السلام عليكم ورحمة الله

طلبتكم والي يخليكم تكفووون رجعوني للعسكرية استقلت منها استقالة نظاميا
في المنطقة الشرقية الحرس الوطني وعودتي سمعت سهلة بس يبيلها شوي واسطة

انا استقلت لأاني ابتليت بحب اجنبية غير سعودية وتزوجتها وكنت غافل جدا وانتهى
زواجي منها بالطلاق وخسرت مية الف ريال وعندي ديون تكفون والله له دعوة مني بظهر
الغيب تكفوون وصلو صوتي للمسؤلين

انا ندمان وابوي زعلان مني علما اني مستقيل والحمدلله نظاميا وليس هروب ولاغياب وهاذا يساعدني للعودة واملك شهادة ثاني ثانوي

ورجعتي من وكالة المنطقة الشرقية

انتظركم اخواني والله لكم دعوة من قلب وابشرو بالهدية

للاسف نفس العمل لايمكن ..

لانك طلعت منه برغبتك ..

عكس الغياب اللي يسمح لة بالعودة .. اذا رغب ..

انت الان يمكنك انك تقدم في قطاع ثاني مثل الامن العام ... حسب الشروط وراح يقبلوونك ..


وبالتوفيق للجميع

اخوي انا متاكد انه فيه رجعة لاني قرأت ايام ماكنت استقلت انه اقدر ارجع بس بعد سنة تماما وانا الأن لي سنة وشوي

اخوي السالفة سالفة واسطة بسيطة بس تمشي أموري


اشكرك وياليت تتأكد الله يخليك

الله يوفقك اخووي

انا كاخبرتي عسكري سابق
اني فصلت بغياب لاني لم اكمل المدة اربع سنوات تم سؤالي هل ترغب بالعودة بالخدمة قلت لهم لا ..

اما اللي يفصل نظامي يتم صرف حقوقة المالية ويعتبر فصل وانهاء خدمة حسب طلبة ..

بالنسبة لاعادة الخدمة بعد الفصل النظامي في نفس القطاع لايمكن .. الا اذا عندك واسطة ..

علما بان الاولوية للقبول في الامن العام متاحة حسب الشروط ..

اخوي مشكلة الأمن العام يقبل ثانوية فقط ولاكيف


ياليت تفيدني جزاك الله خير

اية ثانوية عامة وقدرات بعد..

هذا انا ناوي ان شالله اختبر شهر 5 قياس ونقدم على الله

الله يوفقك اخوي نبض القلب


تستاهل الخير ولاتتركها نصيحة ترى شح الوظائف والفقر شين

الله يوفقكم يا 1399 ويا نبض القلب
والله في العون العبد ما دام العبد في عون اخيه ((بارك الله فيك نبض القلب))

نصيحه لا ترجع دور وظيفه بشركه او شيء لين تاخد ثالث ثانوي وبتحصل افضل وافضل

اقل شركه بتعطيك ثلاث الف

وهدا رائيي والله يوفقك يارب