.
.

قصة واقعيه .. لفتاة تدعو .. منيره

ترجمها بأحساسه الإنسـاني بكل حرفنة شعريه ..

أترككم مع الألم .!

..

الفــــرح طفو شموعه واسمعو قصة منيره
تكــمله لاتعس حكايه اسمها عصر الذكوره

ابتـدت قصة شقـــاها وعادها طفله صغيره
عــمرها خـمسة عشر وتـوها تنبت زهوره

زوجـوهـا شخص تـافه لا حلال ولا عشيره
غـرهم طيبه وقـالوا بـاكر بتضـبط امـوره

سـلمت لله وقالت ياعـسى مـلـيون خــيره
الصـبر للمؤمنات ودامنــي منهن صبــوره

اسـكنت فبيت مـوحش اثـمن اشـياءه حصيره
بيت آيـل للسـقـوط بكـل جـدرانـه وسوره

عـيشـة ضنـكا ولكن رغـمـها كـانت كبيـره
كـافحت واخـذت شـهادة عـلمها يشـع نوره

شاركـته بـكل شـي وبيـتها كـانت تـديـره
ضلـع اعـوج والحقيقه عقلها طـاغي حضوره

لـى مـشى خطوه ووقف كـملت عنه مسيره
كـملتـه بطيب خـاطر مـا تبي تجرح شعوره

كـانت تقـدر وجـوده وبـأي حاجه تستشيره
كـانت تصحـيه يصلي كـانت تجهز طـهوره

كانت تحـبه محبه كـن مـا مخـلوق غــيره
ودهـا تكسب رضـاه وودها تـرضي غـروره

لــلاسـف ورغـم هـذا شافت نجوم الظهيره
كـانت تــزوده موده واللئـيم يـزود جـوره

كـان يسـمعها كـلام اعـذبه انتـي حقــيره
وكــل ذره في جسدها مـاتشافت مـن شروره

اصبـرت لـعيـون خـمسه كنـهم ورد وعبيره
مـادرت ان كـل واحـد مـنهم بيـجيـه دوره

واتـهمـها فـي شــرفها بعد مـا ودع ضميره
قـال طـالق بالثـلاث وربـي العـالـم بـزوره

واحـرموها من ضناها عــزي لحـال الكسيره
عـذرهم يـوم اظلـموها (انها كـانت كفـوره)

واصبحـت بعد المـآسي تـرجي الله وتستخيره
(ربي ان المـوت أهـون ليس للـعيش ضروره)

قصـة والواقـع يبكي وادري مـاهي بالأخيره
وقبل مــا اسكت ابسأل واهدي للتاريخ صوره

اذكـروا لي كم وحـده تشبه لقصة منيـــره؟!
وعـلـموني كم واحـد عـايش بإسم الذكوره؟!

عذرًا .. لدموعكم

للإعجاب ,, سلطان .. الحربي

تسلم يالاخو كلماتها شقا وعذاب بارك الله فيك

والله لاأملك تعليق سوى كان الله بعون منيرة واي زوجة مثلها وان يهدي الضال من الازواج . . . ابدعت ياوريث الجرح في الطرح .

قصة واقعية ,, ومنيرة,,,مثلها العشرات,,,للأسف
الله يصبرها ويعوضها
شكرا وريث الجرح
على القصيدة المؤثرة

..

شكرًا .. للجميع لمروركم المتصفح ,,

مودتي

قصيده حزينه..

بارك الله فيكم اخي الكريم..

سقط الدمع حزنا على حالك ياأوخيه ... وحال من شابهك
كان الله في عونك يامنيرة ..
وعوضك خيراً من ذلك باذنه ..ان لك يكن بالدنيا يكن بالاخره..



......,,,,....,,,,....,,,
أخي ..
أتعلم ..
أنه فخـراً لي أن اُسقط دموعي لمثل هذا المنظــر ...!؟
والا
أين المشاعر الاخويه ...!!!
أين الاحساس بالاخرين....!!!!
وكــيف لنا أن نشارك هموم أخوة لا نعرفهم الا عن طريق اعلامٍ او شبكة عنكبوتيه..!!

الدمع .. والدعاء ,,,,,,,, ليس سواهما



..
وريث الجرح
لك الشكر ..رغم الم القصيدة الا انها راااائعه..

ابيات موثرة وحزينة
الله يكون بعون الجميع
يعطيك العافية
دمت

يآآآآآه ....
أبيات تعووور القلب ..
صح لسان شاعرها وصح السانك ..
إختيار جميل .. رغم الحزن والالم اللي فيه ..
الله يعطيك العافيه ..
دمت بخير

مسآفات السنين ,,

حضورك يزيد للمتصفح نور

لاحرمت هذا النور ياأخيّه

مودتي