عندي لك حل إن شاء الله يكون مناسب

وخل هذا الحل للطواريء فقط .... ( شنو الطواريء : هي لما ينزلون اليمنى السعر ويخلون مكسبهم قليل عشان تخسر )

الفكرة .. أنك تبيع الجهاز الجوال بسعر الجملة + 10 ريال

مثلاً أشتريت جوال بسعر 1000 ريال جملة ... تبيعه1010 ريال

تقول لي وين الفائدة .... بقول لك يالغالي

إذا عندك بالبيت أحد من خواتك أو الوالدة .. ممتازة بالأشغال اليدوية

تجيب لك كم كرتون ( علب) وتزينهن بالبيت بأشكال حلوه وتغليفات روعه

بتفيدك لما يكون الشاري بيشتري الجوال هدية


أو أنك تشوف الشركة ( اللي تشتري منهم بالجملة ) يشترون منك كراتين الجوال أو لا

إذا يشترون منك الكراتين حقت الجوال ... والسعر لو قليل بس يفيدك

فأنت بيع الجوال بسعر الجملة بدون كرتون

والكرتون تبيعه للشركة

بكذا تكسر سوق اللي حولك .. ويعرفون أن الله حق وانت لاتقول لهم عن طريقتك

الحل هذا تستخدمة مؤقت لين الزبائن يتعودون عليك وسحبون على الأجانب اللي حولك

صحيح ممكن مايفيدك مادياً ولا يدفع لك الإيجار ولكن إسم أنك كسبت زبائن يعني مؤقت ومنها تكسر سوقهم

وبرضوا بنفس الوقت .. طلع ربحك من شي ثاني .. مثل الذاكرات والإكسسوارات ولو تضيف شغلات ماهي موجوده عند اللي حولك

برامج للجوال وصور خلفيات تكون حلوه وطبيعية

وحاول تبتعد عن النغمات الغنائية ... وتذكر ( من ترك شيئاً لله .. عوضه الله خير منه )

هذا اللي يحضرني حالياً وخاصة لما شفتك تعاني بسبب الأجانب

ومشكلة إذا الزباين الله يهديهم يفضلون الأجنبي على السعودي ولد ديرتهم

والله لو الفرق 100 ريال عند السعودي لأشتري منه على الأقل أنفعه لو أني أدفع أكثر

وبالتوفيق لك إن شاء الله يالغالي

إذا طرأ علي شي جديد بكتبه لك إن شاء الله

لاتنسى ان الاعلان له فااائده كبيره ... سوي لك بروشورات او كرووت وعليه اسم المحل وكم كلمه حلوه تجذب الزبون وخااصه بالاسعار وحااول توزعه بالسوق على المتسوقين بواسطة اخ لك او اي احد ..

عليك بالصبر والاستمرار والله يوفقك

الرومنسي طول بالك ونا اخوك وشوف زملائك واصدقائك وكل يخبر التاني واشري سوى وزين وموبيالي جمله
وخذ ريال كافي وانتي بشطارتك اكسر سوقهم التجاره شطاره مو مهم تكسب الضعف
وخليك سمح با البيع والشراء والاخوان ماقصر
وربي يوفقك