كيفكم شخباركم....بصراحه حبيت اشارككم بتجربتي مع صندوق المئوية...


انا بدات الفكره براسي من قبل اجازة الحج....ارسلتلهم السيره الذاتيه...وخلال اسبوعين ردولي بالموافقه المبدأيه....المهم تحمست وارسلولي عالجوال انو لازم ارسلهم الدراسه تبع المشروع....وطبعا لازم خلال اسبوعين...طبعا حووووووووووووست بالدراسه بس عملت كل جهدي...اتصلت بمكاتب عقارات وسالت عن الاسعار...واتصلت بمقاولين وسالتهم عن اسعار الاصلاحات العامه للمبنى كم تكلف...واستعنت عن طريق النت بمهندس تخطيطي حاول انو يساعدني وكان ابن حلال الله يوفقه...المهم بذلت اقصى مااستطيع الين كملتها....وارسلتهالهم كان اخر يوم بالدوام وحتبدأاجازة الحج...وطبعا جلست انتظر ردهم وماردوووووووووو
كلمتهم قالولي انتظري بعد الحج قلت تيب نستنى....ايييييييييه صح نسيت اقلكم انو ارسلت الدراسه عالايميل7مراااااااااااات ولمااتصلت اسال قالو ماوصلت وانو لازم امليها لهم عن طريق التلفون....المهم جا بعد الحج وانا متحممممممممسه واسبوع من حرق الاعصاب لين جاتني رساله عالجوال انو لازم اتصل احدد موعد للمقابله...وكاااااااااانت الصدمه انها بالريااااااااااااااااض...طبعاابتئست لانو ماعندي احد يوديني هم يالله موافقيني عالمشروع عاد بيودوني للرياض...المهم...اتصلت بفرع جده قلتلهم ابي المقابله بجده قالوا طيب بس حيكونو رجال...طبعا ماعجبني الوضع قلت محلاني مرتزة قدامهم واتفلسف

المهم قلت خلاص باحدد موعد للرياض وامري لله...والحمدلله الاهل تفهمو الموضوع...وحجزت على اساس نروح...وسبحان الله لماوصلناالمطار قالولنا حجزنا اتلغى...كييييييييييييييييف يتلغي وحنا ماكدينه قالو كان في امير يبي يطلع ولغينااغلب الرحلات<<<ياحبيبي عالشعب الغلبان..المهم قالو خلاص خدو حجز ثاني...وبالفعل حجزناللاسبوع الي بعدهوسبحاااااااان الله برضو خخخخخ تفوتنا الرحله رغم محاولاتنا انو نلحقها قالولناخدو موعد ثالث خخخخ وبالفعل اخدنا لثاني يوم...والحمدلله رحنا طبعا وصلت الصباح من المطار عليهم عدل...دخلت استقبلوني استقبال رائع....كلللللهم بنات قريب من سني بالعشرينات...عطوني اوراق امليها بيانات وطبعاقالولي اجيب معي الهويه وشهادات الخبره لاي شي وشهادة المستوى التعليمي...مليتهم وبعدهادخلوني على وحده راجعت معي الدراسه بالتفصيل وغيرنا بالاسعار وصلحنابعض الامور وتناقشنا كثيييييييييير المهم الين انتهيت قالتلي بالتوفيق وشكلك متحمسه خخخخ قلتلها اااااااااوه جدا جدا جدا بس ربك يسهلها قالتلي اوك روحي للمكتب الثاني...رحت قابلتني وحده كانت تسالني اساله عديه تكلمي عن نفسك....ليش تبي هالمشروع...شو وضعك...اهلك....ومن هالاسئله الين كتبت مقبووووله...وبعدها رحت لوحده تكلمت معي عن التسويق والاعلانات وكيف اشوف مشروعي بع 5سنوات والخ وبرضو كتبت مقبووووووووووووووله....





البقيه بالحلقه الثانيه<<<مصدقه حالها خخخخخخخخخخ

لا بس والله اصباعي انكسر وانااكتب:o