سالفتي مع صاحبي وكلب الحراسة البوليسي ( لاتفوتكم انوااع الفلة )

عبدالله آل حمادي · #1 (**permalink**) 09-03-2009, 01:13 PM

بسم الله الرحمن الرحيم

السلام عليكم ورحمة الله وبركاته

وش اخباركم وش علومكم ان شاء الله بخيررر <_ مطول الاخ

اقرواالسالفة اللي صارت لنا انا والشباب البارح بالليل وحنا بالمزرعة واضحكواا

الله يطول بعمركم حبايبي يقولكم المثل ( اذا لم تكن ذئبآ اكلتكـ الذئاب )

البارح بالليل واحد من الربع اتصل علي وقال لي ياعبدالله نبي نطلع مزرعتكم نسوي عشاء مندي

وش رايك نكلم الشباب نجتمع بالمزرعة

ونسوي عشاء ونسوالف وتحلى جمعتنا دام من من زمان ماأجتمعنا

قلت له ابشر يابعدي انت كلم الشباب وخليهم يجهزون نفسهم

ونتكل على الله ونطلع المزرعة ونظبط الاوضاع وكل حاجة

المهم قفل الرجال الخط وطلعت البيت وكلمت الوالدة الله يحفظهاا تجهز لي الاغراض

مقاضي الجلسة من شاي وقهوة واشوية حلى وكيك يعني على شان السهرة

المهم اجتمعنا كل الشباب عند البيت وكنا حنا 7 شباب

وتوكلنا المزرعة ع الساعة سبع ونص بعد المغرب المهم في واحد من الشباب

يخاف من الكلاب اللي عندي بالمزرعة تكرمون حبايبي

لان عندي كلبين للحراسة واحد بوليسي واحد إيطالي والإيطالي مات الله يرحمة كنت احبه

المهم قبل مانمشي قال صاحبي شوف ياعبود انا ماطب المزرعة الا لمن اتأكد

إن كلابك مربوطين بالحوش ولا وربي معاد ادخل المزرعة قلت له ابشرك الايطالي مات ماباقي الا البوليسي

قال ليت ميت هالبوليسي ولا الايطالي لانه يخاف من البوليسي اكثر لانه متحوش بقووة

قلت له ابشررر يابعدي وادق ع العامل وأسأله عن ***** تكرمون وقال لي العامل

انه مربوط بالحوووش وكنت حاط سبيكر على شان يسمع الكلام صاحبي

المهم بعد ماتأكد صاحبي ان ***** تكرمون ماهو مسيوب بالمزرعة قال يالله سرينا

المهم وصلنا المزرعة ولاهو راضي ينزل من السيارة يقول لازم تروح تتأكد هو مربوط بالحووش ولا لا <_ ابوك يالخواف

المهم الشباب كانوا عادي مايخفون منه لانهم تعودوا عليه الا هاللوح

المهم رحت تأكدت ولقيته مربوط بالحووش اول ماوصلت عند الحووش كان يقوم وينط ع الشبك

ويجلس ينابح المزرعة اللي جنبنا سمعوا صوته واشغل النور اصرخ بوجهه يوم شافني

عرفني وهجد ورجع مكانه وابن الابلسة العامل ماحط له عشى <_ مدلعه يوميآ اجيب له غداء وفطور وعشاء

المهم رجعت للوح صاحبي وقلت له هو بالحووش ويالله بلا دلع وخوف انزل

والشباب فاقعين ضحك عليه وماينادونه الا العنيد <- العنيد هذا اسم ***** تكرمون

لان من كثرر مايخاف منه قاموا يسمونه كذا ههههههههههههههههههه

المهم ياطويلن العمر نزلنا ورتبنا وجهزنا كل حاجة وشبينا التنور وضبطنا الشيش <- لازم الشيشة ولا ماتحلى الجلسة

وجلسنا نتقهوى ونطق بالوت ونسولف على مايجمر الحطب داخل التنور المهم شغلنا البركة على شان

