19-02-2009, 02:47 AM
|
عضو جديد
|
|
تاريخ التسجيل: Feb 2009
المشاركات: 18
معدل تقييم المستوى: 31
|
|
معلومات عن
الأختبار الشامل لدورة أدخال بيانات ومعالجة نصوص
أولا: يتم عقد الأختبار مرتين في السنة
في مقر ثابت لكل منطقة مثلا منطقة القصيم في المعهد العالي في بريدة
وكل المعاهد في المنطقه بكافة المحافظات( عنيزة - بريدة -الرس- البكيرية-....) يختبرون في نفس المكان
ثانيا : الجدول يوضع من قبل المؤسسة العامة وينزل في الموقع الرسمي لهم ويبلغونك المعهد بتاريخ الأختبار ولازم تصيرين دافعة كل الرسوم علشان تختبرين
ثالثا:طبعا المنهج من المعهد اللي تجي منه الأسئلة
لازم تروحين للأختبار بدري قبل الأختبار علشان يقسمون البنات ولازم تاخذين بطاقة العائلة الأصل والأفضل روحي مع باصات المعهد
رابعا:الأسئلة منوعة
قبل الأسئلة يقولون لك : شغلي الجهاز , وافتحي مجلد على سطح المكتب وسميه بأسمك رباعي ورقم يعطونك أياه
((فيه بعض القاعات المشرفه تفتح لهم المجلد ....تساعدهم يعني ))
وبعدين أفتحي برنامج الوورد واحفظيه في نفس المجلد حقك اللي بأسمك وهو فاضي وارجعي افتحيه علشان تبدأين الطباعة باللمس ......مو لازم يقولون احفظيه بس الأفضل تحفظينه
1/يعطونك قطعة تكتبينه بالملف والوقت 10 دقايق بس واهم شي بدون اخطاء وبسرعة الكتابه وتكتبين أكثر من نصف أو ثلاثة ارباع القطعة
والطباااااااعة مهمة جدااااا عليها 40 درجة تقريبا وصديقتي رسبت بالطباعة فقط لأنها ماكتبت الا 7 سطور وماكانت تتدرب بالبيت
بعدين يخذون اوراق القطعة ويطلبون تسكرين البرنامج
2/ يوزعون أوراق النظري 10 دقايق تحلين ( صح وخطأ ) وممكن اختياري وتوصيل
3/ وبعدين يعطونك ورقة العملي على ثلاث برامج ( وورد _ إكسل _ أكسس )
أختي في أختبارها جاهم أختاري برنامجين فقط وحليها
واسئلتهم سهلللله بس شاملة للمنهج
وطبعا الوقت 40 دقيقة
ملاحظات : لازم تحفظين شغلك أول بأول حرام يمكن الجهاز يعلق أو يطفي ويروح شغلك
وفيه بعض المشرفات يساعدون البنات وبعضهم لاء
وأخيرا هاذي معلومات من اختي اللي اختبرت بتاريخ 3/7/1429 هـ
واختبرت ببريدة
والأختبارت في القصيم بعد اسبوع
وانا اختباري 7/3 / 1430 هـ بعد اسبوعين
إذا كان عندك اختبار بطلب منك طلب اكتبي لي اسئلة النظري لأن الاجابة بنفس الورقة
وخوذي القطعة معك لا ياخذوها منك بالقاعة بستفيد منها
لا تنسين تدعين لي ....
وبالتوفيق 
|
ساعدوني في الإختبار الشامل ضروري
العرض العادي
