ثلاث وعشرين الف هل تكفي لبداية مشروع العمر؟؟

دردعانه · #11 (**permalink**) 10-04-2009, 12:36 PM

بيض الله وجيهكم ياجماعه على التشجيع

ماقصرتوا والله تخلون الواحد يصير ناجح وهو ماسوى شي

اهم شي الدعاء لاتنسونه

الله يوفق الجميع ويرزقهم

noreen · #12 (**permalink**) 10-04-2009, 12:38 PM

انا مافهم بالحداده كثير
لكن كمشروع
لازم تحصر كل التكاليف ====كلها كلها
وتشوف راس المال يكفي ولا لا
ثانيا هال23 الف ماتحطها بس عشان يبدا المشروع
لازم تخصص مبلغ لمواجهة اي ازمة او مصروف او تكلفه ممكن تقابلك
==============
ثانيا على سالفة الرخص (رخص الايجار ورخص العده )
مش مهم رخيص ولا غالي
المهم هل فيه مكسب يغطي التكاليف ويحقق ارباح مرضيه ولا لا
----------------------
لاتستعجل
وابدا بشي انت تحبه ويحقق ارباح اكيده باذن الله
ولا تتفائل زيادة عن اللزوم
ترا هذا اكبر غلط طاحوا فيه اصحاب المشاريع الصغيره

دردعانه · #13 (**permalink**) 10-04-2009, 12:39 PM

اقتباس:

المشاركة الأصلية كتبت بواسطة سمو المعالي

ياغالي شد حيلك اقسم بالله في شخص كان راس ماله عشرين الف ريال بعد فتره صار راس ماله اصبح عشرين مليون

اهم حاجه التخطيط السليم وبعدين انت ادري بنفسك مستحيل احد يعرف وش ظروفك انت وش تفضل وش ميولك وبعدين

اتجه نحو الشي اللي تحبه وصدقني رايح تبدع فيه بس اهم شي تكون تحب الشغله

التجاره هوايه وانت شوف هوايتك وين بالظبط وحدد الاتجاه

بالهمه تأصل القمه بعد التوكل علي الله سبحانه وتعالي

هذا اللي نطمح له بعد توفيق الله يالغالي

والتجاره من هواياتي

لكن يالله عساه خير

الف شكر يالغلا

دردعانه · #14 (**permalink**) 10-04-2009, 12:41 PM

منتظر ردودكم

غلاالكون · #15 (**permalink**) 10-04-2009, 12:59 PM

الله يوفقك أهم شئ أنك تحب الشغله

تاجر شاطر · #16 (**permalink**) 10-04-2009, 03:04 PM

اخوي الله يوفقك
بس هل تعرف من اكثر الاسباب التي تؤدي لتعثر اي مشروع
هو عدم التقدير الجيد لتكلفة المشروع0
وانت اخي هنا لم تقدر التكلفه بشكل جيد0
لان تكلفة مشروعك يفوق المبغ بكثير واحسبها على السريع معك
الاجار 15000
المعدات او الادوات 5000
اجراءت البلديه رحصه 500 + لوحة محل 500= طفايات حريق 500 هذا على اقل تقدير
سياره لو قديمه للايصال الطلبات لزبائن او شراء الخام 10000 ريال
الان 32000 تقريبا
بعد ذلك اجراءات استقدام العماله يتطلب منك اكثر من 3 اشهر بالاضافه الى شهر او شهرين قبلها لرخصه

طبعا التأشيرات تحتاج مصاريف

الله يوفقك لا اريد احبط من عزيمتك ولكن سبقتك بمثل هذه المشاريع ولكن العامل او المهني الجيد
لا يعمل الا لحسابه او لا يأتي من بلده فلو كانت مهنتك انت حداد اؤيدك بالعشره لانك تشرف عليه مباشرتا
ويمكن انت الي تدربه

فتى نجد · #17 (**permalink**) 11-04-2009, 09:02 AM

اقتباس:

المشاركة الأصلية كتبت بواسطة دردعانه

هههههههههههههههههه

هلا بفتى نجد

وش عرفك بالجراحيه شكلك من عنيزة

شوف فكرك حلوه وهذا اللي ابسويه حت واحد من الربع عنده ورشة حداده وله باع طويل بالحداده يقول إذا جبت عمالك جبهم عندي ادربهم لك

عالعموم فكرتك من ذهب بيض الله وجهك

ياأوصمنجي

هلووووين ... لاوالله مانب من عنيزه لكني حولك مانب بعيد , ولا والله والف نعم باهل عنيزه خاصةً حبايبنا وااااااااااااجدين هناك , واهم شي مطعم زااااااااااااكـــي ههههههههههههه .