بنتروش الماي دااافي والجو البارح داافي واستغلينا الفرصة على شان نتروش

المهم وقمنا نجهز الرز والدجاج والشغلات الباقي

وماباقي الا تقطيع الطماط والبصل والبطاطا واشوية شغلة للرز

وكلفنا صاحبنا الخواف يقوم يقطع هالحاجات المهم كان المطبخ قريب من البركة

وانا والشباب خلصنا شغلنا وقلنا بنقوم نطب بالبركة نص ساعة على مايجمر الحطب بالتنور

المهم قمت والشباب وطبينا بالبركة وكان صاحبنا بالمطبخ وقلنا له اذا خلصت تعال اسبح معنا

قال خلاص عشر دقايق وانا عندكم بالبركة المهم طبينا انا والشباب وهو جالسس يقطع الخضرة بالمطبخ

واتفق انا والشباب وحنا بالبركة اني اقوم واطلع ***** تكرمون من الحوش واجيبه عند المطبخ دامه

صاحبنا مو حولنا ولا هو حااس بشي واتفق معهم واقوم اطل من باب البركة وصاحبنا مايدري وش السالفة

جالسس بالمطبخ وطربان جالسس يغني ويقطع الخضرة وحناا فاقعين ضحك عليه

وادبك وادبك وادبك بسررعة للحوش وادخل الحووش وافتح ***** وامسكه وهو يجرني يفكرني

بوديه يسبح معناا بالبرركة

ويوم وصلت عن المطبخ وعند البرركة وكان اهد ***** على صاحبنا واروح بسررعة واطمر بالبركة

وماشفنا الا تغيرر صوت الغناء الى صوت واحد يصارخ يمااااااااااااااهـ يماااااااااااااااااهـ

يلعن ابوك ياعبيد يلعن جدك تعال بسررعة ولا وربي بالسكين اذبح ه***** و***** شافه يصارخ وقام ينابح

وخوينا بالله وربي جالسس يصيح من الخوف ومتعلق فوق النافذة من الخوووف

وانا والشباب فاقعين ضحك عليه وبنفس الوقت مترحمين على حالته

اشوي ماشفنا الا صاحبنا رفس شبك النافذة وقلع ابو الشبك من الخووف

وجاا يسرررع وويطمر البركة بثيابه

وجلسس يصيح وحالته حالة ويسب فيناا وفيني وحناا رايحن ضحك عليه

وزعل وطلع وبدل ثيابه وشغل سيارته وحنا نحاول فيه يابن الحلال لاتزعل ترى هذا مزح

ولا عطانا وجه وفحط بوجهناا ومشى

المهم ***** تكرمون مايدري وش القصة جالسس يطالع فينا ويتحمد عليناا

المهم ندق على خويناا معطينا خاامس مايرد وقلنا شكله بجد زعل

خلينآهـ على راحته قلنا مردة بيرجع

ورجعنا لبسنا ثيابنا ونزلنا العشاء بالتنور

وفعلا بعد ربع ساعة رجع وقلنا له وش فيك توك زعلان

وش فيك رجعت قال راجع مو على شانكم راجع على شان بطني لاني جاايع

المهم وسامحنا الرجال ومن جلسس جنبنا وهو يسب ويتحلطم علينا ومادري وش يقول ويتلافيت يمين وشمال

واشوي يضحك واشوي يحزن ( خرف من الخوف )

