تكفون مشورتكم انا في حيره جدا جدا جدا

عاطل متعطل · #1 (**permalink**) 07-04-2009, 09:51 PM

السلام عليكم ورحمة الله وبركاته

اخواني واخواتي وفقكم الله

والله ياخوان محتار جدا جدا جدا جدا جدا وضايقه بي الدنيا طفشان من حياتي وهموم الدنيا شيبة براسي

انا كنت موظف معقب وقسم باالله العظيم ماذقت طعم الراحه بالعمل لاتتوقعون اني اجلس بمكتب او انهي معاملات بمكتب وعلى كرسي وطاوله لالا ..انتم تعرفون ان المعقب مايجلس بيديه المعاملات ومن مكان الى مكان وانا فصلت لاني تعبت نفسيا من الدوام تعبت نفسيا وجسدياااا ولي تقريبا ثلاث شهور تارك العمل ..والان عرضة علي شركه اشتغل معهم معقب نفس مجالي الاول والراتب 2300 ريال مادري ارجع او لا انا في حيره من امري

تكفون ياخوان ابي مشورتكم الله يرحم والديكم

ولي يعرف شركه توظفني مراسل او سواق الله يجزاه خير ويرحم والديه

وتكفون تدعون لي ان الله يوفقني

ريمان الحلوه · #2 (**permalink**) 07-04-2009, 10:11 PM

والله ترجع احسن من انك تكون عاطل

وانت دور على وظيفه ثانيه وانت تشتغل اذا جاتك فرصه احسن اتركهم بس انك تكون عاطل صعبه

وان شالله الاخوان يساعدونك

عاطله وتوظفت · #3 (**permalink**) 08-04-2009, 12:32 AM

الله يرزقك من واسع فضله وكرمه
اخوي عاطل الحياه صعبه علينا جميع وماتجي بالسهل ولا التساهيل
توكل على الله واقبل الوظيفه واثناء وظيفتك ابحث عن فرصه افضل
ترى جلست البيت وانك عاطل تتعبك نفسياً اكثر من وظيفتك و2300 نعمة كريم احسن من لاشيء يمكن ماتعوض عن تعبك نفسيا ولا مصاريف الجوال او الاكل اوووو لكن اصبر وصابر وكافح وربي يسهل لك امورك

جد جلسة البيت صعبه وتمرض الواحد لكن ربي يتكفل بحالنا

Mo chuisle · #4 (**permalink**) 08-04-2009, 10:13 AM

استااذي الفاااضل ...

حتى لو قبلت بالوظيفه الجديده رح تكون نفس الشيء .. تعب وهم ومشقه جسديه ...

لكذا حل المشكله من الجذر ...

اقبل بالوظيفه الجديده من اجل توفير مصروفك ... وبنفس الوقت خذ دورااات في الكمبيوتر والانجليزي او دورااات ادااريه ومحاسبه وغيره ...

مع هذه الدورااات رح تتوفر لك عروض افضل من المعقب ان شاااء الله ...

لكن لا تترك الوظيفه وتجلس بالبيت ... لين تشوف افضل او تطور من نفسك ...

والله يوفقك ويرزقك من اوسع ابوااابه

ويحقق لك مرااادك

ولدبريدة · #5 (**permalink**) 08-04-2009, 11:04 AM

ان كان عندك خبرة بالتعقيب اتوقع تلقى شركة تعطيك راتب أكثر..

لكن اقول دور لك على واحد يفتح لك مكتب تعقيب والربح 50%..

صولجان الكلمة · #6 (**permalink**) 08-04-2009, 03:58 PM

يارب ابعد عن اخي حيرته ....

اخي الجلوس في البيت مشكلة لأن النفس إذا لم تكن مشغول أشغلت باتباع الهوى ....

أخي الكريم لابد من التعب في الرزق وهذه تكون في أول المشوار بأذن الله وبعدها الاستقرار .....

في الدنيا الحكيم من ينظر إلى من دونه لكي لا يتعب نفسياً وفي الطاعة إلى من هواعلى منه ....

اصبر واحتسب على هذه الوظيفه ولا تغفل جانب الدعاء .......

والسلام ..

السفري · #7 (**permalink**) 08-04-2009, 04:48 PM

بالتوفيق للجميع

معلم لغة عربية · #8 (**permalink**) 08-04-2009, 10:28 PM

شوف لك شغله ترتاح فيها أكثر , بعد ما تقبل الوظيفة !
لا يفوتك الفوت , ولا تقول تعبت .. تعتقد أحد مرتاح ؟؟
وبعدها حاول تكمل دراسة , وتحصل على دورات .. إلخ
والدنيا أرزاق وأنا أخوك لا تقول فلان معاه الشهادة الفلانية وجالس , والله يرزقنا وإياك من واسع فضله

اقرأ توقيعي