السلام عليكم ورحمة الله وبركاته


طبعا الموضوع واضح شحده من بدايته ,,,


كـل يوم وهذا حالي ادخل على امي الله يخليها لي واول ما تشوفني جاي تعرف ان وراي طلب وابي فلوس بس انا قنوع ماخذ إلا حق حاجتي طبعا الدخان البكت بالمدينة بـ 7 ريال

بس انا الحمدالله معي سيارتي الخاصة وكنت اروح اكـد عليها وبحكم إني عاطل ونومي ما أدري متى ؟؟ ومتى أصحي صرت ما اروح أكـد على سيارتي لأني ما اصحى إلا بعد العشاء تقريبا وعلى بال ما آكل شئ واجلس مع إخواني وشوية سوني <<< طبعا خطير سوني ( واضحه الفلاحه )

آخر الليل مابه احد الفجرية اصلي واجلس على النت شويه وبعدين انام وهكذا كل يوم.

الحاصل وسالفة الخمسة المشكله إنها للدخان وطبعا مابه غير أمي أبوي الله يخليه لنا أنحرج اطلبه عيب هذا كبري وبطلبه خمسة ولا عشرة وانا ما اخذ غير حق الدخان بس .

لأني لو بغيت شئ ثاني اهم من كذا رحت اشتغلت على سيارتي لو يكلفني وش ما يكلفني
لأن السيارة راس مالها 10 بنزين 91 بعد ولف على السيارة واطلع ذاك اليوم ولله الفضل والمنه ولله الحمد والشكر اطلع 50 ريال بالقليل وهذا فضل من الله

انا لو ما ادخن كان افضلي لكن ما اقول غير الحمدالله على ما بلانا فيه المشكله على ايش ادخن ؟؟ والله مدري

الحاصل وزبدة الموضوع يا اخواني الي من اهل المدينة ومعه سيارة وعاطل ويستحي انه يطلب اهله انصحه انه يروح يكد على السيارة والله الحمدالله يا اخواني ان الواحد بمدينة الرسول صلى الله عليه وسلم بحد ذاته كفاية والرزق فيها ماشاءالله تبارك الله والله خير بخير

المشكله اني اعرف واحد من العيال ماشاءالله ماعليهم والله لو يبي لبن العصفور ابوه يجيبه له ( أما لبن العصفور كثر منها )

والله كان يقلي ماشاء الله عليك تروح تلف على السيارة مشكلتي اني والله استحي اني اروح اكد على السيارة قلتله والله ما راح احد ينفعك غير تعبك يا اخوي ما فيها شئ ناس موضفين ويكدون على سيارتهم طبعا مافيها شئ صح ولا لا ؟؟؟

والموضوع جاء بخطاري وقلت خلني اكتبه ممكن احد مثلي يعاني من الفقر وقلة المال وهو يدخن


وخل احد عاد يناديني بـ تكسي منتديات البطاله