قروض تعليمية

فني بدون خبرة · #1 (**permalink**) 16-03-2009, 04:12 AM

السلام عليكم ورحمة الله وبركاته
كيف الحال اخواني

انا عندي موضوع اتمنى اني القى جواب عليه

هل هناك جهات توفر قرووض لمواصلة تعليمك ؟
مثلا مثل ماتشوفون عاطل لي اكثر من 9 شهور

وحبيت استغل الفرصة اني اكمل تعليمي في مجال تخصصي
خارج المملكة لكن ضروفي المادية ماتسمح اني اكمل الدراسه
وحاولت اقدم في وظائف وبعثات لكن مالقيت لي نصيب فيها
وعندي الرغبة اني اكمل التخصص

لكن الي حبيت استفسر
اذا فيه قرووض شخصيه عن طريق البنك او جمعيات او جهات حكومية
اني اكمل تعليمي وبعد مااتخرج اسدد كل المبالغ الي علي
وبكذا استفيد من الوقت
ماتهمني الفوائد الي راح ياخذونها
يهمني يطلع لي قرض اقدر اكمل والتسديد بعد التخرج
واذا يبون ظمانات ماعندي اي مشكله

هل فيه امكانية او لا

ابي افادتكم جزاكم الله خيرا

ملك التحديات · #2 (**permalink**) 16-03-2009, 08:24 PM

اخوي انا سمعت عن قروض للفني عشان يفتح له مشروع
اما يدرس معتقد
بس فيه حركه ممكن تسويها تطلع بحسابك الشخصي بعد ماتطلع وتدرس فصل والاثنين تقدم على بعثة وزارة التعليم العالي تعوض اللي دفعت وتعتبر مبتعث

اتمنى اني افدك

تحياتي
ملك التحديات

فني بدون خبرة · #3 (**permalink**) 17-03-2009, 06:02 AM

اقتباس:

المشاركة الأصلية كتبت بواسطة ملك التحديات

اخوي انا سمعت عن قروض للفني عشان يفتح له مشروع
اما يدرس معتقد
بس فيه حركه ممكن تسويها تطلع بحسابك الشخصي بعد ماتطلع وتدرس فصل والاثنين تقدم على بعثة وزارة التعليم العالي تعوض اللي دفعت وتعتبر مبتعث

اتمنى اني افدك

تحياتي
ملك التحديات

قدمنا قروض بالنسبة للفني لفتح مشروع حسب تخصصي لكن قوبل بالرفض
لان ماعندي خبرة مشترطين سنه خبرة في المجال الي افتح فيه

اما اني اسافر على حسابي الشخصي انا ادري ان اموري راح تضبط اذا رحت وكملت كم سنة لكن الظروف الماديه ماتسمح اني حتى اسافر الى اي مدينة داخل المملكة

فياليت من الاخوان الي يقدر يفيدنا من ناحية القروض للمواصلة التعليم
من بنوك اوغيرها

ومشكور اخوي على مشاركتك

احلى احساس · #4 (**permalink**) 17-03-2009, 06:28 AM

اخوي كان فيه قروض من صندوق الموارد البشرية هذا قبل ثلاث سنين
بس ماادري الحين فيه ولالا تقدر تتصل فيهم وتاخذ معلومات

تحياتي

متفائل بدعاي ربي · #5 (**permalink**) 17-03-2009, 10:03 AM

الله يوفقك يارب ويعطيك مرادك

فني بدون خبرة · #6 (**permalink**) 18-03-2009, 11:33 AM

اقتباس:

المشاركة الأصلية كتبت بواسطة احلى احساس

اخوي كان فيه قروض من صندوق الموارد البشرية هذا قبل ثلاث سنين
بس ماادري الحين فيه ولالا تقدر تتصل فيهم وتاخذ معلومات

تحياتي

دخلت موقعهم وشفت فيه معلومة مثل الي ذكرتها بس اغلقت من فترة طويله

ودعمهم فقط لجهات تعليم داخل المملكة

ومثل منتوا عارفين اي خريج من الكلية التقنية مايقدر يكمل باي جامعه داخل المملكة
يقدر بس في الكلية التقنية بالرياض فقط

ولكم ان تلاحظوا كم اعداد الكليات التقنية بالمملكة
واعداد الخريجين منها ويكملوا في كلية وحدة في الرياض فقط

ويقبلوا عدد ظئيل لبرنامج البكالوريس

غير الشروط والاختبارات الي يسوونها <<< كانها منخل

شاكر لك على ردك للموضوعي ومساعدتك لي