المشاركة الأصلية كتبت بواسطة وجدتها

الله يجزاكم خير وما قصرتوا ........لكن أحب أعرفكم أني أنا فتاة والأصح أننا فتايات في التخصصات المذكورة ......صار لنا أكثر من عشر سنوات متخرجين ودنا نستفيد من شهاداتنا ......حتى لو بفكرة عمل مشروع صغير ...لكن نستفيد مما درسناه ....والله يجزاكم خير لا تقلون دروس خصوصية لأن الناس هذي الأيام لا تهتم بالتفوق في الدراسة......

المشاركة الأصلية كتبت بواسطة يحيى صالح

على فكره اذا بنات قروا موضوع وفيه وحده منكم اسمها : نوره ولا ليلى ولا سوسن ولا فاطمه

لا تزعلون غالاشخاص اللذين في القصه من نسج الخيال وليس لهم اي علاقه بالواقع

<<<< مسوي منتج هههه

تحياتي

المشاركة الأصلية كتبت بواسطة أحبك يازوجتي

حياك الله أخووي يحيىصالح

بصراحه موضوعك دوخني ، يعني الشغله على كلامك يبيلها مبنى خاص . وطاقم كامل ومكاين طباعه واجهزه وحووووسه

بالتوفيق ياخوووي

المشاركة الأصلية كتبت بواسطة بزنس مان

هذا الرد كتبته وانا مدربي راسي ما انتبهت ان السائله مجموعة بنات هههههههههههههههههههه

وماحبيت امسحه لاني تعبت في كتابته

المشاركة الأصلية كتبت بواسطة يحيى صالح

عندي مشروع لاكن غريب شوي ويمكن صعب شوي بعد
ويبيله اعلان قوي شويتين
لاكن راس ماله مش كثير
واتقد ان فكرته جديده على مجتمعنا واكاد اقول مجتمعنا الخليجي


بقول الفكره ولا تضحكون هذا ماجادت به بنات افكاري


وش رايكم تفتحون مركز مثلا نسميه المراجع العلميه نفس طريقه الدروس الخصوصيه لاكن بشكل مميز يعني مثل ما يقولون المثال يقرب المقال

هذي بنت اسمها نوره <<< هذي نوره
وخويتها اسمها ليلى <<< هذي ليلى


المهم جات الدكتوره في الجامعه او المحاضره وقالت لهم سوولي بحث عن كذا كذا
او بكره عندك اختبار عن كذا كذا او اي شي يحتاج له الرجوع الى شخص خبير او كتب معينه ... الخ

المهم جات نوره دورت في الانترنت ودورت عند زميلاتها وعند جيرانها وكل اللي لقتها هي افكار مستنزفه ومبتذله وقديمه ونوره تبي تسوي شي جديد تبي تتميز
او على الاقل تبي شي جديد ماهي مثل بعض البنات والشباب يجون اثنين ينزلون نفس الموضوع من النت ويجون مبسوطين عند المحااضر ولا عي نفسها وفي النهايه صفر

المهم جت نوره عند خويتها ليلى وهي خايفه البحث باقي عليه يوم واحد بس
وقالتلها : ياليلى والله تعبت وش اسوي ما فراسي شي ولا عندي وقت.

قالت ليلى (وهي قاعده تتفرج على نور ومهند ومتحمسه مع المسلسل) : ياشيخه بسييطه كلها نقزه نص ساعه ساعه عند مركز البحوث النسائي اللي جنب الجامعه ونجيب لنا ذاك
البحث اللي اذا شافته الدكتوره تعطينا الدرجه الكامله دبل.

قالت نوره (وكانت ماسكه كتب تدور فيه ويوم سمعت كلام ليلى نزلت الكتاب وفتحت فمها معلنة دخولها مرحلة التفهيه من الذي سمعته ) : انتي تتكلمين من جد معقوله فيه مكان يسويلي بحوث واجيه اطلبه بحثي واخذه بالسرعه هذي .

التفتت ليلى على نوره وقالت لها : انتي بالله قاعد كل يوم على النت وعلى التلفزيون ولا قد سمعتي عن المركز هذا ، تحسبين فاطمه وسوسن ماخذين درجات حلوه من روسهم وشطارتهم الله يخلي مركز البحوث النسائي ، ورجعت تبي تتابع المسلسل
وتذكرت شي والتفتت على نوره بسرعه وقالت لها ليلى : حتى لو تبين تدرسين وشلون تسوين بحوثك او تبين بحث ولا تبين تشترين الكتاب ومن مكتبه في ثانيه ومشاوير
هم يوفرون لك دورات وشلون تسوين بحث وعندهم قسم فيه كتب عن طل الاقسام ومكان هادي مافيه رجه تقدرين تسوين البحث اللي تبين لا وحتى لوتبين تستفيدين من النت
فيه عندهم واير لس تقدرين تجيبين الابتوب وتدورين على اي شي وماتدفعين الا مبلغ رمزي اول مره تجينهم لا وعندهم بطايق عضويات vip في اي بي لك خصومات وهدايا وعندهم كوفي شوب صغير في اكلات خفيفه ومشروبات يعني مركز متكامل حتى لو ماتبين بحث تقدرين تروحين تقرين وتقضين وقتك فيه وباسعار رمزيه
وهم يقدمون لك المعلومات اللي تبينها في اي تخصص

وعلى فكره ترين اللي هناك كلهم سعوديات ودارسات نفس التخصصات
يعني تقدريتن تتفاهمين معهم باللي تبين وهم ما يقصرون .









فكرتي يمكن حلوه يمكن غبيه عاد انا قلتها وبكيفك يمكن اكون غلطان يمكن في مراكز كذا لاكن مما قد سمعت عنها لا للشباب ولا للبنات وهذا الدليل على انه يبيلكم اعلان قوي

حبيت الطف الجو شوي وسويتها لكم على شكل سيناريو خفيف
عشان لو ما عجبتكم الفكره على الاقل تتقبلونها نسبيا


حاولت افيدكم باللي عندي لكم اجمل تحيه

والسلام عليكم ورحمه الله وبركاته


اخوكم
يحيى صالح