والله ما ادري شلون ترسلون سيرتكم الذاتية لجهات مجهوله.. ومشبوهه..

وهذي الاشياء مو حدث غريب.. كثير صار لهم.. والحمدلله وقفت على كذا..ولا عاد تكررينها..

وفيه بعض الوظائف يلزمك تتكلمين بلهجة غير سعودية.. زيادة في الصياعه وجذب الرجال.. يعني انتي دميه.. يلعبون فيك..

والله الشرهه على الدولة اللي جالسه تعطي الاجانب اكثر من حقوقهم.. اي اجنبيه تتزوج سعودي.. تاخذ الجنسية السعودية.. وطبعا تفر عقل الرجال لين تتملك وتفتح محلات لها.. وتوظف سعوديات.. لكن تتمتع في تعذيبهم واهانتهم.. تقولين ماسكة يهودية مو سعودية..

واللي منحاشين من دولهم.. وجالسين ومخفين كل اوراقهم.. تعطيهم صلاحيات بالتملك.. وفتح محلات.. باسمائهم..
وقلوبهم ما تارسها الا الحقد والكره للسعودية كدوله.. والسعوديين كشعب..

بارك الله فيكم والله يستر علينا اجمعين
مشكوررررررررررررررررررررررين على المرور



الاخت اللي تقول ارسال السيرة على الخاص
طيب وش نسوي طفشنا من جلست البيت
شهادات ودورات ترسنا الملف ومافي وظائف
كلنا يفرح اذا شفنا وظيفة بمركز نسائي
يعني مافي اختلاط وانا ماكنت افكر الوظيفة بهذا الشكل
لكنه درس وحبيت ابلغكم عشان البنات ينتبهوووون

مشرفتنا الغالية سيريالية تم الارسال على الخاص

وانا يابنات كنت برد عليها بموضوعها اللي طرحته
على اساس البنات ينتبهون لكن للاسف الموضوع اغلق
انقهرت مرررررررررررررررة

لكن الله يخليكم اي احد يقرا الموضوع اتمنى يرفعه
منشان البنات ينتبهووون والله اني احبكم :o:oيابنات واخاف عليكم

الله يحفظك انشاء الله يارب وجمبع بنات المسلمين
المفروض ما ارسلتي سيرتك لان هذه الجهه غير حكوميه ووغير مضمونه انها تعرف سيرتك
واصلا من بعد ما قالوو 10 اليل المقابله المفروض ما رحتي من الا ساس احس مشكوك بامرهم حتى لو معك اختك
المفروض تروحي برجل معاك من محارمك
الحمد لله يا اختي احمد الله سبحانه ان فكك من شرهم واسجدي شكرر
الله يحفظنا ويحفظك و بنات المسلمين يارب العالمين

ياليت والله الموضوع يثبت
عشان البنات يستفيدون وينتبهون

هذه ضراااائب العمل الخاااااااص ..

الله المستعااااان

جزااااااااك الله خير اختي على التنبيه وحرصك على اخواااتك

وربي يحمي الجميع

لاحول ولاقوة الا بالله

الحمد الله عدت على خير

اتمنى تثبيت الموضوع

او كتابة موضوع تحذيري وتثبتة بهذا الشأن

المفروض من البنات عامة يرسلون السيره الذاتيه بدون ارقامهم الخاصه

يضعون فقط رقم المحرم ومن يريد ان يتواصل فليتواصل مع المحرم بدون ان تضعون ارقامكم خشية الازعاجات ..

..

عموماً الله ستر والله يوفقك ويرزقك ويرزق الجميع يااارب ..

مشكووووووووووووووووووووووورين على المرور
بارك الله فيكم

ويا اخواني ويا اخواتي الوالد اللي وصلنا المشغل
بس انا اقصد اني ما ادخل مكان الا معي اختي
فهمتوني يعني صعب ادخل الوالد معي جو المركز النسائي

هلا بك أختي (صورة حزينة) ...

أوّلا ً : الحمدلله على سلامتك ..

ثانياً:نصيحتي لك ونا أختك ، القطاع الخاص أبعدي عنه تمام البعد لأنه مشاكله كثرت ، إلا إذا كان عنوان العمل تعرفينه وواضح للجميع زي مدرسة أهلية أو معهد تدريب حاسب ، لكن غيرها (( انتبهوا يابنات ، مهما كان إنتم ضعيفات مهوب زي الرجل تقدرن تقاومن وتدافعن عن أنفسكن )) فلا تدخلون أماكن شاكّين فيها ..

أنا بعد مثلك حصل لي موقف بس مهو للوظيفة ،
في فترة من الفترات أيام دراستي الجامعية بآخر ترم أو اللي قبله كنت محتاجة النت (ووقتها كان متعطّل عندي) ، كنت أبي أعدل على جدول الجامعة يعني أضيف مواد وأحذف مواد ..

فقلت أشوف وحدة من هالمراكز النسائية اللي توفر خدمة النت أروح لهم أخلص موضوعي وأرجع ..
المهم لقيت مقهى نسائي في أحد الاعلانات وحسب ماذكروا إنه محافظ ومرتب وووو غيره .

المهم رغم بعد المركز ، رحت له

طبعاً تفاجئت باللبس اللي لابسينه ، صحيح هي بناطيل لكن >> الله المستعان.

بداية دخولي ماكان فيه صوت (يمكن لأنه كان وقت أذان)، أنا اخترت إني أجلس في الدور الثاني لأنه أهدأ

بعد نهاية الأذان بشوي ماأدري إلا ذيك الموسيقى والأغاني العالية ترتفع بالمركز ،كلّمت البنات اللي كانوا يشتغلون هناك (وبالصراحة كانوا أكثر أخلاق وتعاون من صاحبة المقهى هداها الله)

المهم >> قلت لهم رجاء قفلوا على الموسيقى ، أناماأسمع أغاني !!!

قالت طيب : قفلوها شوي ، ولا هي ترجع تصدح ، أسألهم ليه كذا ؟ قالوا مب كيفنا صاحبة المقهى تبي كذا عشان الزباين طلبهم كذا (من الزباين ياترى؟)

شوي إلا يدخلون شلّة بنات (بصراحة أنا ارتعبت منهم ) من اللبس و العطور ..
عاد هم جلسوا بطاولة قريبة مني .. شوي إلا ريحة الشيشة ترتفع بالمكان
أسأل البنات ، وش ذا (طبعاً متعجّبة ) ؟؟

قالوا هم طالبين كذا ... عاد جتهم الشيشة والخوات قامن يشفطن وينفخن ..والأغاني >> المشكلة إنه كان موشم حج ولسه حتى الحجاج ماغادروا المشاعر

أنا شفت كذا ،، سحبت نفسي وطلعت ، مع إني ماخلصت موضوعي مع الجدول الجامعي ،، قلت لو الله يخسف بهم الحين ونا معهم ، وش أقول له؟

هذي قصتي مع واحدة من المقاهي ... ذكرتها لكم للعبرة والفائدة وانتبهوا ...يابنات من المقااااااااهي ،

مشكووووووووووووووووووووووووووورين على المرور بارك الله فيكم

مشكورة ياسيادة المستشارة بيني وبينك كل شيء صار يخووووف

اهم شيء نجلس بالبيت ونتوكل على الله

دام هذا حال الناس صار

ولا اقول الا

اللهم استرنا فوق الارض وتحت الارض ويوم العرض