عموماً دامك تعرف احد عنده ورشه اشتغل معه شهر وتعلم , عشان اذا بديت تقدر تتحاشى أخطاء كثيره وتوفر على نفسك أي خساير .

وموفق بإذن الله ,,,

آحساس شرقاوي · #18 (**permalink**) 11-04-2009, 12:05 PM

اقتباس:

المشاركة الأصلية كتبت بواسطة تاجر شاطر

اخوي الله يوفقك
بس هل تعرف من اكثر الاسباب التي تؤدي لتعثر اي مشروع
هو عدم التقدير الجيد لتكلفة المشروع0
وانت اخي هنا لم تقدر التكلفه بشكل جيد0
لان تكلفة مشروعك يفوق المبغ بكثير واحسبها على السريع معك
الاجار 15000
المعدات او الادوات 5000
اجراءت البلديه رحصه 500 + لوحة محل 500= طفايات حريق 500 هذا على اقل تقدير
سياره لو قديمه للايصال الطلبات لزبائن او شراء الخام 10000 ريال
الان 32000 تقريبا
بعد ذلك اجراءات استقدام العماله يتطلب منك اكثر من 3 اشهر بالاضافه الى شهر او شهرين قبلها لرخصه

طبعا التأشيرات تحتاج مصاريف

الله يوفقك لا اريد احبط من عزيمتك ولكن سبقتك بمثل هذه المشاريع ولكن العامل او المهني الجيد
لا يعمل الا لحسابه او لا يأتي من بلده فلو كانت مهنتك انت حداد اؤيدك بالعشره لانك تشرف عليه مباشرتا
ويمكن انت الي تدربه

آول شي آوافق اخوي الراي

وثاني شي
انت من عونيزه والنعم والله
انا من الشرقية بس اعرف ناس بعنيزه
تبي فكره ناجحه مررره بعنيزه
واخو صديقة اختي يشتغل فيها
الجوالات والله يطلع ذهب
ومايبيلها راس مال كبير
آجر الكوشك يعني خل راس مالك 8 الاف ريال
بس قبلها تعلم الشغله شهر كامل وبعدين آبتدي
وربي لاتدعيلي
وانا بقولك شي
انت بتقول هاذا يستهبل الي يتكلم مو شرط انك تستمر فيها بس انت تبي راس مال اكبر فجمع اذا ماودك الآستمرار عليها
بس قبل كل شي لازم تعرف واحد بالسوق عشان يعطيك الخبره وعشان ماينضحك عليك
وثاني شي ياعزيزي الجوالات انت ضامن باذن الله زبونك يوم 25 الشهر وهو جاي يشتري منك ويوم 10 الشهر جاي يبيعلك

يعني لبى كلك فكر آقسم بالله مانصحتك الا وودي لك بكل خير
ولاتستعجل وتركد
آنا صارلي الحين اكثر من 8 شهور وانا افكر اخذ سلفه من صندوق المئويه ومتخوف ههههههههههههههه

والله ولي التوفيق
والله يرزقك ويبسطلك في رزقك
ويسترك ويستر حريمك وعييلك
اخوك بوساره

مفلس مان · #19 (**permalink**) 11-04-2009, 04:50 PM

انشاء الله تكون بدايه موفقه
استخر
ونصيحه لاتدخل باي شغله الا بعد ماتعرف مداخلها ومخارجها
عشان اغلب الشغلات الحرفيه التلاعب فيها كبير من قبل العماله الوافده الله يهديهم
الا اذا كان بتجلس بالورشه 24/24
والله يوفقك دنيا وآخره
وعقبال ماتصير شيخ الحداديييييييين بالقصيم