ههههههههههههههههههههههههههههههههههه

وطلعنا العشاء وتعشيناا وكل واحد مشى بدررربه

وهذا صورة ***** حقي تكرومووون
/
/

هاا في احد شدهـ عليه
وبختام كلامي لاتخلوون الخووف يسيطر عليكم

اتمنى ان تعجبكم السالفة .. ودمتم سالمين

مؤمل خير · #2 (**permalink**) 09-03-2009, 04:08 PM

وعععععععععععععع يا الكلاب انا اخاف منها

يكفي اني عندي بلبيت البسه حقتي الي اسمها بيسووووووووو

أنا منحوسه · #3 (**permalink**) 09-03-2009, 04:15 PM

هههههههههههههه

والله يحق له يخااف هذا كلب مو لعبه

بعدين ارحموا حاله مسكين ..لاعاد تسون فيه مقلاب

يعطيك العافيه والله يديم بينكم الوناسه

الاياوقت · #4 (**permalink**) 09-03-2009, 04:17 PM

هههههههههههههههههههههههههههههههههههههههههههه
ههههههههههههههههههههههههههههههههههه
ياااااااافيكم نذاااااااااااااله تكفي قبيله
بس عااااااادي تتعااااااامل مع ****************
موقرف هم ولعاااابهم<<<<<<<<ووووووووووووعععععععع

عبدالله آل حمادي · #5 (**permalink**) 10-03-2009, 05:36 PM

اقتباس:

المشاركة الأصلية كتبت بواسطة مؤمل خير

وعععععععععععععع يا الكلاب انا اخاف منها

اقتباس:

المشاركة الأصلية كتبت بواسطة مؤمل خير

يكفي اني عندي بلبيت البسه حقتي الي اسمها بيسووووووووو

ههههههههههههههههه

صحيح الكلاب تخوف بس بالعكس اذا صار متعود على اللي حواليه عاادي

ومن ناحية البسة عندي وحدة بالبيت حق اختي ومسمينها سلوما

لاهنتي يالغالي ع المرور الطيب

كل الود

عبدالله آل حمادي · #6 (**permalink**) 10-03-2009, 05:38 PM

اقتباس:

المشاركة الأصلية كتبت بواسطة أنا منحوسه

هههههههههههههه

والله يحق له يخااف هذا كلب مو لعبه

بعدين ارحموا حاله مسكين ..لاعاد تسون فيه مقلاب

يعطيك العافيه والله يديم بينكم الوناسه

هلا فيك اختي

ويعني اذا انه كلــب والله بالعكس بالحييل وناااسة

إن شاء الله لوا يهمك حضرة الموديرة مراح نعيدها هههههههه

الله يعطيك العافية ع المرور الطيب

كل الود

عبدالله آل حمادي · #7 (**permalink**) 10-03-2009, 05:40 PM

اقتباس:

المشاركة الأصلية كتبت بواسطة الاياوقت

هههههههههههههههههههههههههههههههههههههههههههه
ههههههههههههههههههههههههههههههههههه
ياااااااافيكم نذاااااااااااااله تكفي قبيله
بس عااااااادي تتعااااااامل مع ****************
موقرف هم ولعاااابهم<<<<<<<<ووووووووووووعععععععع

يارب دوم هالضحكة تعلي محياك

ومن ناحية النذالة حدث ولا حرج ههههههههههههه

وبالعكس التعامل معهم وناااسة يكفي انه اوفى حيــوان للأنسان هم الكلاب

مشكورة ع المرور الطيب

كل الود لك

J и ๏̯͡๏ η · #8 (**permalink**) 11-03-2009, 11:29 AM

ورب الكعبة ياعبدالله لو انا مكان صاحبك اني ماعاد أسلم عليك
ياااااخي حرام عليك هذا كــــــلب مو لعبه

تبغا الجد..شكلـــــــــــــــــــه يخوف

بس ياهوووو موقف

تسجيل الدخول

سالفتي مع صاحبي وكلب الحراسة البوليسي ( لاتفوتكم انوااع الفلة )

إستراحة الأعضـاء

بسم الله الرحمن الرحيم السلام عليكم ورحمة الله وبركاته وش اخباركم وش علومكم ان شاء الله بخيررر <_ مطول الاخ

سالفتي مع صاحبي وكلب الحراسة البوليسي ( لاتفوتكم انوااع الفلة )