طبعا ترددت قبل مااكتب هذا الموضوع لان مؤهلاتي ماتقارن بمؤهلات اللي يبحثون عن الوظايف بهذا القسم خصوصا

انا معاي ثانوية عامة بتقدير ممتاز ودورة ادخال بيانات ومعالجة نصوص ست شهور

عاطل من سنتين وتعبت من البحث عن الوظيفة لدرجة اني بأحدى المرات فكرت اصور مؤهلاتي ستين صورة
ووزعتها على ستين ملف ووالله مابقى منها الا اقل من عشر ملفات من كثر التقديمات على الشركات والدوائر الحكومية

بعد مافقدت الامل بالوظيفة فكرت ادرس واحترت بين مجالين للدراسة
اما دبلوم شبكات من مركز خدمة المجتمع بجامعة الامام او معهد اهلي
ولا ادخل دبلوم من الدبلومات الصحية مع اني ضعيف بالانجليزي

ابي شوركم اللي يعرف له وظيفة ولا ينصحني بمعهد جزااه الله خير

ياجماعة والله ادمنت على السهر في المقاهي مع اني اكره هالشي وصار الفراغ صديقي الحميم

انتظر ردودكم يالغاالين

اسمع من اختك وقدم على كلية الجبيل الصناعية تخصص هندسي تعيينها مضمون باذن الله ما سمعت او جامعة البترول بيقبلوك لانك علمي ممتاز واستغل الحين فترة الاجازة وادرس انجليزي لان الدراسة في هالكليتين بالانجليزي وما في احد تخرج منهم ولا اتعين وبيعطوك مكافاة كل شهر الف ريال وسكن لا تخلي هالفرصة وبالتوفيق وادعيلي على فكرة التقديم بعد ظهور نتائج الثانوية العامة

يا أخي انت مو معقووووووووول ابد في احد يسوي بنفسه كذا تقدير ممتاااااز ولا تدخل الجامعه انت اللي زيك يدخل الجامعه من اوسع ابوابها او يقدم بعثه على طول تنقبل ان شاء الله بس ما ادري اذا عندك ظروف تمنعك من الدراسه بالجامعه عاد ما ادري واذا والله طفشت من الدراسه تراك انت تدلع اسمح لي لانك ما شفت شي من الدراسه كل اللي مضى مو دراسه واذا انت طفشان فعلا وتبي تشتغل روح للشركات شركات سابك بالجبيل ) سمعت ان شركة ابن سينا طالبين بس ما ياخذوا اي ناس اعرف واحد نسبته ضعيفه ما قبلوه بس انت في امل وعاد هم يدربونك ويوظفونك ويزوجونك خخخخخخ ( يعطونك سكن وفلوس ) واهم شي تامين طبي ومزايا حلوه ( ترى كل شركات سابك ) وان شاء الله تتوظف وتدعيلي (ملاحظه : لو تدبر لك احد تعرفه ويوصل لك الملف للمدير يكون افضل يعني لا تقدم عن طريق النت لان النت لكل سابك وانا اعرف ان ابن سينا ضمن مجموعة سابك محتاجه )

والله يفتحها بوجهك

ابشربالخير ارجاء من كل من يرغب بي العمل التصال بي


أخي الكريم ياليت تلتزم بقـوانين الادارة

كلنا نبي عمل
بس وين بتوظفنا ياليت تشرح
<<< غبي مايفهم الى بالشرح