بسم الله الرحمن الرحيم

السلام عليكم ورحمة الله وبركاته

بدون مقدمات بقولكم وش صار معي في مقابلة معهد الدراسات الفنية ومكافحة المخدرات .. كان الاول السبت والثاني الاحد ..

اولا معهد الدراسات بالقاعدة الجوية بالرياض جيت الساعه 7 دخلونــا نمشي طابور جلسونا في المسجد قالوا جهزوا اوراقكم ومن ضمنها شهادت اختبار القدرات في ناس مامعهاهم قال النقيب ضروري تجيبه الي مامعاه يروح اقرب محل انترنت ويطبعها . ودفتر العائلة لازم يكون موجود اسم الام لاتنسون ياشباب ناس رجعوهم قالوا روحوا جيبوا برنت من الاحوال فتأكدوا الي مو مسجل امه بدفتر العائلة يجيب معاه برنت ..
ودونا للفحص الطبي (طول -وزن-فحص النظر) فقط لاغير بعدها يقول توكل على الله تابع النت بعد اسبوعين ..... وبس .. تراها سهلة ياشباب لحد يشيل هم والعسكر الي هناك والنقيب خدومين جدا يخدمونك بالي تبي ومعاملتهم راقية جدا ...


المخدرات ..
جينا الساعه 9 في المديرية الي بشارع العليا خلف هيئة التحقيق والادعاء العام فيه عسكري عند الباب يقول كم رقم طلبك تقوله الرقم واسمك ويقول هات البطاقة تعطية ويدخلك .. بعدها تجلس في صالة دافية ممتازة تجلس واذا نادوا على رقمك تروح بعده يقيس طولك فقط (فيه ناس رجعوهم بسبب قصر قامتهم) .الوزن مايبونه ابدا ابدا وياخذ بطاقتك بعدهاتجلس لين ينادونك مره اخرى.. والشعر تأكدو منه لان فيه ناس شعرهم طويل قالهم العقيد روحوا حلقوا وارجعوا يعني شعرك خله عادي مو مكينه بس اهم شي مو للكتف ... بس تاكدوا ان بطاقت الاحوال الاصل معااك وشهادت الثانوية الاصل معااك. اخر شي يقولك تعال باليوم الفلاني وجب معاك الورقه (يعطونك اياه هم) وبطاقت الاحوال لابس لبس رياضي ومحلق مكينة... فقط .. وتراهم كمان خدومين يعني لاتشيلون هم ..


وبالتوفيق

السلام عليكم ورحمة الله وبركاته اقول ياشباب انا طولي 165 وحاصل على الشهادة الجامعية وحاصل عى الرخصة الدولية ما رايكم اروح ام لا

طيب هل فعلا الي من مواليد 1401 ردوه سمعت احد قال كذا اوشفت احد من هالمواليد ردوه تكفى رد علي

طيب ماشو احد طوله168 أو ناقص نص سم

وغير كذا شفتو أحد معه شهادة جامعه مقدم عندهم

طيب أنا معاي دورة حاسب معتمده من مركز التدريب والتطوير الادارى وجامعة الملك عبدالعزيز كيف تنفع


تكفون ردو علي

وانا جامعى ومعاى دورة حاسب
وطولى 168 او ناقص نص سم يعنى
167:5 تقريبأ


يمشونى ولا لا

تكفى رد علي

تكفون ساعدوني انا موعدي يوم الاربعاء المقبل ولكن نسبتي الثانويه 79.16 يعني تحت الثمانين ولكن طولي 173.5 ووزني 80 وعندي دوره حاسب ثلاث شهور معتمده من التدريب المهني هل يقبلوني ولا لا تكفون ساعدوني

نسبتي 81 وطولى 168 يقبلوني ولا لازم معك شهادة دورات

الله يوفقكم

والله باين من كلامكم انكم شايلين هم .. وهي بسيطه جدا ابسطط مما تتصورون ..

والي مواليد 1401 ماشفت احد كذا بس اسمع العقيد يقول للضباط الي يسجلون انتبهوا للعمر ياشباب .. عاد مادري وش يقصد .. والي طوله 168 روووح لمهم وتوكل على الله ..