...بعدين جلست انا على كرسي لانه قالوا لي 3 ايام تدريب فأنا بشوف الوضع والمجال جديد علي تخيلوا حاولت افتح مع زميلتي اكثر من مره حوار لكن ترد علي بكلمة ورد غطاها وبأسلوب جااااااااااااف جدا بصراحة حسيت انها ماتبيني او مجبوره رحت للادارة وقلت لهم وش فيها علي قالوا لي هذا طبع فيها يبلها فتره عشان تتعود عليك.... (الشكوى لله نصبر)
خلال 3 ايام فهمتني انه انا مساعده وانا هي البوووس ومااسوي شي الا بمشورتها
وانا على نيتي اقلدها وش ماتسوي اسوي زيها(مجال جديد علي) لانهم قالوا لي هذي خبره 9 سنوات وراح تستفيدين... في يومي الثالث كان عندها درس نموذجي وحضرلها مجموعه من المدرسات ومديريات من مدارس ثانيه ... الاخت ماقالت لي انه فيه درس نموذجي الا قبل مايدخلون بدقائق ولا قالت لي وش اسوي

الدرس كان وجبة ... انا مثل ماقلت لكم كنت اقلدها تقليد اعمى هي في الوجبه ماتجلس معاهم ولا تاكل وجبتها الا في البيت (انا ماكان لي وجبه 3 ايام حقت التدريب كنت اموووت من الجوع ارجع البيت جوعانه.. وماقالت لي انه حاسبيني بالوجبات كانت تاخذ حصتها وتوزع الباقي على الاطفال واذا بغيت اشتري منهم ماالقى شي )
نرجع لموضوعنا ... الدرس النموذجي
بعد ماخلص الدرس نادوها عشان النقد والمدح... جاتني معلمتين قالوا لي ليه ماجلستي مع الاطفال ... وانا على النية اقولهم لازم ... قالوا اكييييد ... قلتلهم ماقالت لي وانا اقلدها هي ماكانت تجلس معاهم بس اليوم شفتها تجلس معاهم.. بعدها بفتره جتني بكل جرأه يقولون انك ماجلستي مع الاطفال وكانت مساعدتك سلبية قلت لها وش دراني انتي ماعلمتيني ...قالت لا ماعليك انا رقعت الموضوع ؟؟؟؟

بعد معاناة شهر معاها تغيرت معاملتها لي صارت تضحك وتسولف وتنكت معاي وصرنا سمن على عسل ... لكن مازالت تعاملني كمساعدة وتلقي على الاوامر ولا تشرح لي الامور الجديدة على تكتفي برد على تساؤلاتي بكلمة او كلمتين.. هذا الشي خلاني اروح اسأل باقي المعلمات عن امور اجهلها وجزاهم الله خير جميلهم فوق راسي...

اللي خلاني انفجر انه كل مره تحضر لي المديرة تنتقدني على شغلة واقولها ماكنت ادري ... واذا سألت زميلتي تقول ماعليك عادي ... احياناَ اذا قالت لي المديرة انه تحضرلي اسأل زميلتي: هاه وش رأيك ادوات كاملة واشرح قدامها بشكل مبسط ماتوجهني تقولي ايه زين ماعمرها قالت لي لا سوي كذا او كذا....
مع انه والله الشاهد اني اساعدها اذا احد بيحضر لها ..

في يوم رحت اسأل صديقتها بحكم انها كانت معاها في الفصل قبل مايحولونها ادارية واستفسر منها هي لي كذا وكان مجرد استفسار...

