استفسار بخصوص المعهد المصرفي

وهم الاماكن · #1 (**permalink**) 23-02-2007, 09:28 PM

السلام عليكم

ياشباب انا قدمت في المعهد المصرفي قبل 9 شهور ودقوا علي قبل اسبوع وعملت الاختبارات تبعهم في معهد المحترفون وانتظر الرد منهم

بس ابي اسئلكم اللي عنده خلفية عن البرنامج يفيدنا عنه مع العلم اني احمل دبلوم ادارة مكتبية والدورة حسب ماقلولي تبدأ في 3 مارش

النشمي · #2 (**permalink**) 23-02-2007, 09:48 PM

وعليكم السلام ورحمة الله وبركاته

وهم الاماكن

مبروك
وأسأل الله العلي القدير
لك التوفيق والسداد

هذا ما اقدر ان اضيفه لموضوعك
وان شاء الله تجد من يفيدك حول تساؤلك

وهم الاماكن · #3 (**permalink**) 23-02-2007, 09:52 PM

شكرا يانشمي وياريت اللي عنده شي عاد لا يبخل علينا

طفرااااان · #4 (**permalink**) 23-02-2007, 10:03 PM

مبروك ياغالي ونتمنى لك التوفيق بس وين مقره المعهد المصرفي وكيف التقديم عليه واتمنى من الاخوان يخبرونا عنه

nayef · #5 (**permalink**) 24-02-2007, 12:13 AM

... وهم الاماكن ...

ياليت تكلمنا عن الاختبار .... عن ايش.....
وهل يقبلون الحاسب الالي...

طفرااااان هذي معلومات عنه
برنامج " المصرفي "
الذي ترعاه مؤسسة النقد العربي السعودي والبنوك المحلية وبعض البنوك الإقليمية العاملة في المملكة. ويستمر البرنامج أربعة أشهر يتلقى خلالها الملتحقون دورات في اللغة الانجليزية والحاسب الآلي والائتمان والاستثمار والعمليات المصرفية قبل إطلاقهم للإلتحاق بالقطاع المصرفي. والبرنامج موجه لشريحتين من الشباب هم الجامعيين وحملة الدبلوم حيث من المقرر أن تبدأ الشريحة الأخيرة الدراسة ما بعد إجازة عيد الفطر وهو يهدف إلى تأهيل الشباب السعودي للعمل في القطاع المصرفي وسد حاجة البنوك من الكفاءات المؤهلة ودعم نمو الاقتصاد الوطني عن طريق توفير الكفاءات اللازمة. ومن المنتظر أن يخرج المشروع سنوياً ما يقارب 500 من الشريحتين على مدى الخمس سنوات القادمة بدون رسوم حيث تكفلت البنوك المشاركة بدفع مصاريف المشروع البالغة 18 مليون ريال. ...
............................................
موقع المعهد المصرفي
www.iobf.org

alenazi · #6 (**permalink**) 24-02-2007, 12:44 AM

المعهد المصرفي ممتاز جداً اغلب دورات في مجال البنوك،، وكل البنوك تقريباً ياخذون دورات لموظفينهم في المعهد المصرفي،، وعلى حسب الدورة يعني صراف او خدمة عملاء ...الخ راح يرسلونك للبنك اللي ترغب فيه معاك شهادة الدورة،، ولكن اغلب دوراتهم اسبوعية او ثلاثة ايام او اربعة ايام،، فيه عندهم دبلوم سنتين ونصف اعتقد هذا شي طيب لما تتخرج دايركت تتوظف في بنك،، والجميل في هذا انها تحت اشراف مؤسسة النقد،،

موفق اخوي والله يرزقك،،

بس ياليت تبلغنا وش هي المجالات اللي انت قدمت عليها،، وكم كانت الرسوم ومدة الدورة،،

وفالك التوفيق،،

طفرااااان · #7 (**permalink**) 24-02-2007, 03:45 AM

ياجماعه كيف التقديم عليه وهل هو يوظف بعد الدورات ولا بس شهاده

ياليت تعطونا تفاصيل اكثر

وردة أمل · #8 (**permalink**) 24-02-2007, 04:27 AM

الله يوفقك اخوي
بس ابي اسأل
مافية حق بنات

alenazi · #9 (**permalink**) 24-02-2007, 04:45 PM

اقتباس:

المشاركة الأصلية كتبت بواسطة وردة أمل

الله يوفقك اخوي
بس ابي اسأل
مافية حق بنات

نساء ورجال اختي،،
http://www.iobf.org/content/index-ar.asp
روحي لرابط اتصل بنا في اليمين،، وتحصلين جميع ارقام الادارات المختصة في ذلك،،

فيه ايضاً معهد اخر يعطي دورات مصرفية اسمه ساك فور تراينينق،،
http://www.*****.net

تحياتي للجميع