السلام عليكم

شباب انا مع ثانويه عامه/علمي /نسبتي 91.47/القدرات 70/ التحصيلي 67

ابي اتجند بس مدري بأي قطاع
يعني ابيكم تفيدوني وشو افضل قطاع من ناحية الرواتب والرحه النفسيه والترقيات
وانا وش يعطوني رتبه جندي او جندي اول
ومابي حراسات يعني ع البوابه

ويه معاهد الدراست الجويه والبحريه ولدفاع الجوي
تخرج رتبة وكيل رقيب
طيب مافيه معاهد للحرس او الامن العام
اتمنى انكم تفيديوني

ياخوي راح ابدأ من حيث انتهيت
بخصوص المعاهد اللي تخرج برتبة وكيل رقيب هي
معهد الدراسات الفنية للقوات البحريه + معهد الدراسات الفنية للقوات الجويه
وحاليا التقديم مفتوح في الرياض لمعهد الدراسات البحريه اذا حاب تسجل فيه
بالنسبة لأفضل القطاعات العسكرية من ناحية الراحه
انا اشوف ان الجوازات +الدفاع المدني هم اكثر قطاعين مرتاحين
بالنسبة للرواتب
المباحث + الامن العام
اما بالنسبة لمعهد حرس الحدود موجود في الرياض على ما اعتقد
اما الامن العام ماله اي معهد سوى مدن التدريب الموجوده في كل المناطق

بس اذا تبغى نصيحتي فأنصحك تدخل الشؤون الصحية للحرس الوطني ويبتعثونك للخارج وترجع ممرض او اداري تعمل عندهم وخصوصا ان نسبتك ماشالله ممتازه
افضل لك من العسكرية

وبالتوفيق لك انشالله

وانا معاك في هذه الفكرة
واتمن ان تتخذها افضل من العسكرية
واتمناء لك التوفيق والنجاح

مشاء الله ع شهاداتك

الله يوفقك ومثل ماقالك اخوي وزير البطاله

عليك بمعهد الشئؤن الصحيه بالحرس الوطني ولا معهد القوات الجويه ولا البحريه تنزل برتبة وكيل رقيب لكن لو تبي الراحه والدوام الرايق ع منافذ المطار او البر او البحر تدخل الجوازات دوام مدارس بالدوائر الرئيسيه عندهم هناك