السلام عليكم ورحمة الله وبركاته

عندي أسئلة لو سمحتم إللي يقدر يفيدني أكون شاكرة له ..

أول شيء سمعت عن معهد الإدارة إنو عندهم دبلوم للجامعيين يوازي الماجستير هل هو فعلاً موجود ، وهل هو للبنات والأولاد ولا بس مقتصر على أحدهم .

اممم أحد يعرف معهد يعطي دبلوم محاسبة للبنات

سمعت بعد إني أقدر أدرس الماجستير بأحد الجامعات العربية عن طريق الإنتساب والإختبار يكون بالسفارة يعني ما يحتاج أسافر .

سؤالي الأخير .. وش تنصحوني أدرس بعد ما تخرجت من الجامعة تخصص رسم وعندي دورة للحاسب والإنجليزي وقرآن وموارد بشرية ، أبي الشيء إللي ممكن يفيدني عشان الوظيفة ، أذا عندكم أي إقتراح أنا أرحب فيه ترى ضاقت بس الوسيعة

؟؟؟؟؟؟؟؟؟؟؟؟

يعطيك العفية
اشجعك على هذا الحماس
فعلا الواحد بهالوقت مايكتفي بالبكلريوس خلاص ماعاد يوكل عيش بهالوقت
ثانيا ههههه لما قريت عنوان موضوعك ضحكت وقلت في بالي ادرسي أحد رادك؟؟ لكن لما قريت التفاصيل هونت أحط هالرد واكتفيت أحطه بين السطور
على اي حال ان عندي زميل له علاقة بالتعليم وكذلك هو يمثل جامعة بريطانية (تقريبا زي فرع لهالجامعه) خليني اخذ التفاصيل وارد لك (ذكريني اذا نسيت)
تحياتي لك

أهلاً عزيزتي 00 معهد الإدارة بجدة مالهم فرع للبنات بس شباب

فروع السيدات بالرياض والدمام 00

دبلوم محاسبة مدري وين بس شوفي المعاهد ممكن يكون فيها 00 والأفضــل شوفي الجامعات 00 مثل الجامعة العربية المفتوحة - أو جامعة القاهرة

الماجستير بنظام الانتساب اللي أعرفـــة وقت الإختبارت بس تطلعين تختبرين وترجعين

هذا نظام جامعة القاهرة سألتهم وقالوا كذا 00 إذا فيه جامعات ثانية مثل ماتفضلتي وذكرتي

ياليت تفيدينا

الله يوفقك ويسهل أمرك

00 تحياتي 00

الللي أعرفه انك تقدري تقدمي انتساب لااحد الجامعات العربيه وتروحي السفاره التابعه لهم الموجوده بالسعوديه وتختبري(لان زميلاتي الاجانب كانوا يعملوا كذا يقدموا بالجامعات وقت الاختبار يروح السفاره يختبروا)..واول مره أعرف أنه في دبلوم يوازي شهاده الماجستير..لانه لو كان في كان البنات ماشاءالله عليهم راحوا قدموا واخذوا الماجستير.....والدورات اللي تفيدك بسوق العمل غير محدد أي يعني يمكن لما تسئلي وش اللي يفيدك وتروحي تاخذي دورات بعدها تطلع مالها مستقبل...((بس أحب أقول إذا كنتي طموحه وأنه لسه ماجاءك تعين اجلسي وخذي دورات للي تبي تعملي فيها مستقبلا ...زي التاهيل الوظيفي...دورات سكرتيره طبيه...دورات بائعات في محلات...انتي اختياري اللي يناسبك......واتمنى من الله العلي القدير أن يرزقك باحسن الوظائف وتكون خير عليك....وبعدين في دول تروحي تقدمي ماجستير وانتي متى ماانتهيت من بحثك يتم مناقشتها مع مجموعه من الدكاتر.....يعني في ناس ياخذوها بسنه مو زي هنا في بلادنا.....لازم سنه ادرسي بالجامعه وبعدها يعطيوك مهله 3سنوات تحضري بحثك وتقدري تممدي لين تنتهي منها بعدها يتم المناقشه>>مشوار طويل....)).ربي يسهل دربك.

أختك>>>جوررررررري

نصيحتي لكي لاتدرسين بالمراسلة لأني بغيت أسوي زيك بس الكل حذرني منهم العاطلين ومنهم إلي يشتغلون كلهم يقولون مالها مستقبل زين وأنا اعرف وحده ماخذه ماجستير من الجامعة البريطانيه بالمراسلة وجايبه ممتاز وموظفة في مهعد المحترفون إلي بالجامعة والحين قفلوه يعني وحده معها ماجستير من الجامعة البريطانية وتشتغل في معهد؟؟؟؟؟؟؟؟؟؟؟؟والله يوفق الجميع

حبيبتي الماجستير بالمراسلة غير معترف فيه من وزارة التعليم العالي وما اعتقد انهم يعترفوا الا اذا حجت البقرة على قرونها ليه ما قدمتي على ماجستير جامعة الملك سعود قسم التربية الفنية توهم امتحنوا المهم صراحة انا انصحك اذا مالقيتي وظيفة افتحي صالون سيدات شغلي فيه مواهبك يمكن الفكرة ما تتوقعيها بس اقسم بالله اعرف وحده نفس تخصصك ولا لقت وظيفة سوت نفس الفكرة استفادت من موهبة الرسم لترسم على وجوه النساء وماشاء الله الحين تملك صالون على افضل مستوى وعندها عاملات سعوديات وبنت فيلا دور واحد ومبسوطة الله لا يغير عليها وهذا كله في اقل من 7 سنوات المهم الاتقان والسمعة وصدقيني بتتوفقي وادعي لي

وانا كمان ابغى في جدة

جهبذ .. أسعدني مرورك وما تقصر أخوي .
لمياء .. تسلمين حبيبتي على الرد بس الجامعة العربية ما أعتقد عندهم محاسبة .
جوري شكلي بسأل عن السفارات العربية إللي عندنا لأنو الطريقة هذي مريحة والله يخليك يا رب على الدعوة الحلوة ،، ولك مثلها إن شاء الله والموجودين .
شرف الشريف ما فكرت بالدراسة عن طريق المراسلة لأنو زي ما تفضلت قبل إنو مو معترف فيها وتسلم على المرور .
طالبة كبيرة .. جامعة الملك سعود قدمت مرتين ما قبلوني معدلي واطي والجامعات الأهلية للحين ما فتحو برامج ماجستير ، وبالنسبة لتوظيف مهارتي وإني أبدأ بعمل خاص فيني صعبة يد وحدة ما تصفق وماعندي من يعاوني من صديقات أو أقارب عشان أقول أبدأ معاهم مع إنو الكثير أشارو لي بهالفكرة بس ربي يعين .
سارة .. قولي آمين إن شاء الله أنتي وأنا وكل الناس ندرس ونتوظف .
والجامعة المفتوحة بإذن الله هالسنة تتخرج أول دفعة منها وبيفتحون لنا برامج ماجستير على كلام وحدة من الموظفات .