أجراءات إقامه بازار نسائي؟

متعثرة · #1 (**permalink**) 30-01-2009, 04:49 PM

السلام عليكم ورحمه الله وبركاته

مثل ما أغلبكم عارف أن البازارت فرصه للعديد من الفتيات لعرض إبداعاتهم

إن شاء الله أنا عندي نيه أنظم بازار نسائي بعد الإمتحانات

و من الحين أجمع معلومات عن كل ما يتعلق بالبازار
كذلك الوقت مهم بعد لأمور الدعايه و الإعــلان

لكن هل يوجد إجراءات لإقامه بازارات نسائيه

أو أحجز أي قاعه و أسوي البازار مو مشكلة

فني صيدله · #2 (**permalink**) 30-01-2009, 04:51 PM

اللـــــه يعينك

متعثرة · #3 (**permalink**) 30-01-2009, 05:03 PM

يعين الجميـع إن شاء الله

بلاحب · #4 (**permalink**) 30-01-2009, 06:42 PM

الله يوفقكم حبيبتي
ما اقدر افيدك بس بحاول اسألك هنا وهناك

موفقه يالغلا

تعبت ادور شمس · #5 (**permalink**) 30-01-2009, 07:40 PM

خابره الاسواق مثل سوق مملكة المرأه ينظم بازارات
وبرضو مركز الامير سلمان
والظاهر لازم تتفقين مع سوق معين او مركز معين وبعدين تعلنين للبنات وبرضو سوي إعلاناتك في الجامعات والكليات وخاصه اقسام التربيه الفنيه والاقتصاد المنزلي تخبرين عندهم مواهب مشاالله
والله يوفقك ويسر امرك

متعثرة · #6 (**permalink**) 30-01-2009, 07:46 PM

بلا حب

الله يوفقك و إيانا و المسلمين أجمعين إن شاء الله

تعبت ادور شمس

لا اختي انا ماقصد البازارت اللي تصير تبع جهه معينه
فيه بازارت تصير في فنادق و مخيمات و حتى في صالات الزواج
و يكونون اللي منظمينها ناس عاديين مثلي و مثلك يعني مو جهه معينه

اتمنى فهمتي علي

محمد الطميحي · #7 (**permalink**) 30-01-2009, 10:32 PM

الله يوفقك وييسر أمرك

راس الرجاجيل · #8 (**permalink**) 31-01-2009, 01:24 AM

اعتقد اصحاب الصالات اللي سبق لهم القيام بمثل هذي البازارات لهم خبره وعندهم
فكره عن المطلوب من موافقات سواء البلديه او غيرها.....ممكن تسالينهم
بس اعتقد ان البازارات هذي بدون موافقات
اللي اعرفه ونا خوك ان ارباح البازارات كبيره جدا
توكلي على الله وتراه مشروع ناجح,, ونسبة المجازفه شبه معدومه
ربي يوفقك

متعثرة · #9 (**permalink**) 31-01-2009, 01:51 AM

السروري

الله يوفق الجميع اخوي ان شاء الله

راس الرجاجيل

و أنا اختك هي فيها ربح بإذن الله
بس بعض الآحيان يكون قليل جداً
يعني ما يسوى تعبه و تكاليفه

بإذن الله بشوف لي وحده من الصالات
و أحدد وقت يكون مناسب لأغلب الناس
و نتوكل على الله أولاً و آخراً

سبحان الله من يدري
لعل و عسى هـ البازار يكون باب رزق لي و لغيري

راس الرجاجيل · #10 (**permalink**) 31-01-2009, 02:03 AM

شوفي ونا خوك البازار تكون ارباحه اقل من المامول اذا اعتمدتي بايجاره على نسبة المبيعات وهذا اللي ما انصحك فيه كاول تجربه لك
حاولي ان الايجار يكون مبلغ مقطوع وحسب المساحه والموقع
برضو حاولي يكون لك اتصال مع الشركات واعرضي عليهم الاعلان عن منتجاتهم
من خلال الممرات وداخل الصاله مقابل مبلغ مالي
وربي يوفقك