وحكت لها بعض المواقف اللي ضايقتني ... وراحت وحكت لها

في اليوم الثاني جيت الصباح وسلمت عليها ومديت ايدي .. وحسيت انها ترددت في رد السلام... استغربت ماخذت في بالي ... لكن تعاملها طول اليوم كان سيئ واسلوب حاد وجاف ... وبعد ماطلعوا الاطفال جتني معصبه .. انا وش سويت عشان تروحين تحشين فيني تكلمتي علي ... وانا انصدمت من ردة فعلها وحسيت انها تبي تتهاوش وانا مااحب هذي الطريقه بالنقاش وسحبت نفسي وطلعت .... لما وصلت البيت ارسلت لها مسج انه كان انتقادي في مجال العمل وانا كنت استفسر بس ماكان قصدي الحش والنميمه ...واذا زعلك هالشي فأنا اسفة

اليوم الثاني جيت الصباح اخلاقها مازالت زفت وتعاملها معي كل ماله يكون اردى تحملتها كم يوم بعدين خلاص ماقدرت طلعت برا وقعدت ابكي شافتني حاضنه وقلت لها اني متضاايقه .. حصل سوء فهم بيني وبين زميلتي ومراضي تسامحني قالت لحظه اناديها لك برا وتفاهمي انتي معاها ... لماجت وشافتني ابكي تعاطفت معاي وقلت لها انا اعتذرت لك وفهمتك الموقف خلاص وش تبيني اسوي اكثر... قالت خلاص انا سامحتك ....الخ رجعنا مثل السمن والعسل عادي لكن هي حسيت انه مازالت شايله علي... لانه في الاسبوع يوم واحد بس ترضى علي وطيرني فوووق وباقي الايام اصير من المغضووب عليهم... وانا بصراحة صرت افهم الشغل زين مو مثل اول تلعب علي...لانه صرت احضر لزميلاتي واحضر دروس نموذجيه لمدارس ثانيه واسمع النقد والتوجيه.... هذا الشي ماعجبها ... وعرفت اني معلمة حالي حالها مو مساعدة مثل ماهي مفهمتني ....

كنت اول ياابلة فلانه وقت اللعب بالخارج اطلعهم وهي تقول لا واحيانا استني شوي : صرت اطلعهم من غير مااستشيرها وامارس معاهم كل شي مثل ماهي تسوي حست اني تمردت عليها والاطفال يحبوني اكثر منها حتى اطفال الفصول الثانيه بمعني ثاني اني سحبت منها البساط...
بصراحه كنت مخلصة بشغلي ادخل النت واطلع افكار للحلقة وقصص للقاء الاخير والعب معاهم و حتى في اللعب بالخارج انزل مستوى الاطفال وانقز واركض معاهم
لانه شكلي طفولي فــ هذا الشي مساعدني كثير...
حصلت لي معاها مواقف تشيب الراس مع هذا صابره والله ومااعطيها وجه بدرجه انه في اليوم الختامي للترم الاول كانت معاي بنت خالي وشافت تعاملها معاي ونقهرت قالت لي خليها ودي اكفخها وانا اقولها اتركيها ماعليك منها...

بصراحه في االاسابيع الاخيره من الترم الثاني انا صرت استغل الفرصة انه ماعندي شغل اطلع من الفصل اغير جوا بس طلوعي مايستغرق اكثر من عشر دقائق هي استغلت هالشي وتقول اني اطلع واخليها منحاسة مع الاطفال مع انه حتى هي تطلع لكن انا مااستغليت هالشي مثلها واحيانا اطلع اروح اقول للمستخدمه نبي مناديل او اطلع للاداره اجيب ورقة او اروح للفصول الثاني اطلب شغلة مو كل طلعاتي عباطه
المديره كلمتي بخصوص هالموضوع وقلت لها بصراحة انا مو كل طلعاتي عباطه السبب الثاني زميلتي ملغيه وجودي بالفصل تتصرف وتسوي اشياء اتفاجئ فيها ماتعلمني ... والله العظيم وربي شاهد اني حاولت اتقرب لها وهي رافضتني نهائي ماكان ودي تكون لي عداوه في الروضه مع انه الكل يحبني ويفقدني من ادارايات ومعلمات وحاضنات لكن هي الوحده اللي عجزت معاها معناته العيب مو مني!

بداية الترم الثاني عندنا اسبوع تمهيدي ... يعني المنهج مفتوووح... لماسألتها وش نسوي في هالاسبوع قالت اللي اي شي
في اول يوم من الدوام كنت مبسوطه ((( تعرفون جاية من اجازه وكنا مخيمين في البر))) جاية وانا نفسيتي مرتاحه وكنت ناوية اتقرب لها لانه تعب من المشاكل معاها في الصباح سلمت عليها حطيت اغراضي في الدولاب وسحبت كرسي وجلست معاها اسألها هاه وين رحتوا بالاجازه ماردت علي اكتفت بهز الراس لاحضوا انه في كل مره اسألها ماترد علي من اول مره لازم اكرر عليها السؤال مرتين اوثلاث بعدين ترد واذا ردت ترد من غير ماتناظرني ... فيه اكثر من كذا استحقار... انا حسيت انه ماتبي تسولف معاي خذت بعضي رحت اسلم على باقي زميلاتي ....
اليوم الثاني : جانا طفل جديد في الفصل ... جا وقت اللعب بالخارج قلت للاطفال يالله صفوا قطار عشان نطلع برا قامت وجلستهم قالت لي مايصير نطلع طفل جديد برا قلت لها ليه قالت هذا القانون.... انا بصراحة زعلت لانه دايم تكسر كلامي قدام الاطفال وهالشي يقهر بصراحه ... انا طلعت برا لباقي المعلمات وتركتها لانه لو ظليت عندها يمكن انفجر وسالتهم عن سالفة الطفل الجديد قالوا لي لا هذا القانون بس في بداية السنه بس مايطبق في بداية الترم الثاني ... انقهرت زوووود ليه كذا وش قصدها تطفيش!
توي برجع الفصل ولا المديره وراي وقالت لي ليه مو في الفصل ... قلت لها الحين رايحه....
في اليوم الثالث:
طلعنا برا مع الاطفال وحصل تجمهر علي من قبل الاطفال يبوني العب معاهم في الزحليقه ... قالت لي معلمه مايصير لان الزحليقة خطره اخاف يتزاحمون ويطح طفل ادخلي جوا واطلعي قلت طيب توي طالعه ولا جاني طفل من اطفالي قالي جوعان قلت يالله بعد اللعب وجبة الحين ندخل ونلعب وهو اساسا مابقى من الوقت الا دقايق صرت انادي اطفالي عشان يصفون قطار ولا الاخت تقولهم لا.... مافهمتني ليه اكتفت بنفي ..
وعناد انا فيها ماسمعت كلامها وصفيتهم قطار ... وهي جت تقودهم انا سبقتها بروح افتح الباب من داخل لانه مايفتح من برا ... انتظر وانتظر وانتظر ماجوا... اثاري الاخت تبي تفطرهم برا وانا ماادري زعلت من جد ليه ماقالت لي ... انا صنم في الفصل ولا زيادة عدد ... كثر ماعصبت حسيت الدم بوجهي ... واللي قالي وحده من المعلمات مو هي شوفوا القهر يعني تعرف تتكلم....
حسيت بقهر وسألتني المديره وش فيك مو مع الاطفال وقلت لها القصة كامله طبعن ماانصفتني كتبتني تعهد تقول انه انا مااساعد زميلتي واني غير متعاونه واني مااقعد برا وقالت لي شكل مشكلتكم ماراح تنحل الا اذا غيرتك من الفصل قلت اوكي ...
على امل انها تغيرني من الفصل تفاجأت بنهاية الاسبوع والدوام انا طردتني....
لما قلت لها المشكله لها طرفين المفروض انك تكلمين الطرف الثاني بعد وتشوفين حل قالت لا هذيك خبره ومانبي نستغني عنها
وقلت طيب كان نقلتيني فصل ثاني عطتني اسبااااااب غير منطقيه واذا حجيتها تغير السبب الى سبب تافه والمشكله ان المدير اساسا جديده على هذا المنصب لها فقط 3 شهور او شهرين شلون تتخذين هالقرار من غير مشاورة الادارة المركزيه قالت لي انا كيفي وانا اتخذ قرارات من غير مااستشر تخيلووووووووووا؟؟

والله حتى البكي بكيت من القهر والله العظيم مقهوووووووووووره حيل

ساعدوووووووووني